Emɔzo Buluku ne 2:12 - BAEBOLO ANZƐƐ BULUKU NWUANZANWUANZA

¹² “Noko bɛmanle menli mɔɔ dule bɛ nwo manle Nyamenle la nlonle nwanye, na bɛduale Nyamenle kpɔmanvolɛma kɛ bɛmmaka me nrɛlaleɛ ne.

Emɔzo Buluku ne 2:12 ပူးပေါင်းရင်းမြစ်များ

Ayezaya Buluku ne 30:10

Bɛka bɛkile ɛnyelɛzodeɛnwunlɛma kɛ “Bɛmmanwu debie,” na bɛaze Nyamenle kpɔmanvolɛma kɛ, “Bɛmmaka Nyamenle nrɛlaleɛ biala mɔɔ le nɔhalɛ la bɛkile yɛ. Bɛha mɔɔ le menlemenle nee nrɛlaleɛ mɔɔ ɛnle nɔhalɛ la.

Gyɛlɛmaya Buluku ne 11:21

Ɛnee Anato ezuavolɛ ne kulo kɛ bɛku me. Bɛduale me kɛ memmabɔ Ɛdɛnkɛma nrɛlaleɛ ne nolo, anrɛɛ bɛkɛhu me.

Gyɛlɛmaya Buluku ne 35:5

Akee menvale agbɔ mɔɔ nwanye ɛyiyi bɛ tetɛkɛɛ la nee nwolɛ ahɔpo menziele bɛ nyunlu ɛkɛ, na menzele bɛ kɛ, “Bɛnlo nwanye.”

Emɔzo Buluku ne 7:13

Mmaka Nyamenle nrɛlaleɛ bieko wɔ Bɛtɛle ɛke. Ɛke a le belemgbunli ne ɛleka nwuanzanwuanza ne a, yɛɛ ɔle maanle ne ɛzonlenlɛ sua.”

Emɔzo Buluku ne 7:16

Yemɔti bɛdie mɔɔ Ɛdɛnkɛma ɛlɛka la. Bɛdua me kɛ memmaka Nyamenle nrɛlaleɛ ne mɔɔ tia Yizilayɛma la, yɛɛ memmabɔ Nyamenle edwɛkɛ ne mɔɔ tia Ayezeke abo zo amra la nolo mekile bɛ.

Maeka Buluku ne 2:6

Menli ne mɔ tendɛ me na bɛse me kɛ, “Mmabɔ zɔhane nolo ne! Ɔnle kɛ awie biala bɔ nolo mɔɔ le zɛhae la. Nyamenle ɛnrɛmaa yɛ nyunlu ɛnrɛgua aze.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 6:2

ɔva ngyehyɛlɛ ɛhye mɔ ɔmaa Yizilayɛma. “Saa nrenya anzɛɛ raalɛ bɔ ɛwɔkɛ kɛ ɔtu ɔ nwo yeazie ɛkɛ yeamaa Ɛdɛnkɛma a,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 6:3

ɔnle kɛ ɔno nwanye nee nza ɛsesebɛ biala. Ɔnle kɛ ɔno nzanvinli anzɛɛ nza biala mɔɔ bo la, anzɛɛ debie mɔɔ bɛva vanye ma nzule bɛyɛ la, yɛɛ ɔmmadi vanye ma amolɛ anzɛɛ welera.