Emɔzo Buluku ne 4:3 - BAEBOLO ANZƐƐ BULUKU NWUANZANWUANZA

³ Na bɛbalua bane adokule nu bɛavinde, awie biala bahɔ ɔ nyunlu fɔɔnwo na bɛavuandi bɛ bɛagua Hɛmɔn.” Kɛ Ɛdɛnkɛma se la ɛne.

Emɔzo Buluku ne 4:3 ပူးပေါင်းရင်းမြစ်များ

2 Arl 25:4

yɛɛ Babeloniama bule suakpole ne bane ne hɔle sua ne azo a. Ɛnee Babelonia ɛlɔnema ɛbɛnra ɛyia suakpole ne ɛdeɛ, noko Dwuda ɛlɔnema ne amuala holale nriandile hɔle nɔe ne. Bɛvale arelemgbunli tola ne anu bɛhɔvale anuhɔlɛ kpole ne mɔɔ wɔ suakpole ne bane nwiɔ ne ayia zo la, bɛvale Dwɔdan Bɔnza ne adenle zo bɛnriandile.

2 Arl 7:15

Menli nwiɔ zɔhane dinle Seleama toonwo hɔdwule Dwɔdan ne anloa, na bɛnwunle kɛ, ye ndɛndɛ mɔɔ bɛkpondɛ la ati, Seleama nriandi ahɔ la ɛnee bɛlɛwɔlɔwɔlɔ bɛ adɛladeɛ na bɛfuandi bɛ konle ninyɛne bɛgua. Na soanvolɛma ne ziale rabɔle belemgbunli amaneɛ.

Ayezaya Buluku ne 2:20

Mekɛ ne anu menli bavuandi bɛ dwɛtɛ fufule nee ezukoa nvutuke mmonle ne mɔ mɔɔ bɛyɛ bɛmaa bɛ nwo na bɛsonle bɛ la agua. Bɛbagyakyi bɛ bɛamaa abotokila nee akpanlɛ ne mɔ.

Ayezaya Buluku ne 31:7

Ɔluakɛ mekɛ ne anu awie biala bavuandi ye dwɛtɛ fufule nee ye ezukoa nvutuke mmonle ananze ne mɔ mɔɔ bɛdabɛ bɛyɛ na ɔlua zolɛ bɛyɛ ɛtane la agua.

Gyɛlɛmaya Buluku ne 52:7

Yemɔti Gyɛlusalɛm ɛlɔnema ne bule bane ne nɔɔzo na bɛpenle ɛkɛ bɛnriandile. Bɛbɔle bɛ ti Dwɔdan Bɔnza afoa nu. Bɛvale anlenkɛ kpole bie mɔɔ la bane nwiɔ ne avinli la anu, bɛluale belemgbunli tola ne anu bɛhɔle.

Yizikeɛle Buluku ne 12:12

Na belemgbunli ne mɔɔ sie bɛ la bava ye bɔlɛ ado ɔ kɔme zo nɔɔzo, na yeanriandi yeahɔ. Ɔbavunvu bane ne anu yeafiti yeadɔ ɔ nzi, na yealua nu yeahɔ. Ɔbaheda ɔ ti zo, amaa yeannwu azɛlɛ ne mɔɔ ɔlɛkɔ zolɛ la azo.

Yizikeɛle Buluku ne 12:5

Funvu bane ne anu fiti tɔ ɔ nzi wɔ bɛ nye zo ɛkɛ ne, na dua nuhua finde.

Emɔzo Buluku ne 6:7

Yemɔti bɛdabɛ a bɛbalumua bɛahye bɛ bɛahɔ nlɔnu a. Bɛ ɛvoyialilɛ nee bɛ ɛkponledolɛ ne mɔ kɔsɔɔti bara awieleɛ.

Zɛfanaya Buluku ne 1:18

Bɛ ezukoa nvutuke nee dwɛtɛ fufule ɛnrɛhola ɛnrɛlie bɛ wɔ Ɛdɛnkɛma ɛya kenle ne anu. Ewiade amuala bayela wee wɔ ye ɛya senle ne anu, ɔluakɛ ɔbazɛkye bɛdabɛ mɔɔ bɛwɔ azɛlɛ ye azo la arɛlevilɛ nu.

Edwɛkpa ne kɛmɔ Mateyu hɛlɛle la 16:26

Saa sonla nyia ewiade ninyɛne ne amuala na ɔminli ye ɛkɛla a, duzu nvasoɛ a ɔnyia a? Ɔnnyia ɛhwee! Debie biala ɛnle ɛkɛ mɔɔ sonla kɛhola kɛva kɛzenza ye ngoane a.

Maanlebuvolɛma Buluku ne 5:17

Gaade abusua ekpunli ne dɛnlanle Dwɔdan Aduduleɛ, Dan abusua ekpunli ne hale nyevile ne anloa, Ahya abusua ekpunli ne noko dɛnlanle ɛnwea ne anloa, na bɛhale nyevile ne anloa.