Emɔzo Buluku ne 2:7 - BAEBOLO ANZƐƐ BULUKU NWUANZANWUANZA

⁷ Bɛtietia menli mɔɔ bɛ anwosesebɛ ɛwie nee menli mɔɔ ɛnlɛ boavolɛ la anwo zo, na bɛsuhu menli mɔɔ ɛlɛdi nyane la bɛsie ahane. Ralɛ nrenya nee ɔ ze fa raalɛ ko na bɛgua me duma nwuanzanwuanza ne anwo evinli.

Emɔzo Buluku ne 2:7 ပူးပေါင်းရင်းမြစ်များ

2 Sam 12:14

Kɛmɔ wɔanli Ɛdɛnkɛma eni fee na wɔyɛ nyɛleɛ ɛhye la, ɛ ra ne mɔɔ bɛbawo ye la bawu.”

1 Arl 21:4

Kɛmɔ Neebɔto hanle hilele ye kɛ, “Nyamenle ɛkpa ɛgua kɛ menwɔva me mgbanyinli agyadeɛ menwɔmaa wɔ” la, ɛya nee nyane hunle Belemgbunli Ehabe kpole; ɔhɔle sua nu ɔhɔlale ye mgba ne azo, ɔhakyile ɔ nye bane nwo na ɔkpole aleɛ.

Mrɛlɛbulɛ Buluku ne 28:21

Mɔguazolilɛ ɛnle kpalɛ, noko aleɛ duma nu ti, sonla ne bie bali mɔguazo ayɛ ɛtane.

Ayezaya Buluku ne 10:1

Munzule ɛha bɛdabɛ mɔɔ bɛdi amumuyɛ mɛla bɛfa bɛsisi me menli ne la; nee bɛdabɛ mɔɔ bɛtɛnla aze bɛkɛlɛ nzisi mɛla la.

Ayezaya Buluku ne 10:2

Bɛyɛ ɛhye bɛfa bɛsisi menli mɔɔ ɛhyia la, yɛɛ bɛnli pɛlepɛle bɛmmaa me menli ne anu ehyianvolɛma. Bɛyɛ ɛhye amaa bɛakpokpo ahunlanvolɛ mraalɛ na bɛaza mɔɔ ɛnlɛ ɔ ze la bɛalie ye ninyɛne.

Ayezaya Buluku ne 3:14

Ɛdɛnkɛma de ye ndɛnebualɛ ebia nu kɛ ɔbua ye menli ne mgbanyima ne nee bɛ arelemgbunli ne mɔ ndɛne. Ɔse, “Bɛdabɛ yɛɛ bɛzɛkye vanye egyinli ne anu ninyɛne kɔsɔɔti a. Ehyianvolɛma ninyɛne kɔsɔɔti wɔ bɛ azua nu.

Ayezaya Buluku ne 3:15

Duzu ati a bɛsisi me menli ne zɛhae, na bɛfa ehyianvolɛma anyunlu bɛkyikyi aze ɛ? Medame Tumivolɛ Awulae Nyamenle a mebiza bɛ a.”

Yizikeɛle Buluku ne 22:11

Bie mɔ fa bɛ gɔnwo mɔ mraalɛ; bie mɔ ɛnze bɛ mra mrenya mraalɛ nyiane na bɛfa bɛ; bie fa ɔ diema raalɛ mɔɔ ɔ nee ye bɛ ze ko la.

Yizikeɛle Buluku ne 36:20

Noko mɔɔ bɛhɔle maanle ne mɔ anu la, ɛleka biala mɔɔ bɛhɔle la, bɛzɛkyele me duma nwuanzanwuanza ne. Yemɔti menli hanle ye bɛ nwo kɛ, ‘Ɛhye mɔ le Ɛdɛnkɛma ɔdaye ye menli, noko akee ɔwɔ kɛ bɛfi ye azɛlɛ ne azo ala.’

Hozia Buluku ne 4:14

Noko saa bɛ mra mraalɛ ne mɔ bɔ awozonlezonlenlɛ nu tuutuu ɛbɛla na bɛ mra mrenya ne mɔ aye mɔ to awuvolɛvalɛ mɛla ne a, menrɛdea bɛ, ɔluakɛ mrenya ne mɔ bɛdabɛ bɛfa ahane bɛkɔfa tuutuuma yɛɛ bɛ nee awozonle ɛzonlenlɛ nu tuutuuma bɔ nu bɔ azu. Bɛle menli mɔɔ ɛnlɛ ndelebɛbo a, na bɛbazɛkye bɛ noko.

Sɛlɛ 18:15

Ɔnle kɛ ɛfa ɛ ra nrenya aye; ɔle ɛ ra nrenya aye, ɔnle kɛ ɛbɔ ye anyiemgba.

Sɛlɛ 18:21

Ɔnle kɛ bɛtu bɛ mra ne mɔ anu biala bɛsie ahane bɛmaa kɛ bɛyela ye bɛbɔ azu bɛmaa bozonle Molɛke. Bɛyɛ ɛhye a, ɛnee bɛbɔ bɛ Nyamenle ne anyiemgba. Medame a mele Ɛdɛnkɛma a.

Sɛlɛ 18:8

Ɔnle kɛ ɛfa ɛ ze aye biala. Ɛyɛ ye zɔhane a, wɔgua ɛ ze anyunlu aze.

Sɛlɛ 20:3

Medame mumua ne mebava me nye meawula sonla zɔhane anyunlu, na meaye ye meavi ɔdaye ye menli avinli. Mebayɛ ɛhye, ɔboalekɛ yeva ɔ ra yebɔ azu yemaa bozonle Molɛke, yegua me Ɛzonlenlɛ Ɛleka nwuanzanwuanza ne anwo evinli na yezɛkye me duma.

Emɔzo Buluku ne 4:1

Bɛdie edwɛkɛ ɛhye, bɛmɛ Beehyan nlankɛ mbelɛ mɔɔ wɔ Samɛlea boka zo, mɔɔ sisi ehyianvolɛma, mɔɔ fa atisesebɛ amaamuo bu menli mɔɔ ehyia na bɛka bɛkile bɛ hu mɔ kɛ bɛva bɛrɛla bɛmaa bɛnlo la.

Emɔzo Buluku ne 5:11

Yemɔti, kɛmɔ bɛsisi ehyianvolɛma na bɛwua bɛ hwiiti ne mɔ la ati bɛva awolɛ bɛsisi azua ngɛnlɛma, noko bɛnrɛla nuhua, yɛɛ bɛyɛ vanye egyinli ngɛnlɛma, noko bɛnrɛnlo bɛ ma ne mɔ anu nwanye.

Emɔzo Buluku ne 5:12

Ɔluakɛ meze bɛ mɛladonlɛ mgbole ne mɔ nee kɛ bɛ ɛtane ne mɔ mgbole si de la. Bɛkile tenlenema nyane, bɛdie ndoloboa, na bɛdi bɛtia ehyianvolɛma.

Emɔzo Buluku ne 8:4

Bɛdie, bɛmɛ mɔɔ bɛmbu menli mɔɔ ɛhyia, na bɛmaa ehyianvolɛma mɔɔ wɔ maanle ye anu la anwo ɛwie bɛ kyele,

Maeka Buluku ne 2:2

Bɛ nye bolo awie mɔ ɛya avule na bɛsa bɛ bɛdie; bɛ nye bolo awie mɔ azua na bɛdie bɛfi bɛ sa nu; bɛsisi awie mɔ bɛdie bɛ agyadeɛ nee bɛ sua nu amra.

Maeka Buluku ne 2:9

Bɛtu me menli ne mɔ mraalɛ wɔ bɛ azua ngɛnlɛma ne mɔ anu, bɛmaa bɛ mra nyilalɛ mɔɔ anrɛɛ kenle bie menwɔmaa bɛ la bɔ bɛ bɔkɔɔ.

Zɛfanaya Buluku ne 3:3

Bɛ mgbanyima le kɛ awenade mɔɔ ɛlɛkpo la; bɛ ndɛnebuavolɛma le kɛ nɔɔzo bedi; bɛdi a bɛtu ɔ bo, mɔɔ aleɛ kahye la, ɛnee bie ɛnle ɛkɛ.

Wulo 2:24

Nyamenle Edwɛkɛ ne se, “Bɛmɛ Dwuuma bɛ ti, bɛdabɛ mɔɔ bɛnle Dwuuma la tendɛ tia Nyamenle.”

1 Kɔl 5:1

Kɛkala menli ɛraha kɛ bɛlɛbɔ adwɔmane ɛbɛla bie mɔɔ bɛdabɛ mɔɔ bɛnzonle Nyamenle bɔbɔ la ɛnrɛbɔ a. Mede kɛ kpavolɛ bie ɛva ɔ ze aye.