Emɔzo Buluku ne 3:11 - BAEBOLO ANZƐƐ BULUKU NWUANZANWUANZA

¹¹ Yemɔti medame Awulae Nyamenle mese: Kpɔvolɛma babɔ ayia bɛ azɛlɛ ne, abubu bɛ nwo banebɔlɛ ne na bɛave bɛ aranemgbole ne mɔ anu ninyɛne kɔsɔɔti.”

Emɔzo Buluku ne 3:11 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 34:27

Gyekɔbo amra mrenya mɔɔ hale la rale menli mɔɔ bɛhu bɛ la avinli, na bɛwuale suakpole ne azo debie biala, ɔboalekɛ bɛgua bɛ diema raalɛ ne anyunlu aze.

2 Arl 15:19

Belemgbunli Tegelate Paelisɛ vi Aselea ralile Yizilayɛma nvunu, ɔvale konle ɔdoale bɛ. Mɛnahɛm vale dwɛtɛ fufule kilo apenle ngoko abulasa nee nna manle Paelisɛ, amaa yeaboa ɔdaye Mɛnahɛm wɔ ye maanle ne ɛbulɛ nu.

2 Arl 15:29

Wɔ Belemgbunli Pikaa mekɛ zo, Aselea Belemgbunli Tegelate Paelisɛ vale ɛlɔne rahonle vale Ayedwɔn, Ebɛle Bɛte Meeyaka, Gyanowa, Kidɛhye, yɛɛ Heezɔ nee Galeli, Geleade nee Nafetalae maanzinli ne mɔ amuala, na ɔhyele menli ne bie mɔ nuokɛ ɔhɔle nlɔnu wɔ Aselea.

2 Edk 36:19

Bɛdole senle Ɛzonlenlɛ Sua ne anu, na bɛbubule Gyɛlusalɛm bane ne mɔ, na bɛyelale Belemgbunli suakunlu ɛkɛ ne, bɛzɛkyele ye ninyɛne ngɛnlɛma mɔɔ sonle bolɛ la amuala.

Dwobu Buluku ne 20:21

Ɔdi a, ɔngyakyi bie, yemɔti ɔnrɛkpazi.

Emɔzo Buluku ne 2:5

Yemɔti mebado senle Dwuda azɛlɛ zo na ɔbazɔ yeayela Gyɛlusalɛm aranemgbole ne mɔ.”

Emɔzo Buluku ne 3:10

Ɛdɛnkɛma se, “Menli ɛhye mɔ ɛnze boɛlilɛ deɛ holɛ yɛɛ bɛva konle nee awule ninyɛne bɛyiyi bɛ aranemgbole ne mɔ.

Emɔzo Buluku ne 3:15

Mebabubu bɛ fɔsɛlɛ nee wawaa mekɛ azua ne mɔ. Azua mɔɔ bɛva ɛzɛlɛ bɛziezie nuhua la bagologolo agua; azua mgbole ne mɔ abo zo baminli. Medame Ɛdɛnkɛma a mese a.”

Emɔzo Buluku ne 6:14

Ɛdɛnkɛma, Tumivolɛ Nyamenle ne se, “Yizilayɛma, bɛnlea, mebamaa maanle gyɛne arava bɛ aze. Bɛbasisi bɛ, ɔvi Heemate Ademgbolezo mɔɔ wɔ sɔlɔ la toonwo yeahɔdwu Alaba Bɔnza wɔ nyiakɛ.”

Emɔzo Buluku ne 6:8

Ɛdɛnkɛma, Tumivolɛ Nyamenle ne se, “Medame Awulae Nyamenle, meka me ngome me nwo kɛ: Mekyi Yizilayɛma mgbanyizonleyɛlɛ ne, mekpo bɛ azua mgbole ne mɔ mɔɔ bɛbɔ nwolɛ bane la. Mebava bɛ suakpole ne nee zolɛ debie biala meamaa kpɔvolɛma!”