Emɔzo Buluku ne 1:5 - BAEBOLO ANZƐƐ BULUKU NWUANZANWUANZA

⁵ Mebagologolo suakpole Dɛmasekɛse nlenkɛ mgbole ne mɔ na meaye Evɛn Bɔnza ne anu amra nee Bɛteyidɛn meavi me nye zo. Bɛbahye Seleama bɛahɔ nlɔnu wɔ Kɛɛ.”

Emɔzo Buluku ne 1:5 ပူးပေါင်းရင်းမြစ်များ

2 Arl 14:28

Debie biala mɔɔ Gyɛlɔbowam mɔɔ tɔ zo Nwiɔ la yɛle, ye anwosesebɛ wɔ konle nu, nee kɛ ɔzile ɔliele Dɛmasekɛse mɔɔ kɔkpula Heemate mɔɔ wɔ Yizilayɛ la, bɛhɛlɛ bɛ kɔsɔɔti wɔ Yizilayɛ Arelemgbunli Tetedwɛkɛ Mbuluku ne mɔ anu.

2 Arl 16:9

Tegelate Paelisɛ diele Ehaze modolɛ ne na ɔvale ye ɛlɔnema ɔrale Dɛmasekɛse ɔrahonle ɔvale suakpole ne, ɔhunle Belemgbunli Rilizen na ɔhyele menli ne bie mɔ nuokɛ ɔ nee bɛ hɔle Kɛɛ.

Ayezaya Buluku ne 22:6

Yilam ɛlɔnema lɛ ɛda dede konle ehwili nu nee mgbɔnwɔ zo, yɛɛ Kɛɛ ɛlɔnema ɛye bɛ enyinlike ne mɔ ɛlɛ.

Ayezaya Buluku ne 43:14

Ɛdɛnkɛma, bɛ Kpɔnevolɛ ne, Yizilayɛ Nwuanzanwuanza Ko ne se, “Bɛdabɛ bɛ ti, mebazoa meamaa bɛahɔ Babelɔn anwo zo, meamaa bɛahɔbubu suakpole ne nlenkɛ mgbole ne mɔ, na meamaa Babeloniama anyelielɛ ɛdeɛdeanlɛ ne ahakyi awolɛyelɛ.

Ayezaya Buluku ne 8:4

ɔluakɛ mɔɔ kakula ne kahola ɔ nloa buke aha ‘Egya’ anzɛɛ ‘Ɔmɔ’ la, ɛnee Aselea belemgbunli ne ɛzoa Dɛmasekɛsema nee Samɛleama anwo ninyɛne kɔsɔɔti ɛhɔ.”

Gyɛlɛmaya Buluku ne 50:36

Bɛhu menli mɔɔ bɔ menli munzule la, bɛle ahɔnwɔne! Bɛhu ye ɛlɔnema, na bɛzɛkye bɛ!

Gyɛlɛmaya Buluku ne 51:30

Babelonia katakyiema ɛgyakyi konle na bɛhɔvea bɛ aranemgbole ne mɔ anu. Bɛ anwosesebɛ ɛwie ɛmaa bɛyɛ kɛ mraalɛ. Senle la ye azua ne mɔ anu, bɛ nlenkɛ mgbole nzi mbulalɛ ne mɔ anu ɛbubu.

Gyɛlɛmaya Awolɛyelɛ 2:9

Zayɔn nlenkɛ mgbole ne mɔ ɛbubu ɛgua; bɛ nzi mbulalɛ ne mɔ ɛbubu; bɛhye ye belemgbunli nee ye mgbanyima bɛhɔ nlɔnu; mɛla ne ɛnle ɛkɛ bieko, yɛɛ ye Nyamenle kpɔmanvolɛma ɛnnwu ɛnyelɛzodeɛnwunlɛ ɛnvi Ɛdɛnkɛma ɛkɛ.

Yizikeɛle Buluku ne 27:23

Hɛlan, Kani, Yidɛn, Ahyɔɔ, yɛɛ Kelemade nee wɔ lile gua.

Yizikeɛle Buluku ne 30:17

Mgbavolɛ mɔɔ wɔ azuamgbole Hɛleɔpɔlese nee Bubatese azo la badɔ dadeɛ nloa, yɛɛ bɛbahye mraalɛ ne mɔ nuokɛ.

Hozia Buluku ne 10:8

Bɛbazɛkye awoka zo ɛzonlenlɛ ɛleka ne mɔ mɔɔ wɔ Evɛn mɔɔ Yizilayɛma kɔ ɛkɛ kɔsonle na bɛyɛ ɛtane la. Mbowule nee ndile bafifi bɛ azukponle ne mɔ azo. Na bɛbaha bɛahile awoka ne mɔ kɛ, “Bɛheda yɛ nwo zo!” na bɛaha bɛahile awoka ngyikyi kɛ, “Bɛdu bɛgua yɛ nwo zo.”

Emɔzo Buluku ne 5:5

Bɛmmakɔ Biyɛhyiba bɛkɔsonle. Bɛmmakpondɛ me wɔ Bɛtɛle, Bɛtɛle bayɛ mgbane. Bɛmmakɔ Gelegale noko, ɔluakɛ bɛbahye ye menli ne kɔsɔɔti bɛahɔ nlɔnu.”

Emɔzo Buluku ne 9:7

Ɛdɛnkɛma se, “Yizilayɛma, kɛ mesi medwenle Sudanema anwo la, zɔhane ala yɛɛ medwenle bɛdabɛ noko bɛ nwo a. Menyele Filisitiama menvile Kiliti na menyele Seleama menvile Kɛɛ, kɛmɔ menyele bɛdabɛ noko menvile Yigyibiti azɛlɛ zo la.

Nahum Buluku ne 3:13

Nea, wɔ ɛlɔnema ne, bɛ muala bɛle mraalɛ! Bɛbabukebuke wɔ nlenkɛ mgbole ne mɔ bɛamaa wɔ kpɔvolɛma; senle bali nuhua mbulalɛ ne mɔ amuala.