Emɔzo Buluku ne 1:6 - BAEBOLO ANZƐƐ BULUKU NWUANZANWUANZA

⁶ Ɛdɛnkɛma se, “Gazama yɛ ɛtane la ɛnee bɛyɛ, na mebadea bɛ wɔ ɛhye anwo, ɔboalekɛ bɛhyele maanle mumua ko anu amra bɛhɔle nlɔnu na bɛdɔnenle bɛ bɛmanle Yidɔmma.

Emɔzo Buluku ne 1:6 ပူးပေါင်းရင်းမြစ်များ

2 Edk 28:18

Filisitiama noko rale Dwuda anwo zo wɔ Dwuda nyiakɛ nee ye adɔleɛ azuamgbole ne mɔ mɔɔ wɔ awoka ngyikyi ne mɔ azo la azo na bɛvale Bɛte Hyimɛhye, Ayegyalɔn, Gɛdilo, Soko nee ye namunamu ne mɔ, Temena nee ye namunamu ne mɔ, yɛɛ Gemezo nee ye namunamu ne mɔ, na bɛdɛnlanle zolɛ.

Gyɛlɛmaya Buluku ne 47:1

Ɛdɛnkɛma edwɛkɛ mɔɔ hanle ye wɔ Filisitiama anwo hilele Gyɛlɛmaya kolaa na Yigyibiti belemgbunli ne abɔ Gaza la ɛne.

Yizikeɛle Buluku ne 35:5

“Kɛmɔ ɛnee bɛle Yizilayɛma kpɔvolɛ kpalɛ kpalɛ, na bɛyele bɛ bɛmanle bɛhunle bɛ wɔ bɛ anwubɛnyunlu mekɛ nu, wɔ mekɛ mɔɔ bɛtea bɛ ndeanlɛ mɔɔ li amozi la ati,

Dwowɛle Buluku ne 3:4

“Taya, Saedɛn, nee Filisitia maanzinli ne mɔ, duzu a bɛkpondɛ kɛ bɛyɛ a? Bɛkulo kɛ bɛdi me nzenralɛ wɔ debie bie ati ɔ? Saa bɛyɛ zɔhane a, menwɔdua bɛ kakɛ ndɛndɛ wɔ bɛdabɛ bɛ nyɛleɛ nwo. Zɛf 2.4-7; Zɛk 9.1-7; Mat 11.21-22; Luk 10.13-14

Dwowɛle Buluku ne 3:6

Bɛva Dwudama nee Gyɛlusalɛmma bɛvi bɛ maanle nu bɛhɔ moa moa, bɛdɔne bɛ bɛmaa Gilikima.

Emɔzo Buluku ne 1:11

Ɛdɛnkɛma se, “Yidɔmma yɛ ɛtane la ɛnee bɛyɛ, na mebadea bɛ wɔ ɛhye anwo, ɔboalekɛ bɛvale konle bɛyɛle bɛ mediema Yizilayɛma kpɔdekpɔde, bɛanze bɛ anwunvɔne. Bɛ ɛya ne andwo ɛlɛ. Oba 1-14; Mal 1.2-5

Emɔzo Buluku ne 1:3

Ɛdɛnkɛma se, “Dɛmasekɛsema yɛ ɛtane la ɛnee bɛyɛ, na mebadea bɛ wɔ ɛhye anwo, ɔboalekɛ bɛva atisesebɛ amaamuo bɛbu Geleadema.

Emɔzo Buluku ne 1:7

Yemɔti mebado senle Gaza bane ne mɔ anu, na senle ne bayela ye aranemgbole ne mɔ.

Emɔzo Buluku ne 1:9

Ɛdɛnkɛma se, “Tayama yɛ ɛtane la ɛnee bɛyɛ, na mebadea bɛ wɔ ɛhye anwo, ɔboalekɛ bɛyele maanle mumua ko anu amra amuala bɛmanle Yidɔmma. Bɛangakye mediemayɛlɛ ngyekyeleɛ ne mɔɔ bɛ nee bɛ yɛle la. Luk 10.13-14

Obadaya Buluku ne 1:11

Suzuamgba ala mɔɔ kenle ko ne bɛgyinlanle ɛkɛ ne bɛmanle nyɛvolɛ vole Gyɛlusalɛm sesale zolɛ anwonyia hɔle, na bɛguale nwolɛ nzeleba bɛhyɛle la, ɛnee bɛdabɛ bɛboka menli ne anwo ala ɛne.

Zɛkalaya Buluku ne 9:5

Menli mɔɔ wɔ suakpole Ahyekɛlɔn azo la banwu ɛhye, na ɛzulolɛ baha bɛ. Gazama banwu ye, na bɛ nwo bafofo bɛ. Ɛkelɔnoma noko banwu ye, na bɛanwu kɛ bɛ anyelazo muala ɛwie. Gaza belemgbunli ne bawu, yɛɛ Ahyekɛlɔn bayɛ kulofenle (suadu). Emɔ 1.6-8; Zɛf 2.4-7

Ɛzoanvolɛma Gyima ne 8:26

Awulae soanvolɛ dendɛle zele Felepe kɛ, “Kɔ nyiakɛ nehane, wɔ Gyɛlusalɛm nee Gaza adenle ne azo.” (Adenle ɛhye la ɛsɛlɛ zo; ɛnɛ bɛnva zolɛ.)

1 Sam 6:17

Filisitiama vale ezukoa nvutuke mutulemutule ananze ne yɛle azubɔdeɛ yɛle bɛ ɛtane ne mɔ anwo mgbɔdalɛ manle Ɛdɛnkɛma: Ahyedɔdo ɛdeɛ ko, Gaza ɛdeɛ ko, Ahyekɛlɔn ɛdeɛ ko, Gate ɛdeɛ ko, yɛɛ Ɛkelɔn noko ɛdeɛ ko.