Emɔzo Buluku ne 4:1 - BAEBOLO ANZƐƐ BULUKU NWUANZANWUANZA

¹ Bɛdie edwɛkɛ ɛhye, bɛmɛ Beehyan nlankɛ mbelɛ mɔɔ wɔ Samɛlea boka zo, mɔɔ sisi ehyianvolɛma, mɔɔ fa atisesebɛ amaamuo bu menli mɔɔ ehyia na bɛka bɛkile bɛ hu mɔ kɛ bɛva bɛrɛla bɛmaa bɛnlo la.

Emɔzo Buluku ne 4:1 ပူးပေါင်းရင်းမြစ်များ

1 Arl 16:24

Ɔmelae dɔle Samɛlea Boka ne dwɛtɛ fufule apenle nsia wɔ Hyimɛle asa anu. Ɔvale ɛkɛ ne ɔkyekyele sua na ɔvale azɛlɛ menle Hyimɛle duma ɔdole zolɛ, na bɛvɛlɛle sua ne Samɛlea.

Dwobu Buluku ne 20:19

Ɔluakɛ yesisi ehyianvolɛma na yekpo bɛ, yelie sua mɔɔ tɛ ɔdaye a ɔzile la.

Dwobu Buluku ne 24:4

Bɛtua ehyianvolɛma ɛkpazilɛ adenle; na bɛkpuokpua bɛ bɛmaa bɛnriandi bɛfea.

Edwɛndolɛ Buluku ne 12:5

Ɛdɛnkɛma se, “Kɛmɔ bɛsisi ehyianvolɛma, na anwongyelelɛma kponle la, akee medwazo na meava bɛ meazie boɛ, kɛmɔ bɛkpondɛ la.”

Edwɛndolɛ Buluku ne 140:12

Meze kɛ Ɛdɛnkɛma di mɔɔ ɛlɛnwu amaneɛ la edwɛkɛ maa ye, na ɔbua mɔɔ ɛhyia la ndɛne nɔhalɛ nu ɔmaa ye.

Edwɛndolɛ Buluku ne 22:12

Nlankɛ nyinli dɔɔnwo ɛbɔ ɛyia me, Beehyan nlankɛ nyinli anwosesebɛ ɛbɔ ɛyia me.

Mrɛlɛbulɛ Buluku ne 22:7

Sukoavolɛ sie ehyianli, yɛɛ mɔɔ biza bosea la le sonla mɔɔ bɔ ye bosea la kanranli.

Nolo 4:1

Eza menwunle nzisi mɔɔ ɔlɛkɔ zolɛ wɔ aleɛabo la. Na nea, bɛdabɛ mɔɔ bɛlɛsisi bɛ la, monle ebia bɛ, yɛɛ bɛnlɛ awie ɛnkyekye bɛ rɛle. Menli mɔɔ ɛlɛsisi bɛ la lɛ tumi, yemɔti bɛnlɛ awie ɛnkyekye bɛ rɛle.

Nolo 5:8

Saa ɛnwu kɛ maanzinli bie anu bɛlɛsisi ehyianvolɛma, bɛnli pɛlepɛle bɛmmaa bɛ, yɛɛ bɛmmaa bɛ nwo ɛndɔ bɛ a, mmamaa ɔyɛ wɔ azibɛnwo, ɔluakɛ kpanyinli biala lɛ kpanyinli mɔɔ sie ɔdaye, yɛɛ bɛ mu nwiɔ bɛlɛ mgbanyinli mɔɔ sie bɛ a.

Ayezaya Buluku ne 28:1

Munzule ɛha Yizilayɛ suakpole kɛnlɛma ne mɔɔ nzabovoma ɛyi ye tɛkɛɛ la! Munzule ɛha ye, ye anyunlunyia ɛlɛkpa kɛ ndotolo abɔtile mɔɔ bobɔ menli mɔɔ nza ɛgya bɛ la ati wɔ anwonyia bɔnza nu la.

Ayezaya Buluku ne 5:8

Munzule ɛha bɛdabɛ mɔɔ bɛfa azua bɛbɔ azua zo, bɛfa ɛya avule bɛbɔ avule zo, bɛmaa yera kɛ akee ɛleka ɛnle ɛkɛ mɔɔ sonla tɛnla a ɔyɛ boɛ a, na bɛgyakyi wɔ kɛ ɛ ngomekye ɛdɛnla azɛlɛ tɛtɛlɛ ne azo.

Ayezaya Buluku ne 56:12

Bɛse, ‘Ayi mɔ, bɛrɛla bɛmaa yɛhɔkpondɛ nwanye bie yɛnlo. Bɛmaa yɛhɔnlo nza ɛsesebɛ yɛbo; ɛhyema noko bayɛ kɛ ɛnɛ la, ɔbayɛ ɛzulolɛ kpole kpalɛ.’ ”

Ayezaya Buluku ne 58:6

“Asoo ɛhɔnehyelɛ ne mɔɔ medi ye edwɛkɛ la, tɛ yemɔ a le ɛhye, kɛ bɛkɛgyakyi amumuyɛyɛlɛ, bɛkɛye kpomgbolo menli kɔme, bɛkɛgyakyi ndunlumililɛ, na bɛkɛgyakyi menli mɔɔ bɛlɛsisi bɛ la bɛkɛmaa bɛkɛva bɛ nwo dwɔɔ?

Gyɛlɛmaya Buluku ne 50:11

Ɛdɛnkɛma se, “O bɛmɛ Babeloniama, bɛve me agyadeɛ bɛva, bɛ nye ɛlie kɛ ɛnlankɛ ralɛ mɔɔ asa ɛha ndile na bɛsu kɛ ɛkpɔnwɔ la.

Gyɛlɛmaya Buluku ne 50:27

Bɛhu ye nlankɛ nyinli ne mɔ amuala, bɛhu bɛ kɔsɔɔti. Munzule ɛha bɛ, mekɛ mɔɔ bɛfa bɛadea bɛ la ɛdwu.”

Gyɛlɛmaya Buluku ne 51:34

Babelonia Belemgbunli Nɛbukadenɛza ɛhye Gyɛlusalɛm ɛli, yedi ye motomoto, yeyɛ ye mgbane; yeme ye kɛ nane anwo ɛzulolɛ me debie la, yeli ye yemaa ɔ ko ɛyi na yekpu ye yedo.

Gyɛlɛmaya Buluku ne 6:6

Kɛ Tumivolɛ Ɛdɛnkɛma se la ɛne: “Bɛpepɛ ye mbaka ne mɔ na bɛhuohua anwea suakpole Gyɛlusalɛm anwo bɛbɛnra bɛyia. Ɔwɔ kɛ bɛtea suakpole ɛhye azo amra, ɔluakɛ ɛsisilɛ ala a bɛsisi menli a.

Gyɛlɛmaya Buluku ne 7:6

saa bɛansisi nyɛvolɛ, bɛansisi menli mɔɔ ɛnlɛ bɛ ze anzɛɛ ahunlanvolɛ mraalɛ, anzɛɛ bɛanga mogya mɔɔ ɛnze nwolɛ bie la bɛangua ɛke, yɛɛ saa bɛangɔnzonle nyamenle gyɛne gyɛne bɛanzɛkye bɛ nwo a,

Yizikeɛle Buluku ne 18:12

ɔsisi ehyianvolɛma nee menli mɔɔ yɛ anwunvɔne la, ɔsonle awozonle, ɔbɔ bɛkyi ɛbɛla,

Yizikeɛle Buluku ne 22:12

Menli wɔ bɛ avinli mɔɔ die ndoloboa ku awie mɔ, bɛdie nzinwo, bɛdie bie bɛboka nwo na bɛsisi awie mɔ bɛfa bɛnyia bɛ nwo. Bɛ rɛle ɛvi me bɔkɔɔ, medame Awulae Nyamenle a mese a.

Yizikeɛle Buluku ne 22:27

Arelemgbunli mɔɔ wɔ maanle ne anu la le kɛ bɛdi mɔɔ ɛlɛtete nane la. Bɛka mogya bɛgua, bɛsɛkye ngoane na bɛfa bɛnyia awule nvasoɛ.

Yizikeɛle Buluku ne 22:29

Menli mɔɔ wɔ maanle ne anu la ɛzukoa apobɔlɛ, yɛɛ bɛyɛ bɛ nwo nwule. Bɛsisi ehyianvolɛ nee mɔɔ ɛhyia la; bɛsisi nyɛvolɛ bɛwua bɛ, yɛɛ bɛngakyi bɛ ɛbɛla ne.

Yizikeɛle Buluku ne 22:7

Bɛmbu selɛ na yeayɛ ninli, bɛbɔ nyɛvolɛ apo bɛdie bɛ ninyɛne, yɛɛ bɛsisi mɔɔ ɛnlɛ ɔ ze nee ahunlanvolɛ mraalɛ.

Yizikeɛle Buluku ne 34:16

“Mebakpondɛ mɔɔ ɛminli la, na me nee mɔɔ agyakɛ ɛvo adenle la azia ara sua nu; mebabɔ mɔɔ ɛbubu la bɔlɛ, meamaa mɔɔ anwo ɛbɛlɛ ye la anyia anwosesebɛ, na mɔɔ ɛhye nee mɔɔ lɛ anwosesebɛ la, mebavede me nye meanlea bɛ boɛ. Mebamaa biala aleɛ, kɛmɔ ɔfɛta la.

Yizikeɛle Buluku ne 39:18

Bɛbali katakyiema nwonane na bɛanlo azɛlɛ ye azo arelemgbunli mogya, kɛ asɛɛ bɛle mboane nyinli nee mboane mralɛ, mbɔnkye, nlankɛ nyinli nee Beehyan nlankɛ dɔlera.

Dwowɛle Buluku ne 3:3

Bɛguale me menli ne ati nzeleba kɛ nwane mɔ a me menli nuokɛma ne kɛyɛ bɛ ɛdeɛ a. Bɛdɔnenle mralɛ mrenya bɛvale ezukoa ne bɛbɔle tuutuu ɛbɛla, na bɛdɔnenle mralɛ mraalɛ bɛvale ezukoa ne bɛnlonle nwanye.

Emɔzo Buluku ne 3:1

O Yizilayɛma, bɛdie edwɛkɛ mɔɔ Ɛdɛnkɛma ɛha ɛtia bɛmɛ maanle mumua ko mɔɔ ɔyele bɛ ɔvile Yigyibiti la.

Emɔzo Buluku ne 3:3

Menli nwiɔ ɛngola ɛmbɔ nu ɛndu adenle, kyesɛ bɛka bɛsie.

Emɔzo Buluku ne 5:11

Yemɔti, kɛmɔ bɛsisi ehyianvolɛma na bɛwua bɛ hwiiti ne mɔ la ati bɛva awolɛ bɛsisi azua ngɛnlɛma, noko bɛnrɛla nuhua, yɛɛ bɛyɛ vanye egyinli ngɛnlɛma, noko bɛnrɛnlo bɛ ma ne mɔ anu nwanye.

Emɔzo Buluku ne 6:1

Munzule ɛha bɛdabɛ mɔɔ bɛ nwo ɛdɔ bɛ wɔ Zayɔn, nee bɛdabɛ mɔɔ bɛdwenle kɛ bɛ nwo le kɔlɔnwo wɔ Samɛlea la, bɛmɛ mgbolema mɔɔ bɛwɔ Yizilayɛ, mɔɔ menli ba bɛ ɛkɛ babiza moalɛ la!

Emɔzo Buluku ne 6:6

Bɛno nwanye wɔ ahyɛnze bonkuma nu na bɛgua anatele evuanlɛ, na bɛnzu Yizilayɛ nee ye ɛzɛkyelɛ.

Malakae Buluku ne 3:5

Tumivolɛ Ɛdɛnkɛma se, “Mebahwe meabikye bɛ na meabua bɛ ndɛne. Mebadea ngonyiama, awuvolɛvalɛma nee bɛdabɛ mɔɔ bɛka ndane mgbane mgbane la ndɛndɛ zo. Mebadea bɛdabɛ mɔɔ bɛsisi gyimayɛvoma wɔ bɛ kakɛdualɛ nu, bɛdabɛ mɔɔ bɛsisi ahunlanvolɛ nee nrisa, bɛdabɛ mɔɔ bɛmbu nyɛvolɛ yɛɛ bɛdabɛ mɔɔ bɛnzulo me la.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 21:33

Akee Yizilayɛma ziale hɔvale Beehyan adenle zo, na Beehyan Belemgbunli Ɔɔgo nee ye ɛlɔnema ne vindele ratetale bɛ wɔ Ɛdelɛyae.

Mɛla 24:14

“Saa bɛbɔ awie ɛkpa na ahenle le ehyianli a anrɛɛ bɛmmasisi ye. Saa ɔle bɛ mediema ne mɔ anu ko o, saa ɔle ɛyɛvolɛ mɔɔ wɔ bɛ azɛlɛ ne azo azua ne mɔ ko azo o, bɛmmasisi ye.

Mɛla 28:33

Maanle bie mɔɔ bɛtɛtele ye nganeɛ ɛlɛ la anu amra barali bɛ ɛya ne mɔ anu aleɛ, na bɛbasisi bɛ bɛayɛ bɛ amumuyɛ dahuu,