Emɔzo Buluku ne 2:5 - BAEBOLO ANZƐƐ BULUKU NWUANZANWUANZA

⁵ Yemɔti mebado senle Dwuda azɛlɛ zo na ɔbazɔ yeayela Gyɛlusalɛm aranemgbole ne mɔ.”

Emɔzo Buluku ne 2:5 ပူးပေါင်းရင်းမြစ်များ

2 Arl 25:9

Ɔyelale Ɛzonlenlɛ Sua ne, belemgbunli suakunlu nee menli mɔɔ anwo hyia Gyɛlusalɛm la azua ne mɔ kɔsɔɔti.

Gyɛlɛmaya Buluku ne 17:27

Na saa bɛandie me, bɛanzie Ɛnwomenlelielɛ Kenle ne nwuanzanwuanza, na awie biala soa bɔlɛ ba Gyɛlusalɛm a, mebado senle wɔ suakpole ne nlenkɛ mgbole ne mɔ anu, ɔbayela Gyɛlusalɛm azua ne mɔ bɔkɔɔ, na bɛnrɛhola ye nua.”

Gyɛlɛmaya Buluku ne 21:10

Ɔluakɛ meva me nye mezie suakpole ɛhye anwo kɛ memaa munzule ado bɛdabɛ mɔɔ bɛwɔ zolɛ la. Menrɛmaa kpalɛ ɛnrɛdo bɛ. Mebaye bɛ meamaa Babelonia belemgbunli ne na meamaa yeado senle zolɛ yeayela ye. Medame Ɛdɛnkɛma a mese a.”

Gyɛlɛmaya Buluku ne 39:8

Babeloniama ne yelale belemgbunli ne awuke ne, bɛyelale ezuavolɛ ne mɔ azua ne mɔ na bɛbubule Gyɛlusalɛm bane ne mɔ.

Gyɛlɛmaya Buluku ne 52:13

Ɔyelale Ɛzonlenlɛ Sua ne, belemgbunli suakunlu, yɛɛ Gyɛlusalɛm azua ne mɔ amuala; ɔyelale azua mgbole ne mɔ amuala.

Hozia Buluku ne 8:14

“Yizilayɛma ɛsisi arelemgbunli azua na bɛ rɛle ɛvi bɛ Bɔvolɛ ne. Dwudama ɛsisi azuamgbole ɛbɔ bɛ nwo bane. Na mebakpomgbɔ senle meagua bɛ azuamgbole ne mɔ azo na ɔbayela bɛ aranemgbole ne mɔ.”

Emɔzo Buluku ne 1:4

Yemɔti mebado senle Belemgbunli Hazeeyɛle suakunlu ɛkɛ na senle ne bayela Belemgbunli Bɛneheedade aranemgbole ne mɔ.

Emɔzo Buluku ne 3:11

Yemɔti medame Awulae Nyamenle mese: Kpɔvolɛma babɔ ayia bɛ azɛlɛ ne, abubu bɛ nwo banebɔlɛ ne na bɛave bɛ aranemgbole ne mɔ anu ninyɛne kɔsɔɔti.”

Emɔzo Buluku ne 3:15

Mebabubu bɛ fɔsɛlɛ nee wawaa mekɛ azua ne mɔ. Azua mɔɔ bɛva ɛzɛlɛ bɛziezie nuhua la bagologolo agua; azua mgbole ne mɔ abo zo baminli. Medame Ɛdɛnkɛma a mese a.”

Emɔzo Buluku ne 7:4

Eza Awulae Nyamenle ne yele ɛhye hilele me. Menwunle kɛ Ɛdɛnkɛma ɛlɛboɔboa ɔ nwo ava senle adea ye menli ne. Senle ne yelale nyevile ne na ɔbɔle ɔ bo kɛ ɔyela azɛlɛ ne.