Emɔzo Buluku ne 4:12 - BAEBOLO ANZƐƐ BULUKU NWUANZANWUANZA

¹² Yemɔti O Yizilayɛma, mɔɔ mebava meayɛ bɛ la ɛne. Kɛmɔ mebayɛ ɛhye la ati, bɛboɔboa bɛ nwo bɛrayia medame, bɛ Nyamenle ne!”

Emɔzo Buluku ne 4:12 ပူးပေါင်းရင်းမြစ်များ

Ayezaya Buluku ne 32:11

Bɛmɛ mraalɛ mɔɔ bɛ nwo ɛdɔ bɛ, bɛ nwo bawozo bɛ. Bɛmɛ mraalɛ mɔɔ bɛ sa ɛdɔ bɛ kunlu, ɛzulolɛ baha bɛ. Bɛkpa bɛgua na bɛheda ɛrele.

Ayezaya Buluku ne 47:3

Ɛ nwo bala zo, menli banwu kɛ wɔbɔ anyiemgba. Mebali nzenralɛ, yɛɛ menrɛvavi awie biala.”

Ayezaya Buluku ne 64:2

Bɛnwu ɛ nyunlu a bɛle kɛ senle la ɛyɛne nu ɛlɛsɔ na ɔmaa nzule mɔɔ gyi zo la wu la. Ɛhye da wɔ duma ne ali kile wɔ kpɔvolɛma, yɛɛ maanle maanle ne mɔ nwu wɔ a bɛ nwo wozo bɛ.

Gyɛlɛmaya Buluku ne 5:22

Duzu ati a bɛnzulo me ɛ? Duzu ati a bɛgyi me nyunlu a bɛ nwo ɛnwozo bɛ a? Menvale ɛnwea mengyale nyevile ɛweɛne mɔɔ ɔngola ye bɔ tɛla ɛlɛ la. Azɛlɛkye ne mɔ bu na bɛngola bɛndɛla ɛweɛne ne, bɛkulu mgbole na bɛngola bɛnli ɛweɛne ne bɔtɛla.

Yizikeɛle Buluku ne 13:5

Bɛtɛkɔneanle ɛleka ne mɔ mɔɔ ɛgologolo ɛgua la, yɛɛ bɛtɛdiele Yizilayɛma anwo bane, amaa Ɛdɛnkɛma kenle ne dwu na konle ba a bɛahola gyinla.

Yizikeɛle Buluku ne 22:30

Memkpondɛle sonla wɔ bɛ avinli mɔɔ to bane ne na yeagyinla me gyakɛ anu wɔ maanle ne anu, amaa meanzɛkye azɛlɛ ne, noko meannyia bie.

Hozia Buluku ne 13:8

Mebateta bɛ kɛ bedi mɔɔ bɛhye ɔ mra, na meatete bɛ nu, na ɛkɛ ne, mebali bɛ kɛ awenade di nane, na meatete bɛ nzokanzoka kɛ nanemgbole tete nane la.

Emɔzo Buluku ne 2:14

Menli mɔɔ anwo yɛ ndɛ la ɛnrɛhola nriandi; anwosesebɛma agbɔkɛ nu batuto, yɛɛ katakyiema ɛnrɛhola bɛ nwo ngoane die.

Edwɛkpa ne kɛmɔ Mateyu hɛlɛle la 24:44

Zɔhane ati ɔwɔ kɛ bɛdabɛ noko bɛsiezie bɛ nwo, ɔluakɛ medame Sonla Ra, mebara mekɛ mɔɔ bɛ nye ɛnla la.

Edwɛkpa ne kɛmɔ Mateyu hɛlɛle la 5:25

“Saa awie sɛma wɔ a, ɛ nee ye bɛziezie edwɛkɛ ne ndɛndɛ kolaa na bɛadwu ndɛnebualɛ ɛleka ne, amaa yeanye wɔ yeammaa ndɛnebuavolɛ ne na ndɛnebuavolɛ ne ava wɔ amaa sinzavolɛma kɛ bɛdo wɔ efiade.

Yekile 3:3

Zɔhane ati, kakye mɔɔ bɛhilehile wɔ nee mɔɔ ɛdele la, di zolɛ, na nu ɛ nwo. Saa wɔanyɛ ɛ nye gyɛlɛmgbɛɛnye a, mebara ɛ nwo zo kɛ awule, na ɛnrɛnwu mekɛ ko ne mɔɔ mebava meara la.