Emɔzo Buluku ne 1:1 - BAEBOLO ANZƐƐ BULUKU NWUANZANWUANZA

¹ Edwɛkɛ mɔɔ mboaneneavolɛ Emɔso mɔɔ vi Tɛkowa la hanle la ɛne. Mɔɔ ɔhale ɛvolɛ nwiɔ na azɛlɛ ne akpusu, mɔɔ ɛnee Ɛzaya a le belemgbunli wɔ Dwuda na Gyɛhowahye ara nrenya Gyɛlɔbowam a le belemgbunli wɔ Yizilayɛ la, Nyamenle yele ninyɛne ɛhye mɔ mɔɔ fane Yizilayɛ maanle ne anwo la hilele Emɔso.

Emɔzo Buluku ne 1:1 ပူးပေါင်းရင်းမြစ်များ

2 Sam 14:2

yemɔti ɔzoanle ɔmanle bɛhɔvale raalɛ bie wɔ Tɛkowa. Raalɛ ne ze nrɛlɛbɛ kpole kpalɛ. Mɔɔ ɔrale la Dwowabe zele ye kɛ, “Kpati yɛ kɛ ɛwɔ nyanelilɛ nu. Keda nyanelilɛ ɛdanlɛ. Mmayɛ ɛ nwo bɔkɔbɔkɔ biala; yɛ kɛ sonla mɔɔ ye awie ɛwu na yeli nyane dedee la.

1 Arl 19:19

Yilaegya vi ɛkɛ ne la ɔhɔnwunle Hyeefate ara Yilaehya kɛ ɔlɛso ɛya. Ɔlɛ nlankɛ ekpunli ekpunli bulu nee nwiɔ mɔɔ ngyela mbaka gyelegyela bɛ la kɛ bɛlɛwuduwudu azɛlɛ ne, na ɔdaye mumua ne ɔdoa nlankɛ ekpunli ne mɔɔ tɔ zolɛ bulu nee nwiɔ la. Yilaegya yɛle kɛ ɔse ɔ nwo la na ɔdole ye aguzo ne ɔguale Yilaehya anwo zo,

2 Arl 14:21

Akee Dwudama vale ɔ ra Yuzaya mɔɔ ɛnee ɛli ɛvolɛ bulu nee nsia la ziele Dwuda belemgbunli.

2 Arl 14:23

Amazaya lile ɛvolɛ bulu nee nnu wɔ Dwuda ebia ne azo la yɛɛ bɛvale Gyɛhowahye ara Gyɛlɔbowam bɛziele Yizilayɛ belemgbunli wɔ Samɛlea a. Ɔlile ebia ne ɛvolɛ abulanla nee ko.

2 Edk 11:6

Ɔkyekyele Bɛtelɛhɛm, Yitam, Tɛkowa,

2 Edk 20:20

Bɛdwazole ndɛndɛ wɔ aleɛbahye ne ala na bɛhɔle Tɛkowa fienemgbole ne anu. Mɔɔ bɛkɔ la, Belemgbunli Gyɛhɔhyafate ragyinlanle adenle ne anloa na ɔzele bɛ kɛ, “Dwudama nee Gyɛlusalɛmma, bɛdie me! Bɛlie Ɛdɛnkɛma bɛ Nyamenle ne bɛli, na bɛbali konim. Bɛlie Nyamenle kpɔmanvolɛma ne bɛli, na bɛbaho bɛadɔ zolɛ.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:1

Ɛnee Mosisi nea Sɛlɛvolɛ Gyɛtulo, ɔ ye ɔ ze ne mɔɔ vi Medean la nyɛmoa. Kenle ko ɔhanle nyɛmoa ne mɔ ɔhɔle fienemgbole ne aduduleɛ na ɔrale Nyamenle Boka Saenae abo.

Ayezaya Buluku ne 1:1

Emɔzo ara nrenya Ayezaya ɛnyelɛzodeɛnwunlɛ ne mɔɔ Nyamenle yele hilele ye, mɔɔ fane Dwuda nee Gyɛlusalɛm anwo wɔ mekɛ mɔɔ ɛnee Dwuda Arelemgbunli Ɛzaya, Dwotam, Ehaze, yɛɛ Hɛzikaya di ebia la ɛne.

Gyɛlɛmaya Buluku ne 1:1

Gyɛlɛmaya mɔɔ ɔ ze a le sɛlɛvolɛ Helekaya mɔɔ boka sɛlɛvolɛma mɔɔ wɔ Anato mɔɔ wɔ Bɛngyaman maanzinli nu la anwo la anloa edwɛkɛ ɛne:

Gyɛlɛmaya Buluku ne 28:8

Ɔvi tete, Nyamenle kpɔmanvolɛma mɔɔ lumua ɛdawɔ nee medame yɛ nyunlu la hanle Nyamenle nrɛlaleɛ mɔɔ fane konle, ɛhɔne, yɛɛ ewulenzane nwo la tiale maanle maanle dɔɔnwo nee arelemgbunli mgbole.

Gyɛlɛmaya Buluku ne 6:1

O Bɛngyamanema, bɛnriandi bɛvi Gyɛlusalɛm! Bɛlie bɛ ngoane! Bɛwu aweɛne tendenle ne anu wɔ Tɛkowa na bɛkpɔnla sɛkɛlɛneɛ wɔ Bɛte Hakɛlɛm, ɔluakɛ munzule ɛkpuke sɔlɔ ɛlɛba arazɛkye ninyɛne.

Gyɛlɛmaya Buluku ne 7:27

“Yemɔti, Gyɛlɛmaya, ɛbaha edwɛkɛ ɛhye mɔ kɔsɔɔti wɔahile bɛ bɔbɔ ɛdeɛ, na bɛnrɛdie wɔ. Ɛbavɛlɛ bɛ, na bɛnrɛdɛne wɔ zo.

Hozia Buluku ne 1:1

Nrɛlaleɛ mɔɔ Ɛdɛnkɛma vale manle Biyɛlae ara nrenya Hozia wɔ Dwuda arelemgbunli Ɛzaya, Dwotam, Ehaze, yɛɛ Hɛzikaya mekɛ zo la ɛne. Mekɛ ne anu ɛnee Gyɛhowahye ara nrenya Gyɛlɔbowam le Yizilayɛ belemgbunli.

Emɔzo Buluku ne 7:14

Na Emɔso buale Amazaya kɛ, “Menle Nyamenle kpɔmanvolɛ, yɛɛ menle Nyamenle kpɔmanvolɛ ra. Meka mboane, yɛɛ feege mbaka ɛnleanlɛ gyima a meyɛ a.

Maeka Buluku ne 1:1

Wɔ Dwuda arelemgbunli Dwɔtam, Ehaze, yɛɛ Hɛzikaya mekɛ zo, Ɛdɛnkɛma dendɛle hilele Maeka mɔɔ vi Molɛhyɛte la. Edwɛkɛ ne fane Samɛlea nee Gyɛlusalɛm anwo.

Zɛkalaya Buluku ne 14:5

Bɛbanriandi bɛahɔ me awoka ne mɔ bɔnza ne anu, ɔluakɛ bɔnza ne anu badɛlɛ toonwo adwu Ezɛle. Bɛbanriandi, kɛmɔ bɛ nlenya mɔ nriandile azɛlɛkpusulɛ mekɛ ne anu wɔ Dwuda Belemgbunli Ɛzaya mekɛ zo la. Akee Ɛdɛnkɛma bɛ Nyamenle ne bara, na ɔ nee Nyamenle menli ne mɔ amuala ara.

Edwɛkpa ne kɛmɔ Mateyu hɛlɛle la 4:18

Gyisɛse lua Galeli Tandane ne anloa la, ɔnwunle mediema nwiɔ kɛ bɛlɛgua asawu wɔ tandane ne anu. Bɛmɛ a le Saemɔn mɔɔ eza bɛfɛlɛ ye Pita la nee ɔ diema Andelu.

1 Kɔl 1:27

Nyamenle anye la nwo yɛɛ ɔkpale nu ɔyele deɛ mɔɔ ewiade bu ye ɛzɛlɛ debie la kɛ ɔfa yeamaa nrɛlɛbɛvolɛma anyunlu agua aze a, yɛɛ ɔkpale nu ɔyele deɛ mɔɔ ewiade bu ye kɛ ɔle bɛtɛɛ na bɛmbu ye bie la kɛ ɔfa yeagua bɛdabɛ mɔɔ bɛlɛ tumi la anyunlu aze a.