Emɔzo Buluku ne 2:9 - BAEBOLO ANZƐƐ BULUKU NWUANZANWUANZA

⁹ “Noko bɛmɛ bɛ ti, menzɛkyele Amɔlema, mɔɔ bɛ ndendenle le kɛ sida mbaka na bɛ anwosesebɛ le kɛ oku mbaka la bɔkɔɔ membɔle bɛ bo zo.

Emɔzo Buluku ne 2:9 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 15:16

Ɛ bo zo amra awolɛndoazo fane nna ne azo amra bazia ara ɛke, ɔluakɛ Amɔlema amumuyɛ ne ɛtɛwiele munli di mɔɔ metea bɛ a.”

1 Edk 1:14

Keenan abo zo amra a le Gyibɛsema, Amɔlema, Gɛgahyema,

Dwobu Buluku ne 18:16

Ye ndinli kpɔlɔ, yɛɛ ye ngane ne mɔ kyengye.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:8

Meze bɛ amaneɛnwunlɛ ne, na mera kɛ mebalie bɛ meavi Yigyibitima asa anu, meaye bɛ meavi azɛlɛ ɛhye azo me nee bɛ ahɔ azɛlɛ kpalɛ mɔɔ tɛlɛ, azɛlɛ kpalɛ mɔɔ kye aleɛ mɔɔ Keenama, Hɛtema, Amɔlema, Pɛlɛzema, Haevaema, yɛɛ Gyibɛsema a de zolɛ la azo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:11

“Di mɔɔ meka meahile wɔ ɛnɛ la azo. Mebavoa Amɔlema, Keenama, Hɛtema, Pɛlɛzema, Haevaema, nee Gyibɛsema wɔ ɛ nyunlu.

Ayezaya Buluku ne 10:33

Bɛnlea, Awulae, Tumivolɛ Ɛdɛnkɛma bava tumi kpole aha bɛ agua kɛ bɛdwɔlɔdwɔlɔ baka ngane la. Mɔɔ ɛnyi tendenle kpalɛ la, ɔbapɛ ye yeado na yeaha mɔɔ memaa ɔ nwo zo la aze.

Ayezaya Buluku ne 5:24

Yemɔti kɛ senle si yela ewula na ndile welera si sɔ senle nu la, zɔhane ala yɛɛ bɛ ndinli bakpɔlɔ na bɛ ndotolo akpolo azande kɛ munlutu a, ɔluakɛ bɛkpo Tumivolɛ Ɛdɛnkɛma mɛla ne na bɛhyi Yizilayɛ Nwuanzanwuanza Ko ne anloa edwɛkɛ.

Yizikeɛle Buluku ne 17:9

“Na medame, Awulae Nyamenle, mebiza kɛ: Asoo vanye baka ɛhye bayɛ kpalɛ? Asoo alumua kɔleɛ ne ɛnrɛdu vanye baka ne ɔ bo, ɔnrɛkpolo ye ma ne mɔ amuala ɔnrɛgua, na ɔnrɛpepɛ ye ngane ne mɔ anu ɔnrɛmaa bɛnrɛgyengye? Ɔnrɛhyia anwosesebɛ kpole biala anzɛɛ maanlema dɔɔnwo na bɛadu ye bɛado.

Malakae Buluku ne 4:1

Tumivolɛ Ɛdɛnkɛma se, “Bɛnlea, kenle ne ɛlɛba; ɔbazɔ kɛ fonlomo senle. Bɛdabɛ mɔɔ bɛmemaa bɛ nwo zo nee amumuyɛma bayela kɛ ewula. Bɛ ndinli bɔbɔ ɛnrɛha na yeayɛ bɛ ngane.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 32:13

Ɛdɛnkɛma vale Yizilayɛma anwo ɛya na ɔmanle bɛlile ahyimango wɔ fienemgbole ne anu toonwo ɛvolɛ abulanla, hɔkpulale kɛ awolɛndoazo zɔhane mɔɔ ɛyɛ ɛtane wɔ Ɛdɛnkɛma anyunlu la wiele wu la.

Mɛla 1:28

Nienwu ɛleka a yɛhɔ a? Mediema mɔɔ hɔle rale la edwɛkɛ mɔɔ ɛha bɔbɔ la ɛmaa yɛ ahonle ɛdu. Bɛkile kɛ menli ne le mgbole na bɛwowale bɛtɛla yɛ. Bɛ azuamgbole ne mɔ le mgbole yɛɛ bɛhye nwolɛ bɛmaa yehɔ anwuma kpalɛ.’

Mɛla 3:11

(Ɛnee Beehyan Belemgbunli Ɔɔgo angomekye yɛɛ ɛha wɔ Rilipeeyemma anu mɔɔ de ngoane nu a. Ye ɛkpa mɔɔ ɔda zolɛ la le bulalɛ, ye tendenle le mita nna yɛɛ ye tɛtɛlɛ le asɛɛ mita nwiɔ. Ɛkpa zɛhae tɛbɔ Amɔlema suakpole bie mɔɔ bɛfɛlɛ ye Relaba la azo kɛkala.)

Dwɔhyua Buluku ne 10:12

Kenle ko ne mɔɔ Ɛdɛnkɛma vale konimlilɛ ne manle Yizilayɛma la, Dwɔhyua nee Ɛdɛnkɛma dendɛle. Wɔ Yizilayɛma amuala anyunlu, Dwɔhyua zele kɛ, “Sɛnzɛne, mmatu ɛ bo ɛfi Gebɛyɔn, Siane, gyinla koonwu wɔ Ayegyalɔn Bɔnza.”

Dwɔhyua Buluku ne 3:10

Akee bɛbanwu kɛ tease Nyamenle ne nee bɛ a lua a, ɔluakɛ ɔbavoa Keenama, Hɛtema, Haevaema, Pɛlɛzema, Gɛgahyema, Amɔlema, yɛɛ Gyibɛsema na yeamaa bɛali bɛ nwo zo konim.