Emɔzo Buluku ne 2:6 - BAEBOLO ANZƐƐ BULUKU NWUANZANWUANZA

⁶ Ɛdɛnkɛma se, “Yizilayɛma yɛ ɛtane la ɛnee bɛyɛ, na mebadea bɛ wɔ ɛhye anwo, ɔboalekɛ bɛtɔne tenlenema bɛdie dwɛtɛ fufule, yɛɛ bɛtɔne ehyianvolɛma bɛdie mgbɔlaboa.

Emɔzo Buluku ne 2:6 ပူးပေါင်းရင်းမြစ်များ

2 Arl 18:11

Aselea belemgbunli ne hyele Yizilayɛma bie mɔ nuokɛ hɔle Aselea na ɔmanle bie mɔ hɔdɛnlanle Heela, bie mɔ dɛnlanle Azule Heebɔ ne anloa wɔ Gozan maanzinli nu, yɛɛ bie mɔ noko dɛnlanle Midea azuamgbole ne mɔ azo.

2 Arl 18:12

Samɛlea bɔle, ɔluakɛ Yizilayɛma anyɛ tieyɛ ammaa Ɛdɛnkɛma bɛ Nyamenle ne. Bɛbulule ngyekyeleɛ ne mɔɔ ɔ nee bɛ yɛle la azo, na bɛdule bɛ gye wɔ Ɛdɛnkɛma mɛla ne mɔɔ ɔvale ɔmanle Mosisi la anwo. Bɛandie ye yɛɛ bɛanyɛ tieyɛ bɛammaa ye.

Ayezaya Buluku ne 10:2

Bɛyɛ ɛhye bɛfa bɛsisi menli mɔɔ ɛhyia la, yɛɛ bɛnli pɛlepɛle bɛmmaa me menli ne anu ehyianvolɛma. Bɛyɛ ɛhye amaa bɛakpokpo ahunlanvolɛ mraalɛ na bɛaza mɔɔ ɛnlɛ ɔ ze la bɛalie ye ninyɛne.

Ayezaya Buluku ne 29:21

Menli zɛhae mɔ fa bɛ nloa maa sonla yɛ ɛtane, bɛsua mɔɔ de anlenkɛ kpole ne anloa twi bɛ nyunlu la ɛhane, na bɛfa adalɛbɔlɛ mgbane mgbane bɛbua mɔɔ di benle la mgbɔvondɛne.

Yizikeɛle Buluku ne 22:13

“Yemɔti bɛnlea, meva me sa mebɔ bɛ awule nvasoɛ ne mɔ mɔɔ bɛnyia la anu medua bɛ ahɔdiawu ɛbɛla ne mɔ.

Dwowɛle Buluku ne 3:3

Bɛguale me menli ne ati nzeleba kɛ nwane mɔ a me menli nuokɛma ne kɛyɛ bɛ ɛdeɛ a. Bɛdɔnenle mralɛ mrenya bɛvale ezukoa ne bɛbɔle tuutuu ɛbɛla, na bɛdɔnenle mralɛ mraalɛ bɛvale ezukoa ne bɛnlonle nwanye.

Dwowɛle Buluku ne 3:6

Bɛva Dwudama nee Gyɛlusalɛmma bɛvi bɛ maanle nu bɛhɔ moa moa, bɛdɔne bɛ bɛmaa Gilikima.

Zɛkalaya Buluku ne 11:5

Menli mɔɔ tɔ la ku bɛ fa bɛ nwo dwɔɔ kɔ, awie ɛnze bɛ ɛhwee, yɛɛ menli mɔɔ tɔne bɛ la ka kɛ, ‘Ayɛlɛyelɛ ɛha Ɛdɛnkɛma, menyia me nwo;’ yɛɛ bɛ neavolɛma mumua ne ɛnze bɛ anwunvɔne.”