Emɔzo Buluku ne 2:4 - BAEBOLO ANZƐƐ BULUKU NWUANZANWUANZA

⁴ Ɛdɛnkɛma se, “Dwudama yɛ ɛtane la ɛnee bɛyɛ, na mebadea bɛ wɔ ɛhye anwo, ɔboalekɛ bɛkpo Ɛdɛnkɛma mɛla ne, yɛɛ bɛanli ye ngyehyɛlɛ ne mɔ azo. Bɛli nyamenle adalɛ ne mɔ mɔɔ bɛ mgbanyima zonlenle bɛ la anzi toonwo bɛminli.

Emɔzo Buluku ne 2:4 ပူးပေါင်းရင်းမြစ်များ

2 Arl 17:19

Noko Dwudama bɔbɔ anli Ɛdɛnkɛma bɛ Nyamenle ne mɛla ne mɔ azo. Bɛzukoale bɛbule amaamuo ne mɔɔ Yizilayɛma hɔvale rale la bie.

2 Edk 25:14

Amazaya lile Yidɔmma anwo zo konim na ɔziale ɔrale la, ɔziele Yidɔm mmonle mɔɔ ɔsesale ɔrale la aze kɛ ɔdaye Amazaya ye mmonle ɔ, na ɔzonlenle bɛ, ɔbɔle azu ɔmanle bɛ.

2 Edk 30:7

Bɛmmayɛ kɛ bɛ ze mɔ nee bɛ mediema ne mɔ, mɔɔ kpole bɛ ze mɔ Ɛdɛnkɛma Nyamenle ne a yemaa bɛyɛ mgbane, kɛmɔ bɛdabɛ bɛ nye dua ye la.

Nihɛmaya Buluku ne 1:7

Yɛyɛ amumuyɛ kpole kpalɛ yɛtia wɔ, yɛɛ yɛnli wɔ mɛla ne nee wɔ ngyehyɛlɛ ne mɔ mɔɔ ɛvale ɛmanle wɔ sonvolɛ Mosisi la azo.

Nihɛmaya Buluku ne 9:26

“Wɔ menli ne dele ɛ nwo atua na bɛandie wɔ aneɛ, bɛhakyile bɛ nzi bɛzile wɔ mɛla ne. Bɛhunle Nyamenle kpɔmanvolɛma mɔɔ bɔle bɛ kɔkɔ, na bɛzele bɛ kɛ bɛzia bɛdoa wɔ la; bɛbɔle munzule kpole!

Ayezaya Buluku ne 28:15

Kɛmɔ bɛha kɛ, “Yɛ nee ewule ɛyɛ ngyekyeleɛ, yɛɛ yɛ nee ɛbolɔ ɛyɛ ngyehyɛlɛ la, saa munzule kpole ne ba a ɔnrɛha yɛ, ɔluakɛ yɛmaa adalɛ ɛyɛ yɛ ɛvealeka, yɛɛ adalɛ nu a yɛnriandi yɛhɔvea a.”

Ayezaya Buluku ne 44:20

Ɔle kpalɛ kɛ ɔkɛli nzonle bɔbɔ; adwenle ɛtane ɛminli ye, yemɔti ɔngola ɔnlie ɔ nwo anzɛɛ ɔnga kɛ amonle ne mɔɔ ɔlɛ la ɛnle nyamenle fee.

Gyɛlɛmaya Buluku ne 16:11

se bɛ kɛ, medame Ɛdɛnkɛma, mese: Ɔboalekɛ bɛ ze mɔ ɛkpo me na bɛhɔzonle nyamenle gyɛne gyɛne, bɛbɔ bɛ ti aze bɛmaa bɛ, yɛɛ bɛanli me mɛla ne azo.

Gyɛlɛmaya Buluku ne 16:12

Akee bɛmɛ bɔbɔ bɛyɛ bɛmaa yebo bɛ ze mɔ ɛdeɛ ne azo. Ɔluakɛ nea, awie biala lua ɔdaye ye adenle ɛtane ɛdeɛ mɔɔ ɔ kunlu dwo nwolɛ la azo, yɛɛ bɛkpo kɛ bɛnrɛdie me ne.

Gyɛlɛmaya Buluku ne 17:27

Na saa bɛandie me, bɛanzie Ɛnwomenlelielɛ Kenle ne nwuanzanwuanza, na awie biala soa bɔlɛ ba Gyɛlusalɛm a, mebado senle wɔ suakpole ne nlenkɛ mgbole ne mɔ anu, ɔbayela Gyɛlusalɛm azua ne mɔ bɔkɔɔ, na bɛnrɛhola ye nua.”

Gyɛlɛmaya Buluku ne 6:19

Tie, O azɛlɛ! Adwenle ɛtane ɛtane mɔɔ me menli ne bɔ la ati, melɛmaa munzule ara bɛ nwo zo, ɔboalekɛ bɛandie me ne, yɛɛ bɛkpo me mɛla ne.

Gyɛlɛmaya Buluku ne 8:2

Kɛ bɛkɛhuohua bɛ nloa bɛkɛzie bɛ la, bɛbado mbowule bɛazande azɛlɛ ne anwo. Bɛbagua ɛkɛ, amaa sɛnzɛne ne, siane ne, yɛɛ anwumaneamra kɔsɔɔti mɔɔ bɛhulole bɛ, bɛbɔle bɛ ti aze bɛmanle bɛ, bɛkpondɛle bɛ, bɛlile bɛ nzi na bɛzonlenle bɛ la anwu bɛ.

Gyɛlɛmaya Buluku ne 8:9

Nrɛlɛbɛvolɛma anyunlu bagua aze. Bɛ adwenle baha abɔ nu na bɛahye bɛ. Nea, bɛkpo medame Ɛdɛnkɛma me nloa edwɛkɛ; na duzu nrɛlɛbɛ bɔbɔ a bɛze a?

Gyɛlɛmaya Buluku ne 9:14

Bɛli bɛ ahonle nzi anzosesebɛ nu bɛzonle awozonle Beeyale ne mɔ, kɛmɔ bɛ ze mɔ hilele bɛ la.

Yizikeɛle Buluku ne 13:22

“Bɛva bɛ adalɛ ne mɔ bɛbɔ menli mɔɔ di boɛ, na mengulo kɛ bɛ nwo bu ɛbonle la arɛle; bɛzi amumuyɛnli ne adua bɛammaa yeangakyi ye ɛbɛla ɛtane ne yeanlie ɔ nwo ngoane.

Yizikeɛle Buluku ne 20:13

Noko Yizilayɛma dele me nwo atua wɔ fienemgbole ne anu. Bɛanli me mɛla ne mɔ azo, bɛkpole me ngyehyɛlɛ ne mɔ mɔɔ bɛdi zolɛ a bɛkɛnyia ngoane la, yɛɛ bɛambu me Ɛnwomenlelielɛ Kenle ne mɔ bie. Menyɛle me adwenle kɛ mewola me ɛya ne meagua bɛ nwo zo wɔ fienemgbole ne anu, na meabɔ bɛ bo zo bɔkɔɔ.

Yizikeɛle Buluku ne 20:16

Menganle ndane ne, ɔboalekɛ bɛkpole me ndenle ne mɔ, bɛanli me mɛla ne mɔ azo, yɛɛ bɛambu me Ɛnwomenlelielɛ Kenle ne mɔ bie, ɔluakɛ bɛlile bɛ awozonle nzi.

Yizikeɛle Buluku ne 20:18

Na menganle mengilele bɛ mra wɔ fienemgbole ne anu kɛ, ‘Bɛmmafa bɛ ze mɔ agyakɛ, bɛmmadua bɛ ndenle ne mɔ anu, yɛɛ bɛmmasonle bɛ awozonle ne mɔ na bɛgua bɛ nwo evinli.

Yizikeɛle Buluku ne 20:24

ɔboalekɛ bɛanli me ngyehyɛlɛ ne mɔ azo, na bɛkpo me mɛla ne mɔ yɛɛ bɛambu me Ɛnwomenlelielɛ Kenle ne mɔ bie. Bɛvale bɛ ti bɛzɔle bɛ ze mɔ mmonle ne mɔ.

Yizikeɛle Buluku ne 20:30

Yemɔti ka kile Yizilayɛma kɛ, medame Awulae Nyamenle, melɛbiza bɛ kɛ: Bɛfa bɛ ze mɔ agyakɛ, bɛaminli adenle bɛayɛ bɛkyi ninyɛne ne mɔ bɛagua bɛ nwo evinli ɔ?

Yizikeɛle Buluku ne 22:28

Bɛ Nyamenle kpɔmanvolɛma ɛnyelɛzodeɛnwunlɛ ɛnle nɔhalɛ, bɛka adalɛ abisadeɛ edwɛkɛ na bɛava kisane bɛagua zolɛ bɛaze kɛ, ‘Kɛ Awulae Nyamenle ne se la ɛne’, wɔ mekɛ mɔɔ Ɛdɛnkɛma ɛtɛbukele ɔ nloa la.

Yizikeɛle Buluku ne 22:8

Bɛkpo me ninyɛne nwuanzanwuanza ne mɔ, yɛɛ bɛnzie me Ɛnwomenlelielɛ Kenle ne.

Hozia Buluku ne 12:2

Ɛdɛnkɛma lɛ edwɛkɛ tia Dwuda; ɔbadea Gyekɔbo abo zo amra ne mɔ wɔ bɛ nyɛleɛ ne mɔ anwo. Ɔbadua bɛ kakɛ wɔ mɔɔ bɛyɛ la anwo.

Hozia Buluku ne 12:3

Bɛ nlenya Gyekɔbo nee ɔ diema Yisɔ pelele wɔ mekɛ mɔɔ bɛwɔ bɛ nli akunlu la; na Gyekɔbo zɔle ɔ diema ne agyakɛ wɔ bɛ awolɛ nu; mɔɔ Gyekɔbo nyinle la, ɔ nee Nyamenle pelele.

Hozia Buluku ne 6:11

“Na bɛmɛ Dwudama noko, mezie kenle mɔɔ mebava meadea bɛ wɔ mɔɔ bɛlɛyɛ la anwo a.

Emɔzo Buluku ne 1:3

Ɛdɛnkɛma se, “Dɛmasekɛsema yɛ ɛtane la ɛnee bɛyɛ, na mebadea bɛ wɔ ɛhye anwo, ɔboalekɛ bɛva atisesebɛ amaamuo bɛbu Geleadema.

Emɔzo Buluku ne 3:2

Ɔse, “Maanle maanle mɔɔ wɔ azɛlɛ ye azo la kɔsɔɔti, ɛdawɔ ɛ ngomekye ala yɛɛ meze wɔ na menlea wɔ gyɛlɛɛnye a, yemɔti mebadea wɔ, wɔ wɔ amumuyɛ ne mɔ ati.”

Maeka Buluku ne 6:12

Suakpole ye azo sukoavolɛma le ahɔdiawu, menli mɔɔ wɔ zolɛ la kɔsɔɔti bɔ adalɛ, bɛ nloa anu le menlemenle.

Habakɛke Buluku ne 2:18

Duzu nvasoɛ a wɔ ananze mɔɔ sonla ɔdaye yeyɛ la azo a? Ɔle ananze ala, ɔle kilehilevolɛ adalɛ. Dwinvolɛ biala die ananze mɔɔ ɔdaye yeyɛ, mɔɔ ɛndendɛ la di.

Wulo 1:25

Bɛgyakyile kɛ bɛkɛlie nɔhalɛ ne mɔɔ fane Nyamenle anwo la bɛkɛli. Zɔhane ati bɛdie adalɛ ne bɛdi na bɛsonle ninyɛne mɔɔ Nyamenle ɛbɔ bɛ la, na bɛgyakyi Bɔvolɛ Nyamenle mumua ne, yemɔ yɛɛ ayɛlɛyelɛ ɛha ye dahuu a. Amen.

1 Tɛs 4:8

Zɔhane ati, mɔɔ kɛkpo ngilehilelɛ ɛhye la ɛmkpo sonla, na yekpo Nyamenle ne mɔɔ ɛva ye Sunsum Nwuanzanwuanza ne ɛmaa bɛ la.

1 Pit 1:18

Bɛdabɛ bɛze mɔɔ bɛduale ye wɔ bɛ ti na bɛahola bɛakpɔne bɛ bɛavi bɛ nlenya mɔ ɛbɛla mgbane mgbane ɛbɔlɛ ne anu la. Bɛanva debie mɔɔ ɛngyɛ na yeazɛkye, mɔɔ le kɛ ezukoa nvutuke anzɛɛ dwɛtɛ fufule,

Maanlebuvolɛma Buluku ne 10:6

Eza Yizilayɛma yɛle ɛtane tiale Ɛdɛnkɛma. Bɛzonlenle Beeyale ne mɔ nee Ahyela ne mɔ. Bɛzonlenle Selea, Saedɛn, Mowabe, Amɔn, yɛɛ Filisitia awozonle ne mɔ bɛgyakyile Ɛdɛnkɛma ɛzonlenlɛ.