Ɛzoanvolɛma Gyima ne 9:27 - BAEBOLO ANZƐƐ BULUKU NWUANZANWUANZA

²⁷ Zɔhane ati Baanabase raboale ye na ɔ nee ye hɔle ɛzoanvolɛma ne ɛkɛ. Ɔhilehilele kɛ Sɔɔlo zile nwunle Awulae wɔ adevinli ne na Awulae dendɛle hilele ye, nee Sɔɔlo ahonle mɔɔ zile na ɔvale Gyisɛse duma ɔbɔle Edwɛkpa ne nolo wɔ Dɛmasekɛse la amuala ɔhilele bɛ.

Ɛzoanvolɛma Gyima ne 9:27 ပူးပေါင်းရင်းမြစ်များ

Ɛzoanvolɛma Gyima ne 11:22

Gyɛlusalɛm asɔne ne dele ɛhye, na bɛzoanle Baanabase wɔ Anteɔko.

Ɛzoanvolɛma Gyima ne 11:25

Baanabase akee hɔle Taasɛse kɛ ɔkakpondɛ Sɔɔlo.

Ɛzoanvolɛma Gyima ne 12:25

Baanabase nee Sɔɔlo wiele bɛ gyima ne di la, bɛvi Gyɛlusalɛm bɛhɔle, na bɛvale Dwɔn Maake bɛbokale bɛ nwo.

Ɛzoanvolɛma Gyima ne 13:2

Mɔɔ ɛnee bɛlɛyɛ nzɛlɛlɛ na bɛlɛkye ɛhɔne la, Sunsum Nwuanzanwuanza ne zele bɛ kɛ, “Bɛdu Baanabase nee Sɔɔlo bɛzie ahane bɛmaa me na memaa bɛhɔyɛ gyima mɔɔ yemɔti menvɛlɛle bɛ la.”

Ɛzoanvolɛma Gyima ne 15:2

Pɔɔlo nee Baanabase nee bɛ zule ɛhye anwo kpolera kpole kpalɛ. Zɔhane ati bɛdule menli kɛ bɛboka Pɔɔlo nee Baanabase anwo bɛhɔ Gyɛlusalɛm bɛhɔnwu ɛzoanvolɛma ne nee mgbanyima ne mɔ wɔ nwolɛ.

Ɛzoanvolɛma Gyima ne 4:13

Ɔyɛle ayiama ne azibɛnwo kɛ Pita nee Dwɔn ɛnyia akɛnrasesebɛ mɔɔ le zɛhae a, ɔluakɛ bɛze kɛ bɛle menli mɔɔ ɛnze nwoma a, na bɛliele bɛdole nu kɛ bɛ nee Gyisɛse a anrɛɛ lua a.

Ɛzoanvolɛma Gyima ne 4:29

Na Awulae, akee nea kɛ bɛlɛsi bɛanwunlonwunla yɛ a. Maa yɛ, wɔ ɛzoanvolɛma, akɛnrasesebɛ maa yɛhola yɛha wɔ Edwɛkpa ne.

Ɛzoanvolɛma Gyima ne 4:36

Zɔhane ala yɛɛ Dwosefi ɔdaye noko ɔyɛle a. Nrenya ɛhye boka Livae abusua ne anwo. Bɛwole ye wɔ bɔra ne mɔɔ bɛfɛlɛ ye Saepelɛse la azo na ɛzoanvolɛma ne donle ye Baanabase. (Wɔ Hibulu aneɛ ne anu a duma ne abo a le “Sonla mɔɔ maa akɛnrasesebɛ la.”)

Ɛzoanvolɛma Gyima ne 9:17

Yemɔti Ananayase hɔle sua nu ɛkɛ, ɔvale ɔ sa ɔguale Sɔɔlo ati zo na ɔzele ye kɛ, “Adiema Sɔɔlo, Awulae Gyisɛse, mɔɔ ɛlua adenle zo ɛlɛba ɛke mɔɔ ɔyele ɔ nwo ɔhilele wɔ la ɛzoa me ɛ nwo ɛke, amaa wɔanwu debie bieko na Sunsum Nwuanzanwuanza ne ara ɛ nwo zo.”

Ɛzoanvolɛma Gyima ne 9:29

Eza ɔ nee Dwuuma mɔɔ ka Giliki la zule kpolera ɔmanle bɛnyianle adwenle kɛ bɛku ye.

1 Kɔl 15:8

Awieleɛ ne, ɔyele ɔ nwo ɔhilele medame noko, medame zɛhae ala, mɔɔ mele kɛ kyɛkyɛ ralɛ la.

1 Kɔl 9:6

Anzɛɛ me nee Banabase yɛ mu nwiɔ ala yɛɛ ɔwɔ kɛ yɛpele na yɛali a?

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:13

Mediema Dwuuma mɔɔ ɔradole bɛ la, bɛdabɛ noko bɛyɛle bɛ nwo avoanvoanle kɛ Pita la, bɛmanle Banabase bɔbɔ ɔdaye ɔbɔle bɛ foanvoanle ɛbɛla ɛhye bie.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:9

Gyemise, Pita, yɛɛ Dwɔn mɔɔ diedima ne bu bɛ kɛ bɛle mgbanyima la liele dole nu kɛ, nɔhalɛ, mame a Nyamenle ɛva ɛlolɛ gyima ɛhye ɛwula me sa nu a. Yemɔti bɛzomanle me nee Banabase, bɛyɛle yɛ mo nee yɛ, bɛhilele kɛ bɛlie yɛ bɛdo nu. Akee yɛ muala yɛliele yɛdole nu kɛ yɛmɛ yɛhɔbɔ nolo ne wɔ bɛdabɛ mɔɔ bɛnle Dwuuma la anu na bɛdabɛ noko bɛhɔ Dwuuma anu.