Emɔzo Buluku ne 1:13 - BAEBOLO ANZƐƐ BULUKU NWUANZANWUANZA

¹³ Ɛdɛnkɛma se, “Amɔnoma yɛ ɛtane la ɛnee bɛyɛ, na mebadea bɛ wɔ ɛhye anwo, ɔboalekɛ bɛko bɛakpondɛ azɛlɛ bɛaboka bɛ maanle ne anwo la, bɛhunle Geleade nrenzɛvolɛma.

Emɔzo Buluku ne 1:13 ပူးပေါင်းရင်းမြစ်များ

2 Sam 12:31

na Devidi manle ezuavolɛ ne vale sɛlada, bulalɛ ahoanlɛ nee bulalɛ akuma yɛle gyima, na eza ɔmanle bɛguale belekese. Ɔmanle Amɔnoma mɔɔ wɔ azua gyɛne gyɛne zo la yɛle gyima zɔhane bie. Akee Devidi nee ye ɛlɔnema ne ziale hɔle Gyɛlusalɛm.

2 Arl 15:16

Mɔɔ Mɛnahɛm vi Tɛza kɔ la ɔzɛkyele Tapua bɔkɔɔ na ɔhunle menli mɔɔ wɔ zolɛ la amuala, ɔtulutulule mraalɛ mɔɔ ɛlɛnrenzɛ bɔbɔ la anyalɛ, ɔboalekɛ bɛanli bɛamboa ye.

2 Arl 24:2

Ɛdɛnkɛma manle Babelonia, Selea, Mowabe, nee Amɔn ɛlɔnema rale Gyɛhɔyakem anwo zo na bɛzɛkyele Dwuda bɔkɔɔ, kɛmɔ Ɛdɛnkɛma luale ye sonvolɛma, kpɔmanvolɛma ne anwo zo hanle kɛ ɔbayɛ la.

2 Arl 8:12

Na Hazeeyɛle bizale ye kɛ, “Duzu ati a me menle akee ɛlɛsu a?” Yilaehya buale kɛ, “Ɔboalekɛ menwu ɛtane mɔɔ ɛbali wɔamaa Yizilayɛma la. Ɛbado senle wɔ bɛ aranemgbole ne mɔ anu, wɔahuhu bɛ mgbavolɛ nee ngakula kɔsɔɔti, na wɔatulutulu mraalɛ mɔɔ ɛva ɛkolɛ la anyalɛ.”

2 Edk 20:1

Ɛhye anzi Mowabema nee Amɔnoma, nee Mɛyunɛmma bie mɔ rale Gyɛhɔhyafate anwo zo kɛ bɛ nee ye baho.

2 Edk 20:10

“Kɛkala, Amɔnoma, Mowabema, nee Yidɔmma ɛva yɛ aze. Mekɛ mɔɔ Yizilayɛma vi Yigyibiti ba la, wɔammaa bɛanva bɛ azɛlɛ ne azo, bɛbule bɛhoanenle bɛ, yemɔti bɛambɔ bɛ bo zo.

Nihɛmaya Buluku ne 2:19

Mɔɔ Sanebalate mɔɔ vi Hɔlɔn, Amɔnonli Tobaya mɔɔ le sonvolɛ nee Arelabenli bie mɔɔ bɛfɛlɛ ye Gihyɛm la dele gyima mɔɔ yɛhyehyɛ kɛ yɛyɛ la, bɛgolole yɛ nwo, bɛzile yɛ amgbu na bɛzele kɛ, “Duzu debie a bɛlɛyɛ a? Ɛnee bɛlɛte belemgbunli ne anwo atua ɔ?”

Edwɛndolɛ Buluku ne 83:7

Gibalema, Amɔnoma, nee Amalɛkema, Filisitiama yɛɛ menli mɔɔ wɔ Taya la.

Ayezaya Buluku ne 5:8

Munzule ɛha bɛdabɛ mɔɔ bɛfa azua bɛbɔ azua zo, bɛfa ɛya avule bɛbɔ avule zo, bɛmaa yera kɛ akee ɛleka ɛnle ɛkɛ mɔɔ sonla tɛnla a ɔyɛ boɛ a, na bɛgyakyi wɔ kɛ ɛ ngomekye ɛdɛnla azɛlɛ tɛtɛlɛ ne azo.

Yizikeɛle Buluku ne 21:28

“Na wɔmɔ, sonla ra, ka Nyamenle nrɛlaleɛ ne na ka mɔɔ medame Awulae Nyamenle, melɛka meahile wɔ, mɔɔ fane Amɔnoma nee bɛ ɛralɛ mɔɔ bɛlɛba Yizilayɛma anwo zo la anwo edwɛkɛ kile bɛ. Ka kile bɛ kɛ, ‘Dadeɛ, bɛhwe dadeɛ kɛ bɛku menli; bɛhwi nwolɛ, amaa yeapɛ kɛ ɛsɛnlɛmanye.

Yizikeɛle Buluku ne 25:1

Ɛdɛnkɛma zele me kɛ,

Yizikeɛle Buluku ne 35:10

“Bɛdabɛ, bɛ edwɛkɛ a le kɛ, ‘Maanle nwiɔ ɛhye, Dwuda nee Yizilayɛ bayɛ yɛ ɛdeɛ, na yɛbava yɛayɛ yɛ ɛdeɛ bɔkɔɔ,’ wɔ mekɛ mɔɔ medame Ɛdɛnkɛma mede bɛ avinli la.

Hozia Buluku ne 13:16

Mebadua Samɛlea kakɛ kɛ yede me nwo atua a. Ye menli ne bawu konle nu; bɛbava bɛ nlɔma ne mɔ bɛafifi debie bɛatete bɛ, na bɛatulutulu nrenzɛvolɛma ako.”

Hozia Buluku ne 14:1

Yizilayɛma, bɛzia bɛrɛla Ɛdɛnkɛma bɛ Nyamenle ne ɛkɛ, ɔluakɛ bɛ ninyɛndane ɛmaa bɛdu koti.

Emɔzo Buluku ne 1:3

Ɛdɛnkɛma se, “Dɛmasekɛsema yɛ ɛtane la ɛnee bɛyɛ, na mebadea bɛ wɔ ɛhye anwo, ɔboalekɛ bɛva atisesebɛ amaamuo bɛbu Geleadema.

Mɛla 2:19

na saa bɛdwu Amɔnoma ɛweɛne zo a anrɛɛ bɛmmafa konle bɛtoa bɛ anzɛɛ bɛmmagyegye bɛ, ɔluakɛ menrɛva bɛ azɛlɛ ne bie menrɛmaa bɛ, ɔboalekɛ meva ɛkɛ ne azɛlɛ ne memaa Lɔɔto abo zo amra kɛ bɛ ɛdeɛ ɔ.’ ”