Emɔzo Buluku ne 3:9 - BAEBOLO ANZƐƐ BULUKU NWUANZANWUANZA

⁹ Bɛbɔ ye nolo bɛhile bɛdabɛ mɔɔ bɛwɔ Yigyibiti nee Ahyedɔdo aranemgbole ne mɔ anu la kɛ, “Bɛboɔboa bɛ nloa wɔ Samɛlea awoka ne mɔ azo, na bɛnlea ninyɛmunli mɔɔ bɛlɛyɛ, nee nzisi mɔɔ bɛlɛdi wɔ zolɛ la.”

Emɔzo Buluku ne 3:9 ပူးပေါင်းရင်းမြစ်များ

2 Sam 1:20

Bɛmmabɔ ye nolo wɔ Gate, anzɛɛ Ahyekɛlɔn mgbata ne mɔ azo. Anrɛɛ Filisitia mraalɛ kɛli fɛlɛko, anrɛɛ mraalɛ mɔɔ ɛnze Nyamenle la anye kɛlie.

Mrɛlɛbulɛ Buluku ne 1:13

na yɛbanyia ninyɛne mɔɔ sonle bolɛ la dɔɔnwo; yɛbanyia ninyɛne dɔɔnwo wɔ yɛ azua nu;

Mrɛlɛbulɛ Buluku ne 11:16

Raalɛ mɔɔ di ɔ nwo eni la, bɛdi ye eni, yɛɛ mrenya mɔɔ kulo konle la nyia bɛ nwo.

Nolo 4:1

Eza menwunle nzisi mɔɔ ɔlɛkɔ zolɛ wɔ aleɛabo la. Na nea, bɛdabɛ mɔɔ bɛlɛsisi bɛ la, monle ebia bɛ, yɛɛ bɛnlɛ awie ɛnkyekye bɛ rɛle. Menli mɔɔ ɛlɛsisi bɛ la lɛ tumi, yemɔti bɛnlɛ awie ɛnkyekye bɛ rɛle.

Gyɛlɛmaya Buluku ne 31:5

Eza bɛbayɛ vanye egyinli wɔ Samɛlea awoka ne mɔ azo; menli mɔɔ balua ma ne la bali ye nzoleɛ ne bie.

Gyɛlɛmaya Buluku ne 46:14

“Bɛha ye wɔ Yigyibiti, na bɛbɔ ye nolo wɔ Megedɔlo; bɛbɔ ye nolo wɔ Mɛmefese yɛɛ Tapanehizi, bɛha kɛ, ‘Bɛdwazo bɛboɔboa bɛ nwo, ɔluakɛ bɛ muala bɛbawu konle nu.’

Gyɛlɛmaya Buluku ne 50:2

“Ka edwɛkɛ ne, bɔ ye nolo kile maanle maanle. Fola fɛlɛnra bɔ edwɛkɛ ne nolo. Mmafea zolɛ; ka kɛ, ‘Bɛho bɛva Babelɔn bɔkɔɔ. Bɛgua ye bozonle Bɛle, mɔɔ eza bɛfɛlɛ ye Maadɔko la anyunlu aze, ye ahonle ɛdu, bɛgua ye ananze ne mɔ anyunlu aze, ye mmonle ne mɔ ahonle ɛdu.’

Yizikeɛle Buluku ne 36:8

Na bɛmɛ Yizilayɛ awoka, mbaka bafifi zolɛ, na bɛazo ma bɛamaa me menli Yizilayɛma, ɔluakɛ ɔnrɛhyɛ biala na bɛazia bɛara sua nu.

Yizikeɛle Buluku ne 37:22

Mebayɛ bɛ maanle ko wɔ Yizilayɛ awoka maanle ne anu. Belemgbunli ko ala a bazie bɛ a. Bɛnrɛyɛ maanle nwiɔ bieko yɛɛ bɛnrɛyɛ arelemgbunli maanle nwiɔ.

Hozia Buluku ne 7:1

“Mekɛ biala mɔɔ menwɔze kɛ meyɛ me menli Yizilayɛma ayile na meamaa bɛakpazi bieko la, debie mɔɔ menwu ye la ala a le Yifelaem amumuyɛ ɛbɛla ne nee Samɛlea munzule nyɛleɛ ne mɔ. Bɛdi bɛ nwo ndunlumi; bɛbubu nlenkɛ bɛwua; bɛkpokpo menli wɔ guabile ne mɔ azo.

Emɔzo Buluku ne 1:8

Mebahu Ahyedɔdoma nee Ahyekɛlɔn belemgbunli ne. Mebadea suakpole Ɛkelɔn, na Filisitiama mɔɔ ɛha la amuala bawu.”

Emɔzo Buluku ne 4:1

Bɛdie edwɛkɛ ɛhye, bɛmɛ Beehyan nlankɛ mbelɛ mɔɔ wɔ Samɛlea boka zo, mɔɔ sisi ehyianvolɛma, mɔɔ fa atisesebɛ amaamuo bu menli mɔɔ ehyia na bɛka bɛkile bɛ hu mɔ kɛ bɛva bɛrɛla bɛmaa bɛnlo la.

Emɔzo Buluku ne 5:11

Yemɔti, kɛmɔ bɛsisi ehyianvolɛma na bɛwua bɛ hwiiti ne mɔ la ati bɛva awolɛ bɛsisi azua ngɛnlɛma, noko bɛnrɛla nuhua, yɛɛ bɛyɛ vanye egyinli ngɛnlɛma, noko bɛnrɛnlo bɛ ma ne mɔ anu nwanye.

Emɔzo Buluku ne 6:1

Munzule ɛha bɛdabɛ mɔɔ bɛ nwo ɛdɔ bɛ wɔ Zayɔn, nee bɛdabɛ mɔɔ bɛdwenle kɛ bɛ nwo le kɔlɔnwo wɔ Samɛlea la, bɛmɛ mgbolema mɔɔ bɛwɔ Yizilayɛ, mɔɔ menli ba bɛ ɛkɛ babiza moalɛ la!

Emɔzo Buluku ne 6:3

Bɛnlie bɛndo nu kɛ munzule kenle ne ɛbikye, na konle ala a bɛtwe bɛba ɔ?

Emɔzo Buluku ne 8:6

amaa yɛava dwɛtɛ fufule yɛadɔ ehyianvolɛma, yɛava mgbɔlaboa yɛadɔ menli mɔɔ anwo ɛhyele bɛ, na yɛadɔne yɛ hwiiti mɔɔ ɛnle kpalɛ la a?”

Maeka Buluku ne 6:10

Asoo me rɛle bavi anwonyia mɔɔ amumuyɛma ɛhuohua ɔ nloa wɔ bɛ azua nu nee bɛ awule ɛzuzudeɛ ne mɔ mɔɔ mekyi la?

1 Sam 5:1

Mekɛ mɔɔ Filisitiama vale Nyamenle Ngyekyeleɛ Ɛlɛka ne la, bɛ nee ye vi Ɛbɛnizɛ hɔle Ahyedɔdo.