Emɔzo Buluku ne 1:11 - BAEBOLO ANZƐƐ BULUKU NWUANZANWUANZA

¹¹ Ɛdɛnkɛma se, “Yidɔmma yɛ ɛtane la ɛnee bɛyɛ, na mebadea bɛ wɔ ɛhye anwo, ɔboalekɛ bɛvale konle bɛyɛle bɛ mediema Yizilayɛma kpɔdekpɔde, bɛanze bɛ anwunvɔne. Bɛ ɛya ne andwo ɛlɛ. Oba 1-14; Mal 1.2-5

Emɔzo Buluku ne 1:11 ပူးပေါင်းရင်းမြစ်များ

2 Edk 20:10

“Kɛkala, Amɔnoma, Mowabema, nee Yidɔmma ɛva yɛ aze. Mekɛ mɔɔ Yizilayɛma vi Yigyibiti ba la, wɔammaa bɛanva bɛ azɛlɛ ne azo, bɛbule bɛhoanenle bɛ, yemɔti bɛambɔ bɛ bo zo.

2 Edk 20:11

Akee nea, yɛ moyɛlɛ a le kɛ bɛba bɛaravoa yɛ bɛavi azɛlɛ ye mɔɔ wɔva wɔmaa yɛ kɛ yɛdɛnla zo kpɔkpɔ la azo.

Edwɛndolɛ Buluku ne 137:7

O Ɛdɛnkɛma, kakye mɔɔ Yidɔmma yɛle wɔ mekɛ mɔɔ Gyɛlusalɛm bɔle la. Bɛzele kɛ, “Bɛbɔ ye, bɛbɔ ye tɔɔ! Bɛgologolo ye bɛgua aze!”

Edwɛndolɛ Buluku ne 85:5

Asoo ɛfa yɛ nwo ɛya dahuu? Asoo wɔ ɛya ne bawa aha awolɛndoazo muala?

Nolo 7:9

Mmafa ɛya ndɛndɛ, ɔluakɛ koasea a fa ɛya sie ye nu a.

Ayezaya Buluku ne 57:16

Ɔluakɛ medame a memaa ngoane a, yɛɛ me nuhua a sunsum ne vi ba a; menrɛva bɛ nwo ɛya dahuu, yɛɛ dahuu menrɛbɔ bɛ somolɛ.

Hozia Buluku ne 8:3

Yizilayɛma ɛkpo mɔɔ le kpalɛ la. Ɛhye ati bɛ kpɔvolɛma badu bɛ mgbaliko.

Dwowɛle Buluku ne 3:19

“Yigyibiti bahakyi ɛsɛlɛ, na Yidɔm adɔ mgbane, ɔboalekɛ bɛvale konle bɛdoale Dwuda maanle ne na bɛhunle menli mɔɔ ɛnze nwolɛ bie la.

Maeka Buluku ne 7:18

Nwane a le Nyamenle kɛ ɛdawɔ, O Ɛdɛnkɛma, mɔɔ ɛfa ɛtane ɛkyɛ na ɛmbu wɔ menli Yizilayɛma mɔɔ hale la mɛladonlɛ nwo mgbonda a? Ɛnva ɛya ɛnga zo, ɔboalekɛ ɛ nye die ɛhulolɛ kpundii nwo.

Zɛkalaya Buluku ne 1:15

Meva maanle maanle ne mɔ anwo ɛya kpole kpalɛ kɛ bɛmɛ bɛ nwo ɛdɔ bɛ a. Ɔluakɛ saa mame meva me menli ne anwo ɛya ekyii bie a, akee bɛmɛ bɛmaa munzule ne ɛyɛ kpole.

Malakae Buluku ne 1:2

Ɛdɛnkɛma se, “Mehulo bɛ.” Noko bɛmɛ bɛse, “Kɛ wɔzi wɔhulo yɛ ɛ?” Ɛdɛnkɛma biza bɛ kɛ, “Asoo tɛ Yisɔ adiema a le Gyekɔbo? Noko mehulo Gyekɔbo, Emɔ 1.11-12; Oba 1-14

Malakae Buluku ne 1:4

Saa Yidɔmma ka kɛ, “Bɛzɛkye yɛ maanle ye bɔbɔ ɛdeɛ, noko yɛbazia yɛakyekye ye fofolɛ” a, ɛnee kɛ Tumivolɛ Ɛdɛnkɛma se la ɛne, “Bɛbakyekye bɛ azua ne mɔ, na mebagologolo bɛ meagua. Bɛbavɛlɛ bɛ azɛlɛ ne ‘Amumuyɛ Azɛlɛ’ na bɛavɛlɛ bɛdabɛ mumua ne ‘Menli mɔɔ Ɛdɛnkɛma ɛva bɛ nwo ɛya mɔɔ ɛnlɛ awieleɛ a.’ ”

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:1

Bɛle Nyamenle amra mɔɔ ɔkulo bɛ a, yemɔti bɛbɔ mɔdenle kɛ bɛkɛyɛ kɛ ɔdaye ala la.

Mɛla 23:7

“Bɛmmakpo Yidɔmenli, ɔluakɛ ɔle bɛ diema; bɛmmakpo Yigyibitinli, ɔluakɛ ɛnee bɛle nyɛvolɛ wɔ ye maanle nu.