Emɔzo Buluku ne 2:13 - BAEBOLO ANZƐƐ BULUKU NWUANZANWUANZA

¹³ Na bɛnlea, mebahomo bɛ nwo zo azɛlɛ ne anwo kɛ ehwili mɔɔ abɛlɛ ngyekyeleɛ ɛyi ye tɛkɛɛ na yemi la.

Emɔzo Buluku ne 2:13 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 37:7

Ɛnee ɔle kɛ yɛwɔ ɛya nu yɛlɛkyekye hwiiti mɔɔ yɛpɛ la avile avile. Na nea, me file ɛdeɛ ne dwazole gyinlanle senze, na bɛ ɛdeɛ ne mɔ rabɔle yiale ye na bɛbɔle bɛ ti aze bɛmanle me ɛdeɛ ne.”

Dwobu Buluku ne 39:12

Ɛdie ye ɛdi kɛ ɔbazia yeara yearava wɔ ma ne yeara ma ɛwozolɛ ɛleka ne?

Edwɛndolɛ Buluku ne 78:40

Bɛdele ɔ nwo atua dɔɔnwo wɔ fienemgbole ne anu, bɛmanle ɔlile nyane wɔ ɛsɛlɛ ne azo.

Ayezaya Buluku ne 1:14

Mekyi bɛ Siane Fofolɛ Ɛvoyialilɛ ne nee bɛ ɛvoyia mɔɔ ɛha la kɔsɔɔti. Bɛbu me kɔme, mengola bɛ soa bieko.

Ayezaya Buluku ne 43:24

Bɛtɛfale bɛ ezukoa bɛtɛtɔle baka evuanlɛ bɛtɛmanle me, yɛɛ bɛtɛfale bɛ nane mɔɔ ɛlɔ la bɛtɛbɔle azu bɛtɛmanle me. Na bɛmɛ, bɛ ɛtane ne mɔ ɛbo me nwo zo, bɛva bɛ amumuyɛ nyɛleɛ ne mɔ bɛgyegye me.

Ayezaya Buluku ne 7:13

Ayezaya buale ye kɛ, “Ɛnee bɛmɛ Devidi abo zo amra, bɛdie! Bɛdwenle kɛ ɔle nzɛmedɛ kɛ bɛkɛgyegye menli, mɔɔ yemɔti bɛlɛgyegye me Nyamenle ɔdaye noko a?

Yizikeɛle Buluku ne 16:43

Kɛmɔ bɛngakye bɛ ngakula nu, na bɛva ninyɛne ɛhye mɔ bɛha me ɛya la, bɛnlea, mebamaa bɛ nyɛleɛ abɔ bɛ ti. Medame Awulae Nyamenle a mese a. Duzu ati a bɛvale adwɔmanebɔlɛ bɛbokale bɛ munzule ninyɛne ne mɔ mɔɔ bɛyɛle la anwo a?”

Yizikeɛle Buluku ne 6:9

bɛdabɛ mɔɔ bɛvi ɛsalɛ la ahakye me wɔ maanle maanle zɔhane mɔ mɔɔ hyele bɛ nuokɛ hɔle la avinli. Mebaha bɛ ahonle ɛtane ne mɔ mɔɔ manle bɛdele me nwo atua la aze na meazi bɛ nye ne mɔ mɔɔ bɛfa bɛkpondɛ awozonle bɛsonle bɛ la; na bɛ nwo bayɛ nyiane kpole wɔ bɛ ngome bɛ nye zo wɔ amumuyɛ nee bɛkyi ninyɛne ne mɔ mɔɔ bɛyɛ la ati.

Malakae Buluku ne 2:17

Bɛva bɛ ɛdendɛlɛ bɛgyegye Ɛdɛnkɛma, na akee bɛbiza kɛ, “Kɛ yɛzi yɛgyegye ye ɛ?” Bɛ edwɛkɛ mɔɔ bɛka la a le kɛ, “Awie biala mɔɔ di ɛtane la le kpalɛ wɔ Ɛdɛnkɛma anye zo, yɛɛ ɔ nye die bɛ nwo.” Eza bɛbiza kɛ, “Na Nyamenle ne mɔɔ di pɛlepɛle la wɔ nienwu?”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 7:3

vale bɛ azubɔlɛ ninyɛne rɛlɛle Ɛdɛnkɛma: ehwili mɔɔ soa ninyɛne na bɛdu zolɛ la nsia yɛɛ nlankɛ mɔɔ twe ehwili la bulu nee nwiɔ, mgbanyima nwiɔ biala ehwili ko yɛɛ kpanyinli ko biala ɛnlankɛ ko. Bɛvale ninyɛne ne bɛrɛlɛle Mosisi wɔ Ndanlɛ Sua ne anyunlu.