Emɔzo Buluku ne 4:5 - BAEBOLO ANZƐƐ BULUKU NWUANZANWUANZA

⁵ Bɛva kpanwo mɔɔ mgbɔvonle wɔ nu la bɛbɔ moyɛlɛ azu, na bɛbɔ ahonle fufule nu azubɔdeɛ ne mɔ nolo, ɔluakɛ bɛmɛ Yizilayɛma, ɛhye a le nyɛleɛ mɔɔ bɛkulo kɛ bɛyɛ a.”

Emɔzo Buluku ne 4:5 ပူးပေါင်းရင်းမြစ်များ

Edwɛndolɛ Buluku ne 81:12

Yemɔti mengyakyile bɛ memanle bɛdabɛ bɛ anzosesebɛ ne, kɛ bɛdabɛ bɛyɛ mɔɔ bɛkulo la.

Ayezaya Buluku ne 1:1

Emɔzo ara nrenya Ayezaya ɛnyelɛzodeɛnwunlɛ ne mɔɔ Nyamenle yele hilele ye, mɔɔ fane Dwuda nee Gyɛlusalɛm anwo wɔ mekɛ mɔɔ ɛnee Dwuda Arelemgbunli Ɛzaya, Dwotam, Ehaze, yɛɛ Hɛzikaya di ebia la ɛne.

Ayezaya Buluku ne 1:11

Ɔse, “Bɛ azubɔlɛ bebelebe ne ɛnzɔ me nye. Bɛ mboane ɛyelalɛ azubɔdeɛ ne mɔ nee bɛ nane mɔɔ ɛlɔ la anu ɛnlome azubɔdeɛ ne mɔɔ bɛfa bɛmaa me la ɛyɛ boɛ. Me nye ɛnlie nlankɛ, mboane mralɛ anzɛɛ mbɔnkye nyinli mogya nwo bieko.

Gyɛlɛmaya Buluku ne 7:10

na bɛaragyinla me nyunlu wɔ me Ɛzonlenlɛ Sua ye mɔɔ bɛfa me duma bɛfɛlɛ ye la anu, na bɛaze kɛ, ‘Bɛlie yɛ ngoane’ wɔ mekɛ mɔɔ bɛtɛgua zolɛ bɛtɛyɛ bɛkyi ninyɛne la.

Gyɛlɛmaya Buluku ne 7:9

Bɛwua, bɛku menli, bɛto awuvolɛvalɛ mɛla ne, bɛdi amonle bɛbɔ adalɛ, bɛkpu ɛyɛlɛ bɛmaa bozonle Beeyale, bɛsonle nyamenle gyɛne gyɛne mɔɔ bɛnze bɛ la,

Hozia Buluku ne 9:1

Yizilayɛma, bɛgyakyi fɛlɛkolilɛ! Bɛmmadi wulupe kɛ maanle maanle ne mɔ la, ɔluakɛ bɛmɛ Yizilayɛma, bɛbɔ tuutuu ɛbɛla, na bɛkpo bɛ Nyamenle. Bɛhulo kɛ bɛkɛbɔ bɛ ɛkpa kɛ tuutuuma la wɔ ma ɛwozolɛ ɛleka ne mɔ.

Hozia Buluku ne 9:10

Ɛdɛnkɛma se, “Mɔɔ mekanwu Yizilayɛ la, ɛnee ɔle kɛ vanye ma mɔɔ ɛfifi fienemgbole nu la. Mɔɔ mekanwu bɛ nlenya mɔ la, ɛnee bɛle kɛ feege mɔɔ ɛlɛdumua azo la ma mɔɔ ɛbolo la. Na mɔɔ bɛrale Piyɔ Boka la, bɛdule bɛ nwo bɛmanle bozonle Beeyale ne, na mengyile bɛ bɔkɔɔ kɛ bɛ bozonle ne mɔɔ bɛhulole ye la.

Sɛlɛ 23:17

Bɛva kpanwo ahunguma nwiɔ mɔɔ bɛva esamo kilo nwiɔ a bɛyɛ la bɛvi sua nu bɛrɛla bɛrabɔ ehono azu bɛmaa Ɛdɛnkɛma Ɔwɔ kɛ bɛfa mgbɔvonle bɛwula esamo ne anu na bɛado, na bɛva bɛyɛ ma mɔɔ lumua la azubɔdeɛ bɛmaa Ɛdɛnkɛma.

Emɔzo Buluku ne 5:21

Ɛdɛnkɛma se, “Mekyi yɛɛ mekpo bɛ nyamenlezonlenlɛ ɛvoyia ne mɔ; yɛɛ me nye ɛnlie bɛ ɛzonlenlɛ ne mɔ anwo.

Emɔzo Buluku ne 5:22

Bɛfa bɛ ɛyelalɛ azubɔdeɛ nee bɛ ma azubɔdeɛ ne mɔ bɛba bɔbɔ ɛdeɛ, noko menrɛlie, yɛɛ menrɛnlea bɛ nane dɔlera anzonudwolɛ azubɔdeɛ ne mɔ bɔbɔ.

Edwɛkpa ne kɛmɔ Mateyu hɛlɛle la 15:9

Bɛ ɛzonlenlɛ ne le mgbane, ɔluakɛ bɛkilehile mɔɔ menli ɛhyehyɛ la kɛ asɛɛ me mɛla ɔ!’ ”

Edwɛkpa ne kɛmɔ Mateyu hɛlɛle la 23:23

“Bɛmɛ mɛla kilehilevolɛma nee Falasiima, munzule ɛha bɛ! Nabalabama! Bɛmɛ bɛbu ɛlobɔ nu ɛya evuanlɛ mɔɔ le kɛ aabɛya la anu bulu bɛfa ko bɛmaa Nyamenle, na bɛbu bɛ nye bɛgua ninyɛne mɔɔ hyia kpalɛ wɔ mɛla ne anu, mɔɔ fane pɛlepɛlelilɛ, anwunvɔnezelɛ, yɛɛ nɔhalɛlilɛ nwo ngilehilelɛ la azo. Ɛhye mɔ a ɔwɔ kɛ bɛyɛ a, yɛɛ ɔnle kɛ bɛbu bɛ nye bɛgua mɔɔ ɛha la azo.

Edwɛkpa ne kɛmɔ Mateyu hɛlɛle la 6:2

“Zɔhane ati saa bɛfa debie bɛahyɛ a bɛmmabɔ nwolɛ awuye, kɛmɔ nabalabama ne mɔ yɛ ye wɔ nyianu azua ne mɔ anu nee awɔdenle ne mɔ azo la. Bɛyɛ ye zɔhane amaa bɛanyia bɛ nyunlu wɔ menli nyunlu. Nɔhalɛ, meka meahile bɛ kɛ bɛnyia bɛ ahatualɛ bɛwie.

Wulo 1:28

Kɛmɔ menli kpole kɛ bɛnrɛnwu Nyamenle la ati, ɔgyakyile bɛ ɔmanle bɛ adwenle ne mɔ mɔɔ ɛkpɔlɔ la, amaa ɔlua zolɛ bɛyɛle ninyɛne mɔɔ ɔnle kɛ bɛyɛ la.