Ɛzoanvolɛma Gyima ne 9:31 - BAEBOLO ANZƐƐ BULUKU NWUANZANWUANZA

³¹ Ɔlua Sɔɔlo ɛhakyilɛ zo akee Asɔne ne mɔɔ wɔ Dwudiya, Galeli, yɛɛ Samɛlea la nyianle anzonudwolɛ na ɔnyinle. Na ɔlua Sunsum Nwuanzanwuanza ne moalɛ zo Asɔne ne nyianle anwosesebɛ, menli dɔɔnwo rale nu na bɛvale Nyamenlezulolɛ bɛluale.

Ɛzoanvolɛma Gyima ne 9:31 ပူးပေါင်းရင်းမြစ်များ

1 Edk 22:18

Ɔzele bɛ kɛ, “Ɛdɛnkɛma bɛ Nyamenle ne nee bɛ ɛlua na yemaa bɛ anzonudwolɛ wɔ adenle biala anu. Yemaa meli menli mɔɔ anrɛɛ de azɛlɛ ye azo la amuala anwo zo konim, na kɛkala bɛwɔ bɛdabɛ nee Ɛdɛnkɛma abo.

1 Edk 22:9

Na ɔbɔle me ɛwɔkɛ kɛ, ‘Ɛbawo ralɛ nrenya mɔɔ bali ye ebia ne anzonudwolɛ nu a, ɔluakɛ mebamaa ɔ nwo adɔ ye wɔ ye agbɔvolɛ mɔɔ ɛbɔ ɛyia ye la kɔsɔɔti asa anu. Bɛbavɛlɛ ye Sɔlɔmɔn, na ye mekɛ zo, mebamaa Yizilayɛma kɔsɔɔti anzo nu adwo bɛ na bɛ nwo adɔ bɛ.

Nihɛmaya Buluku ne 5:15

Amɛnlado biala mɔɔ ɛnee li me nyunlu la yɛle adesoa manle menli ne. Bɛliele aleɛ nee nwanye ezukoa, akee asolo nwolɛ kenle ko dwɛtɛ fufule abulanla ne mɔɔ bɛdie la. Bɛ sonvolɛma bɔbɔ wulule gyinlanle menli ne akɔme zo. Na mame, ɔlua Nyamenle ɛzulolɛ ti meanyɛ zɔhane.

Nihɛmaya Buluku ne 5:9

Yemɔti menzele bɛ kɛ, “Nyɛleɛ mɔɔ bɛlɛyɛ la ɛnle kpalɛ. Ɔwɔ kɛ bɛsulo Nyamenle na bɛbɔ ɛbɛla mɔɔ le fɔɔnwo la, amaa bɛammaa yɛ kpɔvolɛma nee menli mɔɔ ɛnze Nyamenle la adenle bɛanzi yɛ amgbu.

Dwobu Buluku ne 28:28

“Na ɔzele sonla kɛ, ‘Nrɛlɛbɛ a le kɛ ɛkɛzulo Awulae; yɛɛ ndelebɛbo a le kɛ ɛkɛhwe ɛ nwo ɛkɛvi ɛtane nwo!’ ”

Edwɛndolɛ Buluku ne 111:10

Ɛdɛnkɛma ɛzulolɛ le nrɛlɛbɛ bo ɛbɔlɛ; bɛdabɛ mɔɔ bɛlɛ ndelebɛbo kpalɛ la a le bɛdabɛ mɔɔ bɛyɛ tieyɛ la. Ye ayɛlɛyelɛ wɔ ɛkɛ ne dahuu.

Edwɛndolɛ Buluku ne 86:11

O Ɛdɛnkɛma, kilehile me wɔ adenle ne, amaa mealua wɔ nɔhalɛ adenle ne anu; fa me ahonle beta ɛ nwo maa ɔzulo wɔ.

Edwɛndolɛ Buluku ne 94:13

kɛ ɛfa wɔazɔ ye wɔ ngyegyelɛ nu, kɔkpula kɛ bɛkɛpɛ amumuyɛnli ne kuma la.

Mrɛlɛbulɛ Buluku ne 1:7

Ɛdɛnkɛma ɛzulolɛ le adwenle nu ɛbukelɛ mɔlebɛbo, ahoasea kyi nrɛlɛbɛ edwɛkɛ nee ngilehilelɛ.

Mrɛlɛbulɛ Buluku ne 23:17

Mmamaa ɛ nye bolo menli mɔɔ di ɛtane la; kɔ zolɛ sulo Ɛdɛnkɛma alehyenlɛ biala.

Mrɛlɛbulɛ Buluku ne 8:13

Ɛdɛnkɛma ɛzulolɛ le ɛtane ɛhyilɛ. Mekyi adubɛnwo, mekyi mgbanyizonle, mekyi ɛdendɛlɛ adalɛ.

Ayezaya Buluku ne 11:10

Mekɛ ne anu Belemgbunli Devidi abo zo sonla ne bagyinla kɛ sɛkɛlɛneɛ la yeamaa maanle maanle. Maanle maanle bakpondɛ ye, na ɛleka mɔɔ ɔde la bayɛ anyelielɛ.

Ayezaya Buluku ne 33:6

na yeamaa maanle ne agyinla bɛ mekɛ zo, na bɛanyia ngoanelielɛ molozo, nrɛlɛbɛ nee adwenle. Ye anwonyia a le Ɛdɛnkɛma ɛzulolɛ.

Zɛkalaya Buluku ne 8:20

Tumivolɛ Ɛdɛnkɛma se, “Menli dɔɔnwo bara;

Ɛzoanvolɛma Gyima ne 12:24

Nyamenle edwɛkɛ ne hɔle zolɛ dɛlɛle.

Ɛzoanvolɛma Gyima ne 16:5

Ɛhye manle asɔne ne mɔ anwo yɛle se wɔ diedi nu na menli dɔɔnwo rabokale bɛ nwo dahuu.

Ɛzoanvolɛma Gyima ne 2:47

na bɛye Nyamenle ayɛlɛ. Bɛnyianle bɛ nyunlu wɔ menli kɔsɔɔti avinli, na dahuu Awulae fa menli mɔɔ bɛlɛdie bɛ ngoane la baboka bɛ nwo.

Ɛzoanvolɛma Gyima ne 20:32

“Kɛkala mefa bɛ mewula Nyamenle nee ye edwɛkɛ ne mɔɔ ɛlolɛ wɔ nu la asa anu. Ɔdo bɛ ngoane nu na ɔva ye nyilalɛ ne mɔɔ yeva yezie ye menli ne ɛkɛ ne la ɔmaa bɛ.

Ɛzoanvolɛma Gyima ne 5:11

Na ɛzulolɛ kpole hanle diedima ne nee menli mɔɔ dele edwɛkɛ ne la amuala.

Ɛzoanvolɛma Gyima ne 6:7

Na Nyamenle edwɛkɛ ne akee nyinle kpole manle menli somaa rabokale bɛ nwo, na bɛyɛle dɔɔnwo wɔ Gyɛlusalɛm, yɛɛ eza sɛlɛvolɛma dɔɔnwo liele Edwɛkpa ne lile.

Ɛzoanvolɛma Gyima ne 8:1

Na Sɔɔlo liele ye ɛhunlɛ ne dole nu. Ɔvi kenle ko ne ala bɛbɔle ɔ bo kɛ bɛyɛ diedima mɔɔ wɔ Gyɛlusalɛm la kpɔdekpɔde. Yemɔti diedima ne amuala zandele; bie mɔ hɔle Dwudiya nee Samɛlea maanzinli ne mɔ anu, na ɔhale ɛzoanvolɛma ne ala.

Wulo 14:17

Ɔluakɛ Nyamenle Belemgbunlililɛ ne, tɛ yemɔ a le nlidi nlidi anzɛɛ nono nono, na yemɔ a le pɛlepɛlelilɛ, anzonudwolɛ nee anyelielɛ ne mɔɔ Sunsum Nwuanzanwuanza ne fa maa la.

Wulo 14:19

Zɔhane ati, ɔwɔ kɛ kenle biala yɛyɛ ninyɛne mɔɔ fa anzonudwolɛ ba na ɔboa yɛ nee yɛ gɔnwo mɔ na ɔmaa yɛ anwosesebɛ la.

Wulo 15:13

Nyamenle mɔɔ le yɛ nzuzuguazo la ɛmaa bɛ anyelielɛ nee anzonudwolɛ wɔ bɛ diedi mɔɔ wɔ ye nu la ati, amaa bɛalua Sunsum Nwuanzanwuanza ne tumi zo bɛ anyelazo anyi.

Wulo 5:5

Anyelazo ɛhye ɛnye yɛ anrinli ɛndo yɛ sa nu, ɔluakɛ Nyamenle ɛlua Sunsum Nwuanzanwuanza ne, mɔɔ le Nyamenle ahyɛlɛdeɛ ne azo ɛva ye ɛhulolɛ ɛyi yɛ ahonle ne mɔ tɛkɛɛ.

1 Kɔl 14:12

Zɔhane ala yɛɛ kɛmɔ bɛ nye ɛbolo kɛ bɛkɛnyia Nyamenle Sunsum nu ahyɛlɛdeɛ ne mɔ bɛkɛdɛla debie biala la, bɛbɔ mɔdenle na bɛnyia ahyɛlɛdeɛ ne mɔ mɔɔ boa maa asɔne ne kɔ ɔ nyunlu la.

1 Kɔl 14:26

Me mediema, mɔɔ mekpondɛ meaha la a le kɛ, saa bɛyia nu kɛ bɛsɛlɛ a, mɔɔ lɛ edwɛne la ɛdo, mɔɔ lɛ ngilehilelɛ la ɛhilehile, mɔɔ Nyamenle ɛye debie ɛhile ye la ɛla ye ali, mɔɔ lɛ Nyamenle nrɛlaleɛ wɔ aneɛ ngakyile nu la ɛha, na mɔɔ lɛ ahyɛlɛdeɛ fa kile aneɛ ngakyile bo la ɛhile edwɛkɛ ne mɔɔ bɛha la abo. Bɛyɛ ɛhye mɔ amuala bɛva bɛboa asɔne ne anyunluhɔlɛ.

2 Kɔl 10:8

Ɔnyɛ me nyiane kɛ metu me nwo somaa wɔ tumi ne mɔɔ Awulae ɛva ɛmaa yɛ la anwo a, ɔluakɛ Awulae anva ammaa yɛ kɛ yɛva yɛzɛkye bɛ, ɔse yɛva yɛnlea yɛmaa bɛkpazi.

2 Kɔl 12:19

Wɔannea a bɛkɛdwenle kɛ yɛbɔ mɔdenle yɛaza yɛ ne wɔ bɛ nyunlu. Ɔnle zɔhane fee! Yɛtendɛ, kɛmɔ Kelaese kulo kɛ yɛtendɛ wɔ Nyamenle anyunlu la. Ayi mɔ, debie biala mɔɔ yɛyɛ la, bɛdabɛ bɛ kpalɛ ti ɔ.

2 Kɔl 13:10

Ɛhye ati yɛɛ kɛmɔ menle bɛ nwo lɔ la, melɛkɛlɛ bɛ kɛlata ɛhye a, amaa saa meba a me nee bɛ anli ye ɛsesebɛ, kɛmɔ tumi ne mɔɔ Awulae ɛva ɛmaa me la de la. Bɛ boɛyɛlɛ ti yɛɛ bɛvale tumi ne bɛmanle me a, na tɛ bɛ ɛzɛkyelɛ ti ɔ.

2 Kɔl 7:1

Ayi mɔ, ɛwɔkɛ mɔɔ Nyamenle ɛbɔ yɛ la ɛne. Yemɔti, bɛmaa yɛwowo debie biala mɔɔ wɔ yɛ nwo mɔɔ gua yɛ sonlabaka ye anzɛɛ yɛ ɛkɛla ne mɔ anwo evinli la yɛgua, yɛzulo Nyamenle, na yɛmaa yɛ ɛbɛlabɔlɛ nwo ɛde bɔkɔɔ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:12

Ɔyɛle ɛhye ɔvale ɔzieziele Nyamenle menli kɔsɔɔti ɔmanle Keleseɛn ɛzonlenlɛ gyima ne, amaa bɛayɛ Kelaese asɔnema

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:16

mɔɔ yɛ nwonane ye nvɛyeba ne mɔ amuala sosɔ ye na ɔmaa biala yɛ ye gyima kɛmɔ ɔfɛta la, na nwonane ne nyi ɛhulolɛ nu a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:29

Bɛmmamaa edwɛkɛ ɛtane fi bɛ nloa anu finde; bɛdendɛ kɛnlɛma mɔɔ maa sonla nyia ngɔzo na ɔnyia mɔɔ ɔkpondɛ la, amaa mɔɔ bɛkɛha la biala azo ara nvasoɛ amaa bɛdabɛ mɔɔ bɛtie la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:21

Kɛmɔ bɛdi Kelaese eni la, bɛha bɛ nwo aze bɛmaa bɛ nwo ngoko ngoko.

Mɛla 12:10

Na saa bɛpɛ Dwɔdan ne bɛkɔ ɔ nzi lɔ na bɛkɔtɛnla azɛlɛ ne mɔɔ Ɛdɛnkɛma bɛ Nyamenle ne ɛlɛfa amaa bɛ kɛ bɛ ɛdeɛ ɔ la azo, na ɔdie bɛ ɔfi bɛ agbɔvolɛ mɔɔ ɛbɔ ɛyia bɛ la asa anu, mɔɔ bɛ nwo kɛdɔ bɛ na bɛ tiakunlu kɛgya la,

Pɔɔlo Kɛlata mɔɔ ɔhɛlɛle ɔhɔmanle Felepaema la 2:1

Bɛdie Kelaese bɛdi la ati bɛ nwo yɛ se. Ye ɛhulolɛ ne kyekye bɛ rɛle. Sunsum ne maa bɛdi ahua, ɔmaa bɛyɛ atiakunlukɛnlɛma bɛmaa bɛ nwo ngoko ngoko, na bɛse bɛ nwo anwunvɔne.

Kɔlɔ 1:10

bɛabɔ bɛ ɛbɛla ne bɛamaa yeafɛta Awulae, dahuu bɛayɛ mɔɔ ɔkulo la, na bɛ ɛbɛlabɔlɛ ne anwo ara nvasoɛ wɔ gyima kpalɛ biala mɔɔ bɛyɛ la anu, na bɛade Nyamenle edwɛkɛ ne abo kpalɛ.

1 Tɛs 5:11

Zɔhane ati bɛboa bɛ nwo ngoko, kɛmɔ kɛkala bɛlɛyɛ ye la na bɛmaa bɛ nwo anwosesebɛ.

1 Tem 1:4

Ka kile bɛ maa bɛgyakyi bɛ nla mɔ anwo nwɔra ɛdolɛ ne nee mbusua nu ɛhilehilelɛ somasoma ne. Ɛhye mɔ wie kpolerazulɛ ala, na ɔnvane Nyamenle ngyehyɛlɛ ne mɔɔ bɛdua diedi zo bɛnwu ye la anwo.

Kɛlata mɔɔ bɛhɛlɛle bɛhɔmanle Hibuluma la 4:9

Ɛhye ati Ɛnwomenlelielɛ Kenle tɛbɔ ɛkɛ ne tɛmaa Nyamenle menli ne, kɛmɔ Nyamenle liele ye ɛnwomenle wɔ kenle ne mɔɔ tɔ zolɛ nsuu la azo la.

Dwɔhyua Buluku ne 21:44

Ɛdɛnkɛma manle bɛ anzonudwolɛ wɔ bɛ azɛlɛ ne azo, kɛmɔ ɛwɔkɛ ne mɔɔ ɔbɔle bɛ nlenya mɔ la se la. Bɛ kpɔvolɛma ne anu ko bɔbɔ angola bɛ nyunlu gyinla, ɔboalekɛ Ɛdɛnkɛma manle bɛlile konim wɔ bɛ muala bɛ nwo zo.

Dwuudu Kɛlata ne 1:20

Ayi mɔ, bɛhɔ zolɛ bɛnyi na bɛgyinla kpundii wɔ bɛ diedi nwuanzanwuanza ne anu. Bɛzɛlɛ wɔ Sunsum Nwuanzanwuanza ne tumi ne anu,

Maanlebuvolɛma Buluku ne 3:30

Kenle ko zɔhane Yizilayɛma lile Mowabema anwo zo konim. Na anzonudwolɛ rale maanle ne anu ɛvolɛ abulatwɛ.