Emɔzo Buluku ne 4:13 - BAEBOLO ANZƐƐ BULUKU NWUANZANWUANZA

¹³ Ɔluakɛ bɛnlea, Nyamenle ne mɔɔ bɔle awoka ne mɔ, na ɔbɔle anwoma, ɔda ye adwenle ali ɔkile sonla; ɔkakyi alehyenlɛ ɔmaa ɔyɛ aledwolɛ, na ɔtietia azɛlɛ ye azo awoka zo la, ye duma ɛne, bɛfɛlɛ ye “Ɛdɛnkɛma, Tumivolɛ Nyamenle!”

Emɔzo Buluku ne 4:13 ပူးပေါင်းရင်းမြစ်များ

Dwobu Buluku ne 9:7

Ɔsisi sɛnzɛne ne anwo zo, ɔmmaa ɔndudu, na ɔkeda nwɔlɔra nyunlu.

Edwɛndolɛ Buluku ne 135:7

Yemɔ a ɔmaa amungu dwazo ewiade ati lɔ a; ɔmaa ɛsɛnlɛmanye kpakye ezule nu, na ɔtukue anwoma anlenkɛ ɔmaa ɔtu a.

Edwɛndolɛ Buluku ne 139:2

Ɛze me azedɛnlanlɛ nee me ɛdwazolɛ nu; ɛze me adwenle muala.

Edwɛndolɛ Buluku ne 147:18

Ɔ nloa edwɛkɛ maa bɛ muala bɛkolo; ɔmaa anwoma tu na azule ne mɔ se.

Edwɛndolɛ Buluku ne 65:6

Wɔ anwosesebɛ yɛɛ ɛvale ɛhyehyɛle awoka ɛhilele wɔ tumi kpole ne a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 10:22

Yemɔti Mosisi dendenle ɔ sa anwomanyunlu na awozinli kabikabi vale Yigyibiti maanle ne kenle kɔkɔlɛ nsa.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:20

na ɔragyinlanle Yigyibitima nee Yizilayɛma avinli. Amungu ne yele awozinli kabikabi manle Yigyibitima, na wienyi dale Yizilayɛma anyunlu. Yemɔti nɔe ne, ɛlɔnema ekpunli nwiɔ ne ambikye nwolɛ fee.

Ayezaya Buluku ne 40:12

Nwane a ɛva ɔ sa akunlu ɛzuzu nzule, na yeva ɔ sa yezuzu anwomanyunlu a? Nwane a ɛhola ɛva debie ɛzuzu azɛlɛ ye azo munlutu, na yeva awoka mgbole nee ngyikyi yegua tone zo yezuzu a?

Ayezaya Buluku ne 45:7

Medame a mebɔ wienyi nee awozinli a, medame a memaa sonla kpazi na memaa munzule to ye a, medame a mele Ɛdɛnkɛma mɔɔ yɛ ninyɛne ɛhye mɔ kɔsɔɔti a.

Ayezaya Buluku ne 47:4

Yɛ Kpɔnevolɛ ne, ye duma a le Tumivolɛ Ɛdɛnkɛma. Yemɔ a ɔle Yizilayɛ Nwuanzanwuanza Ko ne a.

Ayezaya Buluku ne 48:2

Bɛfa suakpole nwuanzanwuanza ne duma bɛfɛlɛ bɛ nwo, na bɛfa bɛ ti bɛsɔ Yizilayɛ Nyamenle ne; ye duma a le Tumivolɛ Ɛdɛnkɛma.

Ayezaya Buluku ne 5:30

Mekɛ ne anu, bɛbahulu kɛ nyevile. Na saa awie to ɔ nye nea maanle ne a, ɔbanwu kɛ awozinli nee nyane ɛva ye, na amungu ɛheda zo.

Gyɛlɛmaya Buluku ne 10:13

Saa ɔtea nu a anwomanyunlu nzule yɛ begyebegye; ɔmaa amungu kye ewiade ɛleka biala. Ɔmaa ezule fedevede na ɔmaa ahumu tu.

Gyɛlɛmaya Buluku ne 10:16

Gyekɔbo Nyamenle ne ɛnle kɛ nyamenle ɛhye mɔ, ɔluakɛ yemɔ a ɔbɔle ninyɛne kɔsɔɔti a, yɛɛ Yizilayɛ abusua ekpunli ne le ye agyadeɛ: ye duma a le Tumivolɛ Ɛdɛnkɛma.

Gyɛlɛmaya Buluku ne 13:16

Bɛwula Ɛdɛnkɛma bɛ Nyamenle ne anyunlunyia kolaa na yeamaa awozinli ava bɛ, na bɛandu koti wɔ awoka ne mɔ azo, amaa saa bɛkpondɛ wienyi a yeangakyi awozinli kabii.

Gyɛlɛmaya Buluku ne 46:18

Medame mɔɔ me duma a le Tumivolɛ Ɛdɛnkɛma la, mele Belemgbunli, na mese: Meka, meka kɛ, awie mɔɔ kɛzua wɔ la le kɛ yezua Boka Teebɔ wɔ awoka avinli anzɛɛ Boka Kamɛle wɔ nyevile nloa.

Gyɛlɛmaya Buluku ne 51:16

Saa ɔtendɛ a anwomanyunlu nzule di tufonyia, ɔmaa amungu dwazo aleɛabo ɛleka biala. Ezule tɔ a ɔmaa ɔfede, na ɔmaa anwoma vi ye anwomazielɛ ɛleka ne tu.

Gyɛlɛmaya Buluku ne 51:19

Gyekɔbo Nyamenle ne ɛnle zɔ, ɔluakɛ yemɔ a ɔbɔle ninyɛne kɔsɔɔti a. Yizilayɛ abusua ekpunli ne le ye agyadeɛ, ye duma a le Tumivolɛ Ɛdɛnkɛma.

Daneɛle Buluku ne 2:28

Yɛlɛ Nyamenle wɔ anwuma mɔɔ sa fealera nu ninyɛne gua zolɛ a, na yemɔ yɛɛ ɛye mɔɔ kenle bie bazi la ɛhile Nana a. Ɛlalɛ ne mɔɔ Nana hanle, nee ɛnyelɛzodeɛnwunlɛ ne mɔ mɔɔ ɛnwunle bɛ wɔ nla nu la, bɛmɛ ɛne:

Daneɛle Buluku ne 2:30

Tɛ kɛ asɛɛ mame meze nrɛlɛbɛ metɛla nrɛlɛbɛvolɛma mɔɔ ɛha la ɔ, na bɛmaa wɔanwu wɔ ɛlalɛ ne abo la ati ɔ.

Hozia Buluku ne 12:6

Yemɔti, Gyekɔbo abo zo amra, bɛ Nyamenle ne moalɛ ti, bɛzia bɛrɛla na bɛzɔ ɛhulolɛ nee pɛlepɛlelilɛ nu kpundii na bɛhendɛ bɛ Nyamenle ne dahuu.

Dwowɛle Buluku ne 2:2

Ɔbayɛ awozinli nee alɔbɔlɛ kenle, amungu nee awozinli kabii kenle. Abɛbɛ ɛlɔne ɛyɛ kɛ menli anwo ɛzulolɛ, ɛheda awoka ne mɔ azo kɛ awozinli. Ɛhye, ɔvi tete, bie ɛtɛsile ɛlɛ, yɛɛ bieko ɛnrɛzi ɛlɛ wɔ awolɛndoazo kɔsɔɔti mɔɔ bara la anu.

Emɔzo Buluku ne 3:13

Bɛdie, na bɛbɔ Gyekɔbo abo zo amra ne kɔkɔ kɛ, kɛ medame Awulae Nyamenle, Tumivolɛ Ɛdɛnkɛma mese la ɛne:

Emɔzo Buluku ne 5:27

mebava bɛ meahɔ nlɔnu wɔ Dɛmasekɛse anzi lɔ,” kɛ Ɛdɛnkɛma, mɔɔ ye duma a le Tumivolɛ Nyamenle la se la ɛne.

Emɔzo Buluku ne 5:8

Mɔɔ bɔle nwɔlɔra Nsuu nee Apea Nsa, na ɔmaa awozinli kakyi alehyenlɛ, ɔmaa alehyenlɛ du yɛ aledwolɛ; yemɔ mɔɔ ɔtwe nyevile nu nzule ɔkɔ na ɔmaa ɔkakyi ezule ɔtɔ azɛlɛ ye azo la, ye duma a le Ɛdɛnkɛma.

Emɔzo Buluku ne 6:8

Ɛdɛnkɛma, Tumivolɛ Nyamenle ne se, “Medame Awulae Nyamenle, meka me ngome me nwo kɛ: Mekyi Yizilayɛma mgbanyizonleyɛlɛ ne, mekpo bɛ azua mgbole ne mɔ mɔɔ bɛbɔ nwolɛ bane la. Mebava bɛ suakpole ne nee zolɛ debie biala meamaa kpɔvolɛma!”

Emɔzo Buluku ne 8:9

Kenle zɔhane mebamaa sɛnzɛne ne adɔ ewiazo ketekete, na aleɛ adwo na awozinli ava ewia henlema ne. Medame, Tumivolɛ Ɛdɛnkɛma a mese a.

Emɔzo Buluku ne 9:6

yemɔ mɔɔ ɔsi ye azua wɔ anwuma, na ɔsi ye ninyɛnezielɛ ɛleka wɔ azɛlɛ ye azo; yemɔ mɔɔ ɔtwe nyevile nu nzule, na ɔmaa ɔtɔ ezule ɔgua azɛlɛ ye azo la, ye duma a le Ɛdɛnkɛma.

Maeka Buluku ne 1:3

Ɔluakɛ bɛnlea, Ɛdɛnkɛma vi ɛleka mɔɔ ɔde la ɔlɛba, ɔbara yearaluolua ewiade awoka mgbole ne mɔ azo.

Habakɛke Buluku ne 3:19

Awulae Nyamenle ne le me anwosesebɛ; ɔmaa me gyakɛ nyia anwosesebɛ kɛ weɛlɛ na ɔmaa me nwo yɛ kɔlɔnwo wɔ awoka ne mɔ azo.

Zɛkalaya Buluku ne 12:1

Ɛdɛnkɛma nrɛlaleɛ mɔɔ fane Yizilayɛma anwo la ɛne: Ɛdɛnkɛma mɔɔ bɔle anwuma, ɔbɔle azɛlɛ, na ɔbɔle sonla sunsum mɔɔ wɔ ye nu la se,

Edwɛkpa ne kɛmɔ Mateyu hɛlɛle la 9:4

Gyisɛse nwunle bɛ adwenle, yemɔti ɔzele bɛ kɛ, “Duzu ati a bɛ adwenle le ɛtane zɛhae a?

Dw 2:25

Yeangyia kɛ awie kɛha sonla nwo edwɛkɛ kɛhile ye, ɔboalekɛ ɔdaye mumua ne ɔze mɔɔ wɔ sonla biala ahonle nu la.

Dw 3:8

Anwoma ne bɔ kɔ ɛleka mɔɔ ɔkulo la; ɛte ɔ ne, na ɛnze ɛleka mɔɔ ɔvi ɔba a, yɛɛ ɛnze ɛleka mɔɔ ɔkɔ a. Zɔhane ala yɛɛ awie biala mɔɔ bɛkɛwo ye Sunsum nu la de a.”

Mɛla 32:13

“Ɔmanle ɔluoluale azɛlɛ ye azo ɛleka mgbole mgbole, na ɔlile kpɔkɛ nu aleɛ; ɔmanle ɔnlonle bodane nu wolɛ, na ɔnlonle ɛtwɛlɛboɔ nu nwole.

Mɛla 33:29

Yizilayɛma, nyilalɛ ɛha bɛ! Nwane mɔ bɔbɔ a le kɛ bɛdabɛ a? Bɛmɛ mɔɔ Ɛdɛnkɛma ɛlie bɛ, yebɔ bɛ nwo bane, na ɔle bɛ dadeɛ bɛfa bɛdi konim a. Bɛ kpɔvolɛma badu agua bɛ nyunlu, na bɛatietia bɛ nwo zo.