Emɔzo Buluku ne 3:8 - BAEBOLO ANZƐƐ BULUKU NWUANZANWUANZA

⁸ Awenade ne ɛkpo, nwane a ɛzulolɛ ɛnga ye a? Awulae Nyamenle ne ɛdendɛ, nwane a kɛkpo kɛ ɔnrɛha ye nrɛlaleɛ ne a?

Emɔzo Buluku ne 3:8 ပူးပေါင်းရင်းမြစ်များ

Ayezaya Buluku ne 21:10

O me menli mɔɔ bɛtietia bɛ nwo zo bɛwozo bɛ na bɛhegye bɛ kɛ ma a, mɔɔ mede mevi Tumivolɛ Ɛdɛnkɛma, Yizilayɛ Nyamenle ne ɛkɛ ne la a mebɔ ye nolo mehile bɛ la.

Ayezaya Buluku ne 31:4

Ɔluakɛ Ɛdɛnkɛma zele me kɛ, “Kɛmɔ awenade, saa ɔle ekyi bɔbɔ na ɔkye nane na ɔlɛdi a, mboaneneavolɛma ekpunli ɛdeɛdeanlɛ ɛmkputi ye ahonle la, zɔhane ala yɛɛ medame Tumivolɛ Ɛdɛnkɛma mebaraho wɔ Zayɔn Boka nee ye awoka ngyikyi ne mɔ azo a.

Gyɛlɛmaya Buluku ne 20:9

Saa meka kɛ, “Menrɛbɔ ye duma anzɛɛ menrɛbɔ ye duma menrɛdeɛdea” a; ɛnee ye edwɛkɛ ne sɔ kɛ senle yela me ahonle nu, ɔwolowolo me mbowule nu; akee meli ye me kunlu mevɛ, mengola.

Gyɛlɛmaya Buluku ne 26:12

Na Gyɛlɛmaya dendɛle zele mgbanyima ne nee menli ne amuala kɛ, “Ɛdɛnkɛma a zoanle me kɛ menga edwɛkɛ biala mɔɔ bɛde kɛ meha wɔ Ɛzonlenlɛ Sua ye nee suakpole ye anwo la mengile bɛ a.

Yizikeɛle Buluku ne 29:21

“Mekɛ ne anu, mebamaa katakyiema adwazo Yizilayɛma avinli, na mebade ɛ nloa wɔ bɛ avinli. Na akee bɛbanwu kɛ medame a mele Ɛdɛnkɛma a.”

Emɔzo Buluku ne 1:2

Emɔso hanle kɛ, “Ɛdɛnkɛma kulu wɔ Zayɔn Boka; ɔ ne kpusu Gyɛlusalɛm. Mboaneneavolɛma adidileka ne mɔ ɛwe, Kamɛle Boka ne azo ndile ne mɔ ɛwu.”

Emɔzo Buluku ne 2:12

“Noko bɛmanle menli mɔɔ dule bɛ nwo manle Nyamenle la nlonle nwanye, na bɛduale Nyamenle kpɔmanvolɛma kɛ bɛmmaka me nrɛlaleɛ ne.

Emɔzo Buluku ne 3:4

Awenade ɛmkpo kpɔkɛ nu, kyesɛ yenwu nane mɔɔ ɔkye ye yeali la. Awenade ralɛ ɛnzu mgbane wɔ ye tunli ne anu, kyesɛ yenyia debie mɔɔ ɔdi la.

Ɛzoanvolɛma Gyima ne 4:20

na yɛmɛ, mɔɔ yɛde nee mɔɔ yɛnwu ye la, yɛnrɛhola yɛnrɛgyakyi ye ɛhanlɛ!”

Ɛzoanvolɛma Gyima ne 5:20

“Bɛhɔ Ɛzonlenlɛ Sua ne anu na bɛhɔha ngoane fofolɛ ɛhye anwo edwɛkɛ bɛhile menli kɔsɔɔti.”

Ɛzoanvolɛma Gyima ne 5:29

Na Pita nee ɛzoanvolɛma ne buale kɛ, “Ɔwɔ kɛ yɛtie Nyamenle yɛtɛla sonla.

1 Kɔl 9:16

Menlɛ adenle kɛ mememaa me nwo zo kɛ mebɔ Edwɛkpa ne nolo a, ɔluakɛ ɔle me gyima mɔɔ ɔwɔ kɛ meyɛ a. Saa meambɔ Edwɛkpa ne nolo a, me gyakɔ!

Yekile 5:5

Na mgbanyima ne mɔ ko zele me kɛ, “Mmasu. Nea! Dwuda abusua nu awenade ne, mɔɔ le Belemgbunli Devidi ati anwo anlɔnra kpole ne, ɛli konim, na ɔkola ɔwaye ɛyɛlɛ nsuu ne mɔ na ɔbuke nwoma ne anu.”