Ɛzoanvolɛma Gyima ne 9:36 - BAEBOLO ANZƐƐ BULUKU NWUANZANWUANZA

³⁶ Dwɔpa noko, raalɛ bie wɔ ɛkɛ, bɛfɛlɛ ye Tabeta. (Ye duma ne Giliki nu a le Dɔkase.) Ɔle ɛdoavolɛ. Raalɛ ɛhye vale ye mekɛ yɛle ahunlunyele gyima na ɔboale ehyianvolɛma.

Ɛzoanvolɛma Gyima ne 9:36 ပူးပေါင်းရင်းမြစ်များ

2 Edk 2:16

Yɛbapɛ mbaka dodo biala mɔɔ ɛkpondɛ wɔ Lɛbanɔn la, na yeakyekye bɛ avile yeava yɛalua nyevile nye yɛara Dwɔpa, na wɔarava wɔahɔ Gyɛlusalɛm.”

Ɛzela Buluku ne 3:7

Akee bɛvale ezukoa bɛmanle menli mɔɔ si sua la nee kapentama, yɛɛ bɛvale aleɛ, nza, nee nwole bɛhɔmanle menli mɔɔ wɔ Saedɛn nee Taya la, amaa bɛava sida mbaka mgbole bɛalua nyevile nye bɛvi Lɛbanɔn bɛara Dwɔpa. Pɛhyea Maanle Maanle Belemgbunli Saelɛse a manle adenle kɛ bɛyɛ ye zɔhane a.

Mrɛlɛbulɛ Buluku ne 5:19

kɛ ɔ nwo yɛ fɛ kɛ weɛlɛ belɛ. Maa ɛ nye ɛlie ye anwofɛlɛko ne anwo mekɛ biala, na maa ye ɛhulolɛ ne ɛli ɛ ti.

Sɔlɔmɔn Edwɛne 2:9

Me kulovolɛ ne le kɛ kɛtɛboɛ, ɔle kɛ weɛlɛ nyinli edonraa. Yemɔ a gyi yɛ bane ne anzi la, ɔlɛnea nvɛnzɛlɛ ne anu, ɔ nye gyi nvɛnzɛlɛ ne anzi neanleɛ ne anu.

Sɔlɔmɔn Edwɛne 3:5

O Gyɛlusalɛm mraalɛ, mese, bɛva weɛlɛ nee ahɛtɛboɛ anwondɛne ne mɔ bɛha ndane kɛ bɛnrɛpele ɛhulolɛ nwo kɔkpula kɛ ɛhulolɛ ne mekɛ kpalɛ kɛdwu la.

Sɔlɔmɔn Edwɛne 8:14

Me kulovolɛ, ka ɛ nwo bɛla, maa ɛ nwo ɛyɛ ndɛ kɛ kɛtɛboɛ, anzɛɛ weɛlɛ nyinli mɔɔ wɔ awoka mɔɔ aledonlɛ ninyɛne evuanlɛ fifi zolɛ la azo.

Dwona Buluku ne 1:3

Noko Dwona dwazole la ɔyɛle ye adwenle kɛ ɔnriandi Nyamenle yeahɔ Sepeen. Yemɔti ɔhɔle Dwɔpa na ɔnyianle meli bie mɔɔ ɛlɛkɔ Sepeen la. Ɔduale ye ɛlɛne kakɛ ne na ɔhɔvole meli ne anu kɛ ɔ nee menli mɔɔ wɔ meli ne anu la kɔ Sepeen, yeaye ɔ nwo wɔ Ɛdɛnkɛma anye zo.

Edwɛkpa ne kɛmɔ Mateyu hɛlɛle la 25:17

Mɔɔ bɛmanle ye apenle nwiɔ ne la yɛle ye zɔhane ala na ɔnyianle nvasoɛ nzunza apenle nwiɔ wɔ nwolɛ.

Dw 15:5

“Mame a mele vanye baka ne a, yɛɛ bɛmɛ a bɛle ye ngane ne mɔ a. Mɔɔ kɛdɛnla me nu na menwɔdɛnla ye nu la bazo ma dɔɔnwo; ɔluakɛ saa menle nu a bɛ ngome bɛnrɛhola ɛhwee yɛ.

Dw 15:8

Saa bɛyɛ Nyamenle ɛhulolɛdeɛ a, ɛnee bɛlɛye Egya anyunlunyia bɛahile; na ye zɛhae azo a bɛlua a bɛkɛhile kɛ bɛle me ɛdoavolɛma a.

Ɛzoanvolɛma Gyima ne 10:23

Na Pita vale bɛ hɔle sua nu na ɔmanle bɛ ɛleka bɛlale. Aleɛ hyenle la ɔboɔboale ɔ nwo na ɔ nee bɛ hɔle; diedima bie mɔ mɔɔ wɔ Dwɔpa la nee ye hɔle.

Ɛzoanvolɛma Gyima ne 10:31

na ɔzele me kɛ, ‘Kɔnileɛse! Wɔ nzɛlɛlɛ ɛdwu Nyamenle anyunlu na yenwu wɔ ahunlunyele gyima ne amuala.

Ɛzoanvolɛma Gyima ne 10:8

ɔhanle mɔɔ ɛzi la amuala ɔhilele bɛ na ɔzoanle bɛ wɔ Dwɔpa.

Ɛzoanvolɛma Gyima ne 11:13

Kɔnileɛse hanle kɛ ɔzile ɔnwunle Nyamenle soanvolɛ bie wɔ sua ne anu na ɔzele ye kɛ, ‘Soa maa bɛhɔ Dwɔpa bɛhɔva nrenya bie mɔɔ bɛfɛlɛ ye Saemɔn Pita la,

Ɛzoanvolɛma Gyima ne 11:5

Ɔse, “Ɛnee mewɔ suakpole ne mɔɔ bɛfɛlɛ ye Dwɔpa la azo melɛyɛ nzɛlɛlɛ, na me nye hɔle dɔɔnwo, na menwunle debie bie mɔɔ le kɛ ɛdanlɛ mɔɔ bɛdedɛ ɔ nloa nna ne amuala anu la kɛ ɔvi anwuma na bɛlɛdwula ye aze, na ɔradwule me nyunlu ɛkɛ ne la, ɔgyinlanle.

Ɛzoanvolɛma Gyima ne 9:38

Dwɔpa nee Leda anwa biala. Yemɔti mɔɔ diedima ne mɔɔ wɔ Dwɔpa la dele kɛ Pita wɔ Leda la, bɛzoanle menli nwiɔ bɛmanle bɛhɔvale nrɛlaleɛ bɛhɔmanle ye kɛ. “Yɛsɛlɛ wɔ, bɔ mɔdenle ka ɛ nwo bɛla.”

Ɛzoanvolɛma Gyima ne 9:42

Edwɛkɛ ɛhye kpondenle Dwɔpa amuala, na menli somaa ne ala liele Awulae lile.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:10

Yɛle Nyamenle asa anloa gyima, yɛɛ yelua yɛ nee Kelaese Gyisɛse yɛ koyɛlɛ ne azo yebɔ yɛ yemaa ɛbɛla kpalɛ ne mɔɔ ɔhyehyɛle ɔdole yɛ ɛkɛ ne dɛba kɛ yɛbɔ la.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:11

Bɛzo nɔhalɛ ma kpalɛ ne mɔɔ Gyisɛse Kelaese ala a fa maa la na bɛmaa anyunlunyia nee ayɛlɛyelɛ ɛha Nyamenle.

Kɔlɔ 1:10

bɛabɔ bɛ ɛbɛla ne bɛamaa yeafɛta Awulae, dahuu bɛayɛ mɔɔ ɔkulo la, na bɛ ɛbɛlabɔlɛ ne anwo ara nvasoɛ wɔ gyima kpalɛ biala mɔɔ bɛyɛ la anu, na bɛade Nyamenle edwɛkɛ ne abo kpalɛ.

1 Tɛs 4:10

Nɔhalɛ, zɛhae subane ne ala a bɛhile bɛmaa mediema mɔɔ wɔ Masidonea maanzinli nu la amuala a. Yemɔti yɛsɛlɛ bɛ, mediema, bɛyɛ ye zɔhane kpalɛ dahuu.

1 Tem 5:10

yɛɛ ye nyɛleɛ kpalɛ ti bɛbɔ ye duma kpalɛ kɛ ɔle raalɛ mɔɔ tetele ɔ mra kpalɛ, ɔliele nyɛvolɛ, ɔwowole anwondelɛma agyakɛ anwo, ɔboale bɛdabɛ mɔɔ bɛ nwo hyelele bɛ, na ɔdule ɔ nwo ɔmanle gyima kpalɛ biala ɛyɛlɛ la.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:14

Gyisɛse Kelaese vale ɔ nwo manle wɔ yɛ ti kɛ ɔbaye yɛ yeavi amumuyɛ muala anu, na yeayɛ yɛ ye menli mɔɔ anwo te na yɛle ɔ ngomekye ye ɛdeɛ la, amaa yɛ nye abolo kɛ yɛkɛyɛ kpalɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:7

Wɔ ninyɛne muala anu, ɛdawɔ mumua ne pɛ kelemunli kpalɛ wɔ gyima kpalɛ ɛyɛlɛ nu to ɛkɛ. Maa ɛ nye ɛbolo wɔ ngilehilelɛ ne anwo na di nɔhalɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:8

Edwɛkɛ ɛhye le nɔhalɛ. Mekulo kɛ ɛka edwɛkɛ ɛhye mɔ na ɛsi zo ɛsesebɛ, amaa bɛdabɛ mɔɔ bɛdie Nyamenle bɛdi la anlea zolɛ abɔ ɛbɛla kpalɛ dahuu. Ɔluakɛ ɛhye mɔ le kpalɛ na eza ɔhyia ɔmaa sonla biala.

Kɛlata mɔɔ bɛhɛlɛle bɛhɔmanle Hibuluma la 13:21

ɛmaa bɛ sa ɛha debie biala mɔɔ le kpalɛ la. Nyamenle ɛmaa bɛhola bɛyɛ mɔɔ ɔkulo la, na ɔlua Gyisɛse Kelaese anwo zo ɔva bɛ ɔyɛ gyima mɔɔ sɔ ɔ nye la. Anyunlunyia ɛha Kelaese dahuu! Amen.

Gyemise Kɛlata ne 1:27

Nyamenlezonlenlɛ kpalɛ mɔɔ evinli biala ɛnle nwolɛ wɔ Nyamenle Selɛ ne anyunlu la a le kɛ ɛkɛkpɔla nrisa nee ahunlanvolɛ wɔ bɛ anwongyelelɛ nu, ɛkɛboa bɛ na ɛkɛzie ɛ nwo gyɛlɛɛnye mɔɔ ewiade amra ɛnnyia ɛ nwo ngehanleɛ biala la.

Dwɔhyua Buluku ne 19:46

Meegyaakɔn, yɛɛ Relakɔn nee Dwɔpa azɛlɛ ne amuala.