Emɔzo Buluku ne 1:14 - BAEBOLO ANZƐƐ BULUKU NWUANZANWUANZA

¹⁴ Yemɔti mebado senle suakpole Relaba bane ne mɔ anu, na senle ne bayela ye aranemgbole ne mɔ. Akee bɛbadeɛdea nu wɔ konle kenle ne, na konle ne anu bayɛ se kɛ ahumuakyima la.

Emɔzo Buluku ne 1:14 ပူးပေါင်းရင်းမြစ်များ

2 Sam 11:1

Nyenyensuo ne anu, ɛvolɛ ne anu mekɛ mɔɔ arelemgbunli ne mɔ fa ko bɛ konle ne mɔ la, Devidi zoanle Dwowabe nee ye mgbanyima nee Yizilayɛ ɛlɔnema kɔsɔɔti manle bɛhɔbɔle Amɔnoma abo zo bɔkɔɔ na bɛvale suakpole Relaba. Devidi ɔdaye mumua ne yeangɔ bie, yemɔ ɔdɛnlanle Gyɛlusalɛm.

2 Sam 12:26

Dwowabe nee Amɔnoma honle na ɔvale suakpole Relaba.

2 Sam 12:31

na Devidi manle ezuavolɛ ne vale sɛlada, bulalɛ ahoanlɛ nee bulalɛ akuma yɛle gyima, na eza ɔmanle bɛguale belekese. Ɔmanle Amɔnoma mɔɔ wɔ azua gyɛne gyɛne zo la yɛle gyima zɔhane bie. Akee Devidi nee ye ɛlɔnema ne ziale hɔle Gyɛlusalɛm.

1 Edk 20:1

Nyenyensuo mekɛ ne, mɔɔ le ɛvolɛ biala anu mekɛ mɔɔ arelemgbunli fa kɔ konle la dwule bieko la, Dwowabe vale ye ɛlɔnema ne hɔle Amɔnoma anwo zo arɛlevilɛ nu. Belemgbunli Devidi ɛnee wɔ Gyɛlusalɛm; yeangɔ bie. Bɛbɛnrale bɛyiale suakpole Relaba, bɛvale konle bɛdoale bɛ, na bɛbɔle sua ne tɔɔ.

Dwobu Buluku ne 39:25

Saa ɔte aweɛne tendenle ne ane a, ɔtea nu, ‘Ɛhɛɛ!’ Ɔte konle ne nganeɛ wɔ moa moa, ɔte safohyenlema ɛhululɛ nee bɛ ɛdeanlɛ ne.

Edwɛndolɛ Buluku ne 83:15

Zɔhane ala yɛɛ fa wɔ ahumu ne si bɛ zo, na fa ahumu kpole tu bɛ nwo mɔra a.

Ayezaya Buluku ne 29:6

Tumivolɛ Ɛdɛnkɛma bava ɛnelɛ kpole, ɛhululɛ nee azɛlɛkpusulɛ aralie wɔ. Ɔbara kɛ ahumuakyima nee ahumu kpole, yɛɛ sendɔlɔra senle la.

Ayezaya Buluku ne 30:30

Ɛdɛnkɛma bamaa bɛade ɔ ne ɛzulolɛ ne na bɛanwu ye tumi kpole ne wɔ ɛyavalɛ kpole nee sendɔlɔra kpole nu, ahumu nee ezuawolɛ ɛdɔlɛ nu.

Ayezaya Buluku ne 9:5

Akee ɛlɔnema mɔɔ ɛlɛba la mgbɔlaboa nee bɛ adɛladeɛ mɔɔ ɛyɛ mogya ngome la, bayɛ kɛ ɛyɛne wɔ senle nu.

Gyɛlɛmaya Buluku ne 23:19

Bɛnlea, Ɛdɛnkɛma ɛya ne ɛlɛtu kpole kɛ ahumuakyima. Ɔbahɔgua ye wɔ amumuyɛma ati zo.

Gyɛlɛmaya Buluku ne 49:2

Bɛnlea, mekɛ ɛlɛba mɔɔ mebamaa konle azi Amɔnoma suakpole Relaba azo abɔ ye, na ye namunamu ne mɔ ayela adɔ nzonle. Yizilayɛma baza menli mɔɔ liele bɛ azɛlɛ ne bɛ sa nu la alie bɛ debie, medame Ɛdɛnkɛma a mese a.

Yizikeɛle Buluku ne 21:20

Kile adenle mɔɔ dadeɛ ne balua nuhua ara Amɔnoma sua ne mɔɔ bɛfɛlɛ ye Relaba la azo, maa ɔlua ɛkɛ ɔrɛla Dwuda na ɔhɔ suakpole Gyɛlusalɛm mɔɔ bɛhye nwolɛ ɛhane la azo.

Yizikeɛle Buluku ne 21:22

Ɛbizalɛ ne babɔ Gyɛlusalɛm, na ɔkile kɛ ɔhɔ na ɔhɔva konle ɔdoa Gyɛlusalɛm, ɔbɛnra ɔyia sua ne, ɔva mbaka mgbole ɔsisi Gyɛlusalɛm nlenkɛ mgbole ne mɔ na ɔvu kuma wɔ suakpole ne anwo ɔbɛnra ɔyia.

Yizikeɛle Buluku ne 21:25

“Wɔmɔ Yizilayɛ belemgbunli, amumuyɛnli mɔɔ anwo ɛnde a, wɔ kɔpo ne ɛyi, na yedwu mɔɔ akee ɔwɔ kɛ bɛsɛkye wɔ bɔkɔɔ a.

Yizikeɛle Buluku ne 25:5

Mebamaa Relaba ayɛ adidileka amaa afunlumu, na Amɔnoma sua ne ayɛ nyɛmoa tunli, na bɛanwu kɛ medame a mele Ɛdɛnkɛma a.’

Yizikeɛle Buluku ne 25:7

bɛnlea, meva bɛ nwo ɛya kpole, na mebaye bɛ meamaa maanle maanle ne mɔ, na bɛava bɛ kɛ konle nu afedeɛ. Mebaye bɛ meavi menli avinli na meaminli bɛ bo zo wɔ maanle maanle avinli. Mebazɛkye bɛ bɔkɔɔ, na bɛanwu kɛ medame a mele Ɛdɛnkɛma a.”

Daneɛle Buluku ne 11:40

“Ɔka ekyii na mekɛ mɔɔ Nyamenle ɛhile la adwu a, Yigyibiti belemgbunli ne bava konle ahɔdoa Selea belemgbunli ne. Selea belemgbunli ne bava ye anwosesebɛ muala, ye konle ehwili ne mɔ, ye mgbɔnwɔ nee ye meli dɔɔnwo ne ara ɔ nwo zo kɛ ahumuakyima. Ɔbahɔ maanle dɔɔnwo anwo zo na yeali bɛ nwo zo konim.

Emɔzo Buluku ne 2:2

Yemɔti mebado senle Mowabe azɛlɛ zo na ɔbazɔ yeayela Kɛleɔto aranemgbole ne mɔ. Mowabema bawu konle nu wɔ mekɛ mɔɔ ɛlɔnema ne ɛlɛteɛdea nu na bɛlɛwu aweɛne ndendenle nu la.

Zɛkalaya Buluku ne 7:14

Membɔle bɛ asande wɔ maanle maanle kɔsɔɔti mɔɔ bɛnze bɛ la anu. Na azɛlɛ ne mɔɔ bɛgyakyile ye bɛ nzi la lale ɛkɛ ne mɔɔ awie ɛngɔ, ɛmba zolɛ a, na azɛlɛ kɛnlɛma ne dɔle mgbane.”

Mɛla 3:11

(Ɛnee Beehyan Belemgbunli Ɔɔgo angomekye yɛɛ ɛha wɔ Rilipeeyemma anu mɔɔ de ngoane nu a. Ye ɛkpa mɔɔ ɔda zolɛ la le bulalɛ, ye tendenle le mita nna yɛɛ ye tɛtɛlɛ le asɛɛ mita nwiɔ. Ɛkpa zɛhae tɛbɔ Amɔlema suakpole bie mɔɔ bɛfɛlɛ ye Relaba la azo kɛkala.)