Emɔzo Buluku ne 1:9 - BAEBOLO ANZƐƐ BULUKU NWUANZANWUANZA

⁹ Ɛdɛnkɛma se, “Tayama yɛ ɛtane la ɛnee bɛyɛ, na mebadea bɛ wɔ ɛhye anwo, ɔboalekɛ bɛyele maanle mumua ko anu amra amuala bɛmanle Yidɔmma. Bɛangakye mediemayɛlɛ ngyekyeleɛ ne mɔɔ bɛ nee bɛ yɛle la. Luk 10.13-14

Emɔzo Buluku ne 1:9 ပူးပေါင်းရင်းမြစ်များ

2 Sam 5:11

Taya Belemgbunli Helam zoanle menli wɔ Devidi anwo ɛkɛ. Ɔmanle kapentama nee suazilɛma vale sida mbaka nee awolɛ hɔzile sua manle ye.

Edwɛndolɛ Buluku ne 83:7

Gibalema, Amɔnoma, nee Amalɛkema, Filisitiama yɛɛ menli mɔɔ wɔ Taya la.

Gyɛlɛmaya Buluku ne 47:4

Filisitia ɛzɛkyelɛ mekɛ ɛdwu, bɛbade boavolɛ biala mɔɔ ɛha la bɛavi Taya nee Saedɛn anwo, ɔluakɛ medame Ɛdɛnkɛma, melɛsɛkye Filisitiama mɔɔ vi Kiliti ɛnweanloa rale la amuala.

Yizikeɛle Buluku ne 27:1

Ɛdɛnkɛma zele me kɛ,

Yizikeɛle Buluku ne 27:27

Wɔ anwonyia, wɔ ninyɛne adɔne, wɔ menli mɔɔ ka meli nee zolɛ neavolɛma, wɔ kapentama nee adenduvoma, ɛlɔnema mɔɔ ɛlɛ bɛ la amuala nee menli mɔɔ ɛlɛ bɛ la amuala banloma gbodogbodo wɔ nyevile kunlu lɔ, wɔ kenle ne mɔɔ ɛbanwu ɛ nyunlu la.

Yizikeɛle Buluku ne 28:1

Ɛdɛnkɛma dendɛle hilele me.

Yizikeɛle Buluku ne 28:18

Wɔ ɛtane dɔɔnwo ne mɔ ati, ɛlile gua ɛtane ɛvale ɛzɛkyele wɔ ɛleka nwuanzanwuanza ne mɔ. Yemɔti memanle senle zɔle bɛ avinli na ɔyelale wɔ ɔhunle wɔ. Awie biala mɔɔ anye babɔ ɛ nwo zo la banwu kɛ wɔdɔ nzonle wɔ azɛlɛ ye azo.

Emɔzo Buluku ne 1:11

Ɛdɛnkɛma se, “Yidɔmma yɛ ɛtane la ɛnee bɛyɛ, na mebadea bɛ wɔ ɛhye anwo, ɔboalekɛ bɛvale konle bɛyɛle bɛ mediema Yizilayɛma kpɔdekpɔde, bɛanze bɛ anwunvɔne. Bɛ ɛya ne andwo ɛlɛ. Oba 1-14; Mal 1.2-5

Emɔzo Buluku ne 1:6

Ɛdɛnkɛma se, “Gazama yɛ ɛtane la ɛnee bɛyɛ, na mebadea bɛ wɔ ɛhye anwo, ɔboalekɛ bɛhyele maanle mumua ko anu amra bɛhɔle nlɔnu na bɛdɔnenle bɛ bɛmanle Yidɔmma.

Obadaya Buluku ne 1:11

Suzuamgba ala mɔɔ kenle ko ne bɛgyinlanle ɛkɛ ne bɛmanle nyɛvolɛ vole Gyɛlusalɛm sesale zolɛ anwonyia hɔle, na bɛguale nwolɛ nzeleba bɛhyɛle la, ɛnee bɛdabɛ bɛboka menli ne anwo ala ɛne.

Zɛkalaya Buluku ne 9:1

Ɛdɛnkɛma nrɛlaleɛ ne ɛne: Luk 10.13-14 Ɛdɛnkɛma nrɛlaleɛ ne tia Heedelakema yɛɛ ɔbadwu Dɛmasekɛsema anwo zo. Ɔluakɛ Ɛdɛnkɛma ɛva Yizilayɛ mbusua ekpunli ekpunli ne mɔ nee Selea maanle ne suakpole ne ɛyɛ ye ɛdeɛ.

Edwɛkpa ne kɛmɔ Mateyu hɛlɛle la 11:21

“Munzule ɛha bɛdabɛ mɔɔ bɛwɔ Koleezen la! Munzule ɛha bɛdabɛ mɔɔ bɛwɔ Bɛteseeyeda la! Nwanwane gyima mgbole mɔɔ bɛyɛle wɔ bɛ azua ne mɔ azo la, saa bɛyɛle bie wɔ Taya nee Saedɛn a, anrɛɛ menli mɔɔ wɔ zo la hedale ɛrele, bɔle nzonle, bɛvale bɛhilele kɛ bɛnlu bɛ nwo wɔ bɛ ɛtane ne mɔ anwo.

Edwɛkpa ne kɛmɔ Mateyu hɛlɛle la 11:22

Meka meahile bɛ, Ndɛnebualɛ Kenle ne, Nyamenle baze Tayama nee Saedɛnema anwunvɔne dɔɔnwo adɛla bɛ.

Edwɛkpa ne kɛmɔ Luku hɛlɛle la 10:13

“Munzule ɛha bɛdabɛ mɔɔ bɛwɔ Koleezen la! Munzule ɛha bɛdabɛ mɔɔ bɛwɔ Bɛteseeyeda la! Ɔluakɛ nwanwane ninyɛne mgbole mɔɔ bɛyɛle wɔ bɛ azua ne mɔ azo la saa bɛyɛle bie wɔ Taya nee Saedɛn a, anrɛɛ menli ne dɛnlanle aze, hedale ɛrele na bɛbɔle nzonle bɛhilele kɛ bɛnlu bɛ nwo wɔ bɛ ɛtane nwo.

Edwɛkpa ne kɛmɔ Luku hɛlɛle la 10:14

Yemɔti Ndɛnebualɛ Kenle ne Nyamenle baze Tayama nee Saedɛnema anwunvɔne dɔɔnwo adɛla bɛ.