Ɛzoanvolɛma Gyima ne 9:39 - BAEBOLO ANZƐƐ BULUKU NWUANZANWUANZA

³⁹ Pita noko anzi aze na ɔ nee bɛ hɔle. Ɔhɔdwule la, bɛ nee ye hɔle ɛbolɔnsane ne azo ɛleka mɔɔ bɛdeda ye la. Ahunlanvolɛ mraalɛ mɔɔ Dɔkase ɛyɛ bɛ nyele ɛlɛ la vale ɛzunlɛ rabɔle yiale Pita na bɛvale adɛladeɛ mɔɔ Dɔkase kpomgbale hyɛle bɛ, wɔ mekɛ mɔɔ ɔde aze la bɛhilele ye.

Ɛzoanvolɛma Gyima ne 9:39 ပူးပေါင်းရင်းမြစ်များ

2 Sam 1:24

“Yizilayɛ mraalɛ, bɛzu Sɔɔlo! Yemɔ mɔɔ ɔhedale bɛ ndakpa, na ɔvale mgbɔba ɔzieziele bɛ a.

Mrɛlɛbulɛ Buluku ne 10:7

Tenlenema ɛhakyelɛ le nyilalɛ, na amumuyɛnli duma baminli.

Nolo 9:10

Debie biala mɔɔ ɛkɛzɔ nu kɛ ɛyɛ la, fa wɔ anwosesebɛ yɛ, ɔluakɛ gyima anzɛɛ ndwenlenwo anzɛɛ adwenle anzɛɛ nrɛlɛbɛ biala ɛnle Ɛbolɔ mɔɔ ɛlɛkɔ la.

Edwɛkpa ne kɛmɔ Mateyu hɛlɛle la 17:17

Gyisɛse buale kɛ, “Bɛmɛ mɔɔ bɛnlɛ diedi na bɛfo a! Me nee bɛ ɛdɛnla, menyia bɛ nwo abotane ɔhɔdwu kenlenzu? Fa kakula nrenya ne bɛla ɛke.”

Edwɛkpa ne kɛmɔ Mateyu hɛlɛle la 26:11

Bɛmɛ, bɛ nee ehyianvolɛma de dahuu na mame, me nee bɛ ɛnde dahuu.

Edwɛkpa ne kɛmɔ Maake hɛlɛle la 14:8

Yeyɛ mɔɔ ɔkɛhola la; yewola anatele ye yegua me sonlabaka ye anwo yeva yeziezie ye kolaa na bɛazie ye.

Edwɛkpa ne kɛmɔ Luku hɛlɛle la 24:44

Akee ɔzele bɛ kɛ, “Ɛhye mɔ a le ninyɛne mɔɔ menganle nwolɛ edwɛkɛ mengilele bɛ wɔ mekɛ mɔɔ ɛnee me nee bɛ de la: debie biala mɔɔ bɛhɛlɛ ye wɔ Mosisi mɛla ne anu, nee mɔɔ wɔ Nyamenle kpɔmanvolɛma, nee Edwɛndolɛ mbuluku ne mɔ anu mɔɔ fane me nwo la kpokpoti ɔwɔ kɛ yɛ nɔhalɛ.”

Dw 12:8

Bɛmɛ bɛ nee ehyianvolɛma de dahuu, na mame bɛ nee me ɛnrɛdɛnla dahuu.”

Dw 17:12

Mɔɔ ɛnee me nee bɛ de la, menziele bɛ gyɛlɛɛnye wɔ wɔ duma ne mɔɔ ɛvale ɛmanle me la tumi nu. Membɔle bɛ nwo bane, na ko bɔbɔ amminli, kyesɛ kokye ne, Dwudase musuofoɔ ala mɔɔ ɔwɔ kɛ minli la, amaa Nyamenle Edwɛkɛ ne ayɛ nɔhalɛ.

Ɛzoanvolɛma Gyima ne 1:13

Bɛdwule la, bɛhɔle anwuma sua ne mɔɔ ɛnee bɛwɔ nu la anu. Bɛmɛ a le: Pita, Dwɔn, Gyemise yɛɛ Andelu; Saemɔn mɔɔ le Maanle Kulovolɛ ne yɛɛ Felepe nee Tɔmase; Baatɔlomiyu, Mateyu, Afeɛse ara Gyemise, yɛɛ Dwudase mɔɔ le Gyemise ara ne.

Ɛzoanvolɛma Gyima ne 20:35

Mehilehile bɛ wɔ debie biala anu kɛ ɔlua gyima ɛsesebɛ ɛyɛlɛ zo yɛɛ bɛkɛhola bɛkɛboa menli mɔɔ ɛnlɛ anwosesebɛ la a. Bɛhakye Awulae Gyisɛse edwɛkɛ ne mɔɔ ɔhanle la. Ɔse, ‘Nyilalɛ dɔɔnwo wɔ ɛmanlɛ nu tɛla ɛlielɛ.’ ”

Ɛzoanvolɛma Gyima ne 6:1

Nzinlii, mɔɔ ɛnee akee ɛdoavolɛma ne anwo ɛlɛso la, ɛdendɛlɛ radɔle Dwuuma mɔɔ ka Giliki nee Dwuuma mɔɔ wɔ maanle ne anu la avinli. Dwuuma mɔɔ ka Giliki la se bɛbu bɛ nye bɛgua bɛ ahunlanvolɛ mraalɛ ne mɔ anwo zo wɔ dahuu ndɔnielilɛ nu.

Ɛzoanvolɛma Gyima ne 8:2

Na Nyamenlezonlenlɛma bie mɔ hɔvale Sitivin hɔziele ye na bɛzunle ye kpole kpalɛ.

Ɛzoanvolɛma Gyima ne 9:41

Pita zɔle ye manle ɔdwazole ɔgyinlanle. Akee ɔvɛlɛle diedima ne nee ahunlanvolɛ mraalɛ ne mɔ na ɔvale ye ɔmanle bɛ.

2 Kɔl 8:12

Ɔluakɛ saa ɔwɔ bɛ nuhua kɛ bɛkɛmaa debie a, ɛnee mɔɔ bɛlɛ ye la azo a Nyamenle balua alie bɛ ahyɛlɛdeɛ ne a. Ɔnrɛnlea mɔɔ bɛnlɛ ye la azo ɔnrɛlie.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:28

Mɔɔ le awule la ɛgyakyi ye awule ne na ɔyɛ gyima, amaa yeanyia bie yeanlea ɔ nwo na eza yeanyia bie yeaboa bɛdabɛ mɔɔ bɛhyia la.

1 Tɛs 1:3

Ɔluakɛ saa yɛkɔ yɛ Nyamenle ne nee yɛ Ze ne anyunlu a, yɛkakye kɛ bɛzile bɛhilele bɛ diedi na bɛ ɛhulolɛ manle bɛyɛle gyima ɛsesebɛ, nee kɛ bɛ anyelazo mɔɔ wɔ yɛ Awulae Gyisɛse Kelaese anu la si gyi kpundii la.

1 Tɛs 4:13

Mediema, yɛkulo kɛ bɛnwu nɔhalɛ ne mɔɔ fane bɛdabɛ mɔɔ bɛwu la anwo la, amaa bɛdabɛ noko bɛanli nyane kɛ menli mɔɔ ɛnlɛ anyelazo la.

1 Tem 5:3

Di ahunlanvolɛ mɔɔ ɛnlɛ neavolɛ la eni.

1 Tem 5:5

Kunlanvolɛ mɔɔ ɛnlɛ awie ɛnnea ye la, ɛva ɔ nye ɛdo Nyamenle anwo zo, na ɔhɔ zolɛ ɔbodo ɔzɛlɛ na ɔbiza moalɛ aledwolɛ nee alehyenlɛ.

1 Dw 3:18

Me mra ngakula, bɛmmamaa yɛfa edwɛkɛ ɛhanlɛ anzɛɛ yɛ nloa mgbane yɛkulo menli; ɔwɔ kɛ ɔyɛ nɔhalɛ ɛhulolɛ kpalɛ, na eza ɔfinde yɛ nyɛleɛ nu.