Emɔzo Buluku ne 2:11 - BAEBOLO ANZƐƐ BULUKU NWUANZANWUANZA

¹¹ Menyele bɛ mra mrenya ne bie mɔ menyɛle bɛ Nyamenle kpɔmanvolɛma, na memanle bɛ mgbavolɛ ne bie mɔ dule bɛ nwo ziele ahane manle Nyamenle na bɛbɔle ɛwɔkɛ kɛ bɛnrɛnlo nwanye, bɛnrɛpepɛ bɛ ti, yɛɛ bɛnrɛva bɛ sa bɛnrɛha funli. O Yizilayɛma, asoo ɛhye ɛnle nɔhalɛ? Medame Ɛdɛnkɛma a mebiza bɛ a.

Emɔzo Buluku ne 2:11 ပူးပေါင်းရင်းမြစ်များ

1 Arl 17:1

Akee Yilaegya mɔɔ vi Tehyebi mɔɔ wɔ Geleade maanle nu la hanle hilele Ehabe kɛ, “Meka Ɛdɛnkɛma, Yizilayɛ tease Nyamenle ne mɔɔ mesonle ye la, kɛ ɛbɔlɛ anzɛɛ ezule ɛnrɛdɔ ɛvolɛ kɛyɛ nsa ye anu kɔkpula mekɛ mɔɔ menwɔye me nloa la.”

1 Arl 18:4

Mekɛ mɔɔ Gyɛzɛbɛle kuhu Nyamenle kpɔmanvolɛma ne mɔ la, Obadaya liele bɛ nuhua ɛya ko ngoane. Ɔvale bɛ abulanlu abulanlu ɔveɛveale awolɛ mbɔne nu na ɔmanle bɛ aleɛ nee nzule.)

1 Arl 19:16

Kpokpa Gyihu, Nemehyae ara nrenya ne noko nwole kɛ ɔbali Yizilayɛ belemgbunli, na kpokpa Hyeefate mɔɔ vi Ebɛle Mɛhola la ara nrenya Yilaehya ɔdaye nwole maa ɔyɛ Nyamenle kpɔmanvolɛ ɔli wɔ agya.

1 Arl 20:13

Nyamenle kpɔmanvolɛ bie rale Ehabe anwo ɛkɛ ne razele ye kɛ, “Ehabe, kɛ Ɛdɛnkɛma se la ɛne, ‘Wɔnwu ɛlɔne pinopino ɛhye ɔ? Mebaye bɛ meamaa wɔ ɛnɛ kenle ye, amaa wɔalie wɔado nuhua kɛ medame a mele Ɛdɛnkɛma a.’ ”

1 Arl 20:35

Ɛdɛnkɛma manle Nyamenle kpɔmanvolɛ ekpunli ne anu sonla ko hɔzele ɔ gɔnwo kpɔmanvolɛ ko kɛ, “Mebodo wɔ, bɔ me!” Na ɔ gɔnwo ne ambɔ ye.

1 Arl 20:41

Na ɛkɛ ne ala Nyamenle kpɔmanvolɛ ne akee yele ɔ nyunlu ɛdanlɛ ne, na belemgbunli ne nwunle kɛ Nyamenle kpɔmanvolɛma ne mɔ bie ɔ.

1 Arl 22:8

Yizilayɛ belemgbunli ne hanle hilele Gyɛhɔhyafate kɛ, “Sonla bieko wɔ ɛkɛ mɔɔ yɛkola yɛkɔnwu ye yɛmaa ɔbiza Ɛdɛnkɛma ɔmaa yɛ a. Yemɔ a le Yemela ara Maekaya. Na mekyi ye kɔkɔ kɔkɔ zɛhae, ɔboalekɛ ɔmbɔ me munzule kpalɛ; dahuu munzule ɛtane ala a ɔbɔ me a.” Gyɛhɔhyafate buale kɛ, “Nana, mmaka mɔɔ ɛlɛka la.”

2 Arl 17:13

Ɛdɛnkɛma ɛmaa ye soanvolɛma nee kpɔmanvolɛma ɛrahakye Yizilayɛma nee Dwudama fane dɔɔnwo kɛ, “Bɛgyakyi ninyɛndane ɛyɛlɛ, na bɛli me edwɛkɛ nee me ngyehyɛlɛ ne mɔ mɔɔ wɔ Mɛla ne mɔɔ menvale memanle bɛ nlenya mɔ, na menluale me sonvolɛ kpɔmanvolɛma anwo zo menvale membɛlɛle bɛ la azo.”

2 Arl 6:1

Kenle ko Nyamenle kpɔmanvolɛma asa azo ne mɔɔ Yilaehya a nea bɛ nwo zo la hanle hilele ye kɛ, “Ɛleka mɔɔ yɛde la le ekyi maa yɛ.

2 Edk 36:15

Ɛdɛnkɛma, bɛ ze mɔ Nyamenle ne, zoanle menli manle bɛrabɔle bɛ kɔkɔ, ɔboalekɛ ɛnee ɔse ye menli ne nee Ɛzonlenlɛ Sua ne anwunvɔne.

Gyɛlɛmaya Buluku ne 11:21

Ɛnee Anato ezuavolɛ ne kulo kɛ bɛku me. Bɛduale me kɛ memmabɔ Ɛdɛnkɛma nrɛlaleɛ ne nolo, anrɛɛ bɛkɛhu me.

Gyɛlɛmaya Buluku ne 2:31

O bɛmɛ awolɛndoazo ɛhye, bɛdie Ɛdɛnkɛma edwɛkɛ ne. Meyɛ fienemgbole memaa Yizilayɛ, anzɛɛ azɛlɛ mɔɔ awozinli kabii ɛheda zo la ɔ? Duzu ati a me menli ne se, ‘Yɛlɛ fanwodi, yɛnrɛzia yɛnrɛra ɛ nwo ɛkɛ bieko’ a?

Gyɛlɛmaya Buluku ne 2:5

Kɛ Ɛdɛnkɛma se la ɛne: “Duzu ɛtane a bɛ ze mɔ nwunle ye me nwo, mɔɔ yemɔti bɛnriandile me, bɛhɔzonlenle mmonle mɔɔ nvasoɛ biala ɛnle bɛ nwo zo, na bɛdabɛ bɛyɛle mgbane a?

Gyɛlɛmaya Buluku ne 26:11

Sɛlɛvolɛma ne nee Nyamenle kpɔmanvolɛma ne mɔ hanle hilele mgbanyima ne nee menli ne mɔ kɔsɔɔti kɛ, “Ɔwɔ kɛ bɛku nrenya ɛhye, ɔboalekɛ yeha Ɛdɛnkɛma nrɛlaleɛ yetia suakpole ɛhye, kɛmɔ bɛdabɛ bɛde ye bɛ nzo nu la.”

Gyɛlɛmaya Buluku ne 7:25

Ɔvi kenle mɔɔ bɛ ze mɔ vi Yigyibiti azɛlɛ zo rale toonwo mɔɔ yeradwu ɛnɛ la, mezoa me sonvolɛ kpɔmanvolɛma wɔ bɛ ɛkɛ alehyenlɛ biala,

Gyɛlɛmaya Awolɛyelɛ 4:7

Ɛnee yɛ arelemgbunli anwo te tɛla ezukɔtweaba nee nyɛfonzule, bɛnyi ngɛnlɛma, bɛ nwo yɛ se; bɛ ngɛnlɛma le kɛ ezukoa bolɛ safaya.

Maeka Buluku ne 2:6

Menli ne mɔ tendɛ me na bɛse me kɛ, “Mmabɔ zɔhane nolo ne! Ɔnle kɛ awie biala bɔ nolo mɔɔ le zɛhae la. Nyamenle ɛnrɛmaa yɛ nyunlu ɛnrɛgua aze.”

Ɛzoanvolɛma Gyima ne 4:18

Yemɔti bɛvɛlɛle bɛ na bɛduale bɛ kɛ bɛmmatendɛ menli nu anzɛɛ bɛmmabɔ Gyisɛse duma bɛkilehile menli.

Ɛzoanvolɛma Gyima ne 5:28

“Bɛmɛ, yɛbɔ bɛ kɔkɔ kɛ bɛmmabɔ sonla zɔhane duma bɛkilehile menli wɔ ɛleka biala, noko nea mɔɔ akee bɛlɛyɛ a. Bɛva bɛ ngilehilelɛ ne bɛkponde Gyɛlusalɛm amuala; bɛyɛ bɛamaa yɛmɛ yɛali ɛzonle wɔ sonla ne ewule nwo!”

Ɛzoanvolɛma Gyima ne 7:51

Sitivin hɔle zolɛ zele bɛ kɛ, “Bɛdabɛ, bɛ nzo yɛ se kpalɛ! Bɛnlie Nyamenle bɛnli fee; bɛkpɔla bɛ nzo anzi wɔ Nyamenle edwɛkɛ ne anwo! Bɛva bɛ nlenya mɔ agyakɛ, dahuu bɛko bɛtia Sunsum Nwuanzanwuanza ne!

Mɛla 18:18

Yemɔti mebamaa Nyamenle kpɔmanvolɛ avinde bɛdabɛ bɛ avinli. Mebava me edwɛkɛ meadua ɔ nloa na yeaha mɔɔ menwɔze ye la yeahile bɛ.

1 Sam 19:20

Yemɔti Sɔɔlo zoanle menli kɛ bɛhɔhye ye, na mɔɔ bɛnwunle Nyamenle kpɔmanvolɛma ekpunli ne mɔɔ Samoɛle li bɛ ti, na bɛlɛsi agole bɛka Nyamenle nrɛlaleɛ la, Ɛdɛnkɛma Sunsum ne dwule Sɔɔlo soanvolɛma ne anwo zo, na bɛdabɛ noko bɛzile agole bɛhanle Nyamenle nrɛlaleɛ.

1 Sam 3:20

Yemɔti Yizilayɛma kɔsɔɔti, ɔvi maanle ne ati mɔɔ kɔdwu ɔ bo la nwunle kɛ amgba Samoɛle le Ɛdɛnkɛma kpɔmanvolɛ.