Emɔzo Buluku ne 2:3 - BAEBOLO ANZƐƐ BULUKU NWUANZANWUANZA

³ Mebahu Mowabe belemgbunli ne nee ye mgbanyima mɔɔ wɔ azɛlɛ ne azo la amuala.”

Emɔzo Buluku ne 2:3 ပူးပေါင်းရင်းမြစ်များ

Dwobu Buluku ne 12:21

Ɔbɔ arelemgbunli mralɛ mrenya anyiemgba, na ɔdie anwosesebɛma anwosesebɛ.

Edwɛndolɛ Buluku ne 141:6

Saa bɛye bɛ bɛwula menli mɔɔ babua bɛ ewule fɔlɛ la asa anu a, yɛɛ bɛkɛnwu kɛ Ɛdɛnkɛma edwɛkɛ ne le nɔhalɛ a.

Edwɛndolɛ Buluku ne 2:10

Yemɔti, O bɛmɛ arelemgbunli, bɛdie na bɛzukoa nrɛlɛbɛ, bɛmɛ mɔɔ bɛsie ewiade la, bɛla bɛ nwo zo.

Ayezaya Buluku ne 40:23

Ɔbɛlɛ arelemgbunli aze; ɔnva azɛlɛ ye azo arelemgbunli ɔnyɛ ɛhwee.

Gyɛlɛmaya Buluku ne 48:25

Bɛha Mowabe anwosesebɛ ne aze, yɛɛ bɛzɛkye ye tumi ne, medame Ɛdɛnkɛma a mese a.”

Gyɛlɛmaya Buluku ne 48:7

“Bɛvale bɛ rɛle bɛwulale bɛ anwosesebɛ nee bɛ anwonyia nu, yemɔti bɛbavo bɛ nwo zo; bɛbava bɛ bozonle Kimɔhye, ye ahɔmenle yɛɛ bɛ mgbanyima bɛahɔ nlɔnu.

Emɔzo Buluku ne 5:12

Ɔluakɛ meze bɛ mɛladonlɛ mgbole ne mɔ nee kɛ bɛ ɛtane ne mɔ mgbole si de la. Bɛkile tenlenema nyane, bɛdie ndoloboa, na bɛdi bɛtia ehyianvolɛma.

Emɔzo Buluku ne 5:7

Bɛmɛ, bɛmaa pɛlepɛlelilɛ yɛ ɛnwonle, na bɛtietia tenleneyɛlɛ zo.

Emɔzo Buluku ne 6:12

Asoo mgbɔnwɔ kola wuluwulu bodane zo? Asoo menli kola fa nlankɛ nyinli so ɛya wɔ nyevile nye? Noko bɛmɛ, bɛmaa pɛlepɛlelilɛ ɛhakyi pɔezen, yɛɛ bɛmaa tenleneyɛlɛ ɛyɛ ɛnwonle.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 24:17

Menwu ye, na tɛ kɛkala ɔ; Me nye gyi nwo, noko ɔmbikye. Belemgbunli bavinde Yizilayɛ, Tumi kpole badwazo Yizilayɛ. Ɔbali Mowabe mgbanyima anwo zo konim Na yeabɛlɛ Sɛte abo zo amra aze.