Ɛzoanvolɛma Gyima ne 9:22 - BAEBOLO ANZƐƐ BULUKU NWUANZANWUANZA

²² Na Sɔɔlo nyianle anwosesebɛ kpalɛ wɔ ye edwɛkɛhanlɛ nu na ɔholale ɔhilehilele nu kɛ Gyisɛse a le Mɛzaya ne, ɔmanle ɔrale kɛ Dwuuma bɔbɔ mɔɔ wɔ Dɛmasekɛse la dɔle mumule wɔ nwolɛ.

Ɛzoanvolɛma Gyima ne 9:22 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:24

Noko ye ɛda ɛdeɛ ne andɔ aze. Ɔ sa nu yɛle ɛsesebɛ wɔ Gyekɔbo Nyamenle Bedevinli ne tumi nu, Wɔ Mboaneneavolɛ Yizilayɛ Pepɛdievolɛ ne duma nu.

Dwobu Buluku ne 17:9

Noko tenlenenli die to nu kɛ ɔle fɔɔnwo, yɛɛ mɔɔ ɛnle ɛtanevolɛ la nyi anwosesebɛ nu.

Edwɛndolɛ Buluku ne 51:13

Na menwɔhilehile mɛladonlɛma wɔ adenle ne, na ɛtanevolɛma bazia ara wɔ ɛkɛ.

Edwɛndolɛ Buluku ne 84:7

Bɛnyia anwosesebɛ kpole kpalɛ wɔ bɛ ɛhɔlɛ nu; bɛbanwu nyamenle ne mɔ Nyamenle ne wɔ Zayɔn.

Ayezaya Buluku ne 40:29

Ɔmaa mɔɔ anye zo ɛbulu la anwo gyinla ye, ɔmaa mɔɔ ɛnlɛ anwosesebɛ la anwosesebɛ.

Edwɛkpa ne kɛmɔ Luku hɛlɛle la 21:15

ɔboalekɛ mebamaa bɛ nrɛlɛbɛ nee edwɛkɛ agbɔkɛ meamaa bɛaha na bɛ kpɔvolɛma biala ɛnrɛhola bɛ nyunlu gyinla yeye bɛ nloa azo.

Ɛzoanvolɛma Gyima ne 17:3

Ɔhilehilele nu ɔmanle bɛnwunle kɛ ɔwɔ kɛ Mɛzaya ne nwu amaneɛ na bɛdwazo ye bɛfi ewule nu, na ɔvale ɔzɔle zolɛ kɛ, “Gyisɛse ɛhye mɔɔ melɛka ɔ nwo edwɛkɛ meahile bɛ la, yemɔ a le Mɛzaya ne.”

Ɛzoanvolɛma Gyima ne 18:5

Mɔɔ Saelase nee Temɔte vi Masidonea rale la ɛnee Pɔɔlo ɛva ye mekɛ muala ɛlɛka Edwɛkpa ne ali daselɛ ahile Dwuuma ne kɛ, Mɛzaya ne a le Gyisɛse.

Ɛzoanvolɛma Gyima ne 28:23

Na bɛ nee Pɔɔlo hilele kenle. Kenle ne dwule la, menli dɔɔnwo rayiale ɛleka mɔɔ Pɔɔlo de la. Na ɔhanle Nyamenle Belemgbunlililɛ ne anwo edwɛkɛ ɔhilehilele nu ɔhilele bɛ, na ɔbɔle mɔdenle kɛ ɔmaa bɛalie Gyisɛse anwo edwɛkɛ ne mɔɔ Nyamenle kpɔmanvolɛma nee Mosisi mɛla ne ka la bɛali. Ɔdendɛle ɛhye anwo ɔvi nwonlomɔ mangyee ne toonwo aledwolɛ.

Ɛzoanvolɛma Gyima ne 9:20

na ɔhɔle nyianu azua ne mɔ anu ɔhɔbɔle nolo kɛ Gyisɛse, “Yemɔ a ɔle Nyamenle Ara ne a.”

Ɛzoanvolɛma Gyima ne 9:21

Ɔyɛle bɛdabɛ mɔɔ bɛdele ye edwɛkɛ ne la azibɛnwo kpole na bɛbizale kɛ, “Na tɛ sonla ɛhye a ɛlɛkuhu menli mɔɔ bɔ Gyisɛse duma wɔ Gyɛlusalɛm la ɔ? Anzɛɛ yeamba ɛke kɛ ɔbahye bɛdabɛ mɔɔ bɛbɔ Gyisɛse duma la yeahɔmaa sɛlɛvolɛ mgbanyinli ne mɔ ɔ?”

Ɛzoanvolɛma Gyima ne 9:23

Kenle guale nu ekyii la, Dwuuma ne hɔle akpamo kɛ bɛku ye,

Ɛzoanvolɛma Gyima ne 9:27

Zɔhane ati Baanabase raboale ye na ɔ nee ye hɔle ɛzoanvolɛma ne ɛkɛ. Ɔhilehilele kɛ Sɔɔlo zile nwunle Awulae wɔ adevinli ne na Awulae dendɛle hilele ye, nee Sɔɔlo ahonle mɔɔ zile na ɔvale Gyisɛse duma ɔbɔle Edwɛkpa ne nolo wɔ Dɛmasekɛse la amuala ɔhilele bɛ.

1 Kɔl 1:27

Nyamenle anye la nwo yɛɛ ɔkpale nu ɔyele deɛ mɔɔ ewiade bu ye ɛzɛlɛ debie la kɛ ɔfa yeamaa nrɛlɛbɛvolɛma anyunlu agua aze a, yɛɛ ɔkpale nu ɔyele deɛ mɔɔ ewiade bu ye kɛ ɔle bɛtɛɛ na bɛmbu ye bie la kɛ ɔfa yeagua bɛdabɛ mɔɔ bɛlɛ tumi la anyunlu aze a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:18

Ɛvolɛ nsa anzi yɛɛ akee mengɔle Gyɛlusalɛm mengɔnlile dapɛne nwiɔ mengɔmkpɔlale Pita a.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:13

Ɔlua anwosesebɛ ne mɔɔ Kelaese fa maa me la ati, mekola megyinla ninyɛne muala anloa.

1 Tem 1:12

Meyɛ yɛ Awulae Kelaese Gyisɛse mɔɔ ɛmaa me anwosesebɛ wɔ me gyima ne anwo la mo. Meyɛ ye mo kɛ yebu me bie na yeva me wɔ ye gyima nu a.