Ɛzoanvolɛma Gyima ne 9:34 - BAEBOLO ANZƐƐ BULUKU NWUANZANWUANZA

³⁴ Na Pita zele ye kɛ, “Yiniase, Gyisɛse Kelaese ɛyɛ wɔ ayile. Dwazo na nyenya wɔ ɛkpa ne.” Na ɛkɛ ne ala Yiniase dwazole.

Ɛzoanvolɛma Gyima ne 9:34 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 8:3

Gyisɛse denrɛle ɔ sa zɔle ye na ɔbuale ye kɛ, “Mekulo! Ɛ nwo ɛza!” Na ɛkɛ ne ala ye kokobɛ ne hɔle bɔkɔɔ.

Edwɛkpa ne kɛmɔ Mateyu hɛlɛle la 9:6

Akee memaa bɛanwu kɛ medame, Sonla Ra, melɛ tumi wɔ azɛlɛ ye azo kɛ mefa ɛtane mekyɛ.” Yemɔti ɔzele nrenya ne mɔɔ ɛdwidwe la kɛ, “Dwazo, nyenya wɔ ɛkpa ne, na kɔ sua nu!”

Dw 2:11

Gyisɛse yɛle nwanwane gyima ɛhye mɔɔ lumua la wɔ Kana mɔɔ wɔ Galeli la; ɛkɛ ne yɛɛ ɔyele ye anyunlunyia ne ɔhilele a, na ye ɛdoavolɛma ne mɔ liele ye lile.

Ɛzoanvolɛma Gyima ne 16:18

Ɔyɛle ɛhye alehyenlɛ dɔɔnwo ɔmanle akee ɔyɛle Pɔɔlo abodelɛ, na ɔhakyile ɔ nye ɔzele sunsum ɛtane ne mɔɔ wɔ bɛlɛra ne anwo la kɛ, “Ɔlua Gyisɛse Kelaese duma nu, mese wɔ kɛ, ɛvi ɔ nwo tu!” Na sunsum ɛtane ne vi bɛlɛra ne anwo dule ɛkɛ ne ala.

Ɛzoanvolɛma Gyima ne 3:12

Pita nwunle bɛ la ɔzele bɛ kɛ, “Yizilayɛma, duzu ati a ɛhye ɛyɛ bɛ azibɛnwo na bɛ nye ɛha yɛ nwo ɛ? Anzɛɛ bɛdwenle kɛ yɛdayɛ yɛ anwosesebɛ nee yɛ ɛzonlenlɛ kpalɛ zo, yɛɛ yɛlua mɔɔ yɛmaa nrenya ɛhye ɛdia a?

Ɛzoanvolɛma Gyima ne 3:16

Gyisɛse ɛhye duma nu nee ye tumi zo nee diedi wɔ ye duma ne anu yɛɛ nrenya ɛhye ɛnɛ gyi bɛ nyunlu ɛke kɛ yede kpɔkɛ bɔkɔɔ a.

Ɛzoanvolɛma Gyima ne 3:6

Na Pita zele ye kɛ, “Menlɛ ezukoa fee, na mɔɔ melɛ ye la a mefa meamaa wɔ la. Ɔlua Gyisɛse Kelaese mɔɔ vi Nazalɛte la duma nu, mese wɔ kɛ, dwazo tia!”

Ɛzoanvolɛma Gyima ne 4:10

ɛnee bɛdie bɛmaa ɔdo Yizilayɛma kɔsɔɔti kɛ, ɔlua Gyisɛse Kelaese mɔɔ vi Nazalɛte, mɔɔ bɛmɛ bɛbɔle ye meanubaka nu bɛhunle ye, na Nyamenle dwazole ye vile ewule nu la duma nu a ɛnɛ nrenya ɛhye gyi bɛ nyunlu ɛke kɛ yede kpɔkɛ bɔkɔɔ a.

Ɛzoanvolɛma Gyima ne 9:33

Ɛkɛ ne yɛɛ ɔhɔnwunle nrenya bie mɔɔ bɛfɛlɛ ye Yiniase la kɛ yedwidwe na yela ɛleka ko toonwo ɛvolɛ mɔtwɛ.

Ɛzoanvolɛma Gyima ne 9:35

Menli mɔɔ wɔ Leda nee Hyɛlɔn la nwunle nrenya ne na bɛhakyile bɛdoale Awulae.