Emɔzo Buluku ne 4:11 - BAEBOLO ANZƐƐ BULUKU NWUANZANWUANZA

¹¹ “Menzɛkyele bɛ bie mɔ, kɛmɔ menzɛkyele azuamgbole Sodɔm nee Gomɔla la. Bɛdabɛ mɔɔ bɛvile ɛsalɛ la le kɛ ɛyɛne mɔɔ bɛdu bɛvi senle nu la. Noko bɛanzia bɛamba me ɛkɛ.

Emɔzo Buluku ne 4:11 ပူးပေါင်းရင်းမြစ်များ

Ayezaya Buluku ne 13:19

Na Nyamenle bazɛkye Babelonia, maanle kɛnlɛma ne mɔɔ tɛla maanle maanle kɔsɔɔti, maanle ne mɔɔ nuhua menli fa ye tu bɛ nwo la, kɛ ɔzɛkyele Sodɔm nee Gomɔla la.

Ayezaya Buluku ne 7:4

Ka kile ye kɛ: Gyinla ɛ nwo, yɛ koonwu, mmasulo yɛɛ mmamaa wɔ ahonle tu. Ɔluakɛ Rilizen nee ye Selea ɛlɔnema ne yɛɛ Belemgbunli Pikaa ɛya mɔɔ ɛva la le kɛ senle nu ɛyɛne mɔɔ ɛlɛnu na ɔlɛkpu esike la.

Ayezaya Buluku ne 9:12

Seleama mɔɔ vi aduduleɛ bara yɛɛ Filisitiama mɔɔ vi adɔleɛ bara la ɛbuke bɛ nloa anu wanaanwo kɛ bɛbahye Yizilayɛma bɛali. Ɛhye mɔ amuala anzi, Ɛdɛnkɛma ɛya ne ɛnrɛdwo; ɔbadenrɛ ɔ sa yeadea bɛ.

Gyɛlɛmaya Buluku ne 23:14

Menwu debie ɛzulolɛ bie wɔ Gyɛlusalɛm Nyamenle kpɔmanvolɛma avinli: bɛto awuvolɛvalɛ mɛla ne, bɛbɔ adalɛ, bɛsi amumuyɛma adua, yemɔti biala ɛngyakyi amumuyɛ ɛyɛlɛ; bɛ kɔsɔɔti bɛyɛ kɛ Sodɔmma nee Gomɔlama wɔ me nye zo.

Gyɛlɛmaya Buluku ne 49:18

Ɔbayɛ kɛ mɔɔ bɛzɛkyele Sodɔm nee Gomɔla nee azuamgbole mɔɔ boka bɛ la, awie ɛnrɛdɛnla zolɛ, yɛɛ awie ɛnrɛze ɛkɛ ɛlɛ.

Gyɛlɛmaya Buluku ne 5:3

O Ɛdɛnkɛma, wɔmɔ ɛkulo nɔhalɛ. Ɛdeanle bɛ, na yɛanyɛ bɛ nyane; ɛhanle bɛ senle, noko bɛangakyi. Bɛsolo bɔkɔɔ; bɛtɛnunle bɛ nwo.

Gyɛlɛmaya Buluku ne 50:40

Kɛ menyɛle Sodɔm nee Gomɔla nee azua mɔɔ zuozua bɛ la, zɔhane ala a mebava meayɛ Babelonia a. Awie agyakɛ ba ɛnrɛtia ɛkɛ. Medame Ɛdɛnkɛma a mese a.

Yizikeɛle Buluku ne 24:13

Wɔ adwɔmane ɛbɛla mgbane mgbane ne a le nrɛnlana ne mɔɔ andu la. Kɛmɔ anrɛɛ ɔwɔ kɛ metu ɛ nwo evinli ne amuala, noko ɛ nwo anvie, na ɛ nwo evinli ne bie tɛbɔ ɛkɛ ne la, ɛ nwo ɛnrɛvie ɛlɛ, kyesɛ mewola me ɛya kpole ne megua ɛ nwo zo na me kunlu adwo.

Hozia Buluku ne 11:5

“Bɛkpole kɛ bɛnrɛzia bɛnrɛra me nwo bieko, yemɔti bɛbazia bɛahɔ Yigyibiti, na Aselea bazie bɛ.

Hozia Buluku ne 11:8

“O Yifelaem, kɛ ɔyɛ mɔɔ ɔwɔ kɛ meye wɔ memaa ɛ? O Yizilayɛ, kɛ ɔyɛ mɔɔ ɔwɔ kɛ meye wɔ memaa ɛ? Asoo ɔwɔ kɛ mesɛkye wɔ kɛ menzɛkyele Adema la? Kɛ ɔyɛ mɔɔ ɔwɔ kɛ meyɛ wɔ kɛ menyɛle Zɛboyem la ɛ? Me ahonle ɛndie me! Me kunlu yelɛyela me kpole wɔ ɛ nwo.

Emɔzo Buluku ne 4:6

Ɛdɛnkɛma se, “Medame a memanle ɛhɔne zile bɛ azuamgbole ne mɔ azo na aleɛ wiele bɛ azua nu a, noko bɛanzia bɛamba me ɛkɛ.

Hagae Buluku ne 2:17

Menvale anwoma anu wuluwulu, adubue, yɛɛ ezuawolɛ menzɛkyele bɛ nee debie biala mɔɔ bɛyɛle la, noko bɛanzia bɛamba me nwo ɛkɛ.

Zɛkalaya Buluku ne 3:2

Na Ɛdɛnkɛma soanvolɛ ne zele Seetan kɛ, “O Seetan! Ɛdɛnkɛma ɛdua wɔ kakɛ! Ɛdɛnkɛma mɔɔ ɛnlea nu ɛye Gyɛlusalɛm ɛyɛ ye ɛdeɛ la ɛdua wɔ kakɛ! Asoo tɛ ɛyɛzinli a wɔdu wɔvi senle nu la?”

Wulo 9:29

Ayezaya hanle dole ɛkɛ ne bieko kɛ, “Saa Tumivolɛ Awulae angyakyi menli wɔ yɛ nzi a, yɛbayɛ kɛ Sodɔm nee Gomɔla la.”

1 Kɔl 3:15

Na saa senle ne yela sua ne a, ɛnee ahenle mɔɔ zile la ɛminli debie, noko Nyamenle balie ɔdaye mumua ne ngoane kɛ sonla mɔɔ bɛlie ye bɛvi senle nu la.

Mɛla 28:24

Ɛdɛnkɛma bamaa munlutu adɔ kɛ ezule toonwo kɔkpula kɛ bɛ muala bɛkɛwie wu la.

Mɛla 29:23

Bɛbanwu kɛ azɛlɛ ne ɛhwie, ɛhwee ɛnfifi zolɛ, bɛnlua debie zolɛ, ndile ɛnfifi zolɛ, zolɛ le sɔlefe nee ngyenle ngome, na yeyɛ kɛ Sodɔm nee Gomɔla, Ademaa nee Zɛbɔyem mɔɔ Ɛdɛnkɛma vale ɛya zɛkyele bɛ la.

2 Pit 2:6

saa Nyamenle anvavi na ɔdeanle azuamgbole Sodɔm nee Gomɔla, ɔvale senle ɔzɛkyele bɛ, ɔhilele kɛ kenle bie bɛdabɛ mɔɔ bɛngulo Nyamenle la kɛzi kɛwie ye la,

Dwuudu Kɛlata ne 1:23

Bɛhwe bie mɔ bɛvi sendɔlɔra ne anu, bɛlie bɛ ngoane. Bɛva ɛzulolɛ bɛze bie mɔ anwunvɔne, na bɛhyi bɛ adɛladeɛ ne mɔ mɔɔ bɛ ɛtane atiakunluwɔzo ɛheha nu la.

Dwuudu Kɛlata ne 1:7

Bɛhakye Sodɔm nee Gomɔla, nee azua mɔɔ zuozua bɛ la, menli mɔɔ wɔ azua ɛhye mɔ azo la bɔle adwɔmane nee munzule ɛbɛla, na ɔlua zolɛ kɛkala bɛdea bɛ wɔ senle ne mɔɔ ɛnnu ɛlɛ la anu, amaa yeayɛ kɔkɔbɔlɛ yeamaa menli kɔsɔɔti.

Yekile 9:20

Aleɛabo amra mɔɔ hale, mɔɔ ewule ɛhye angu bɛ la, annu bɛ nwo, angyakyi bɛ ɛbɛla ɛtane ne mɔ mɔɔ bɛbɔ la. Bɛangyakyi awozonle ɛzonlenlɛ nee mmonle mɔɔ bɛva ezukoa nvutuke, dwɛtɛ fufule, ayera, bolɛ, nee baka a bɛyɛ, mɔɔ bɛnnwu debie, bɛnde edwɛkɛ na bɛadia la ɛzɔlɛ.