Ɛzoanvolɛma Gyima ne 9:21 - BAEBOLO ANZƐƐ BULUKU NWUANZANWUANZA

²¹ Ɔyɛle bɛdabɛ mɔɔ bɛdele ye edwɛkɛ ne la azibɛnwo kpole na bɛbizale kɛ, “Na tɛ sonla ɛhye a ɛlɛkuhu menli mɔɔ bɔ Gyisɛse duma wɔ Gyɛlusalɛm la ɔ? Anzɛɛ yeamba ɛke kɛ ɔbahye bɛdabɛ mɔɔ bɛbɔ Gyisɛse duma la yeahɔmaa sɛlɛvolɛ mgbanyinli ne mɔ ɔ?”

Ɛzoanvolɛma Gyima ne 9:21 ပူးပေါင်းရင်းမြစ်များ

Edwɛndolɛ Buluku ne 51:13

Na menwɔhilehile mɛladonlɛma wɔ adenle ne, na ɛtanevolɛma bazia ara wɔ ɛkɛ.

Edwɛndolɛ Buluku ne 71:7

Meyɛ ndonwo memaa dɔɔnwo, noko wɔmɔ yɛɛ ɛle me ɛvealeka ɛsesebɛ a.

Ayezaya Buluku ne 8:18

Bɛnlea, medame yɛɛ me mra mrenya mɔɔ Ɛdɛnkɛma ɛva ɛmaa me la ɛyɛ sɛkɛlɛneɛ nee nwanwane nrɛlaleɛ mɔɔ Tumivolɛ Ɛdɛnkɛma, mɔɔ de ye ebia nu wɔ Boka Zayɔn la ɛva ɛmaa Yizilayɛma a.

Zɛkalaya Buluku ne 3:8

Akee tie, Dwɔhyua, wɔmɔ a ɛle Sɛlɛvolɛ Kpanyinli a, ɛ nee ɛ gɔnwo mɔ mɔɔ dede ɛ nyunlu ɛke la amuala, bɛdie, ɔboalekɛ bɛle menli mɔɔ saleɛ doa bɛ a. Mebaye me sonvolɛ ne mɔɔ bɛfɛlɛ ye Baka Ɛhane la meahile bɛ!

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 23:23

Sili ɛngola ɛngye Gyekɔbo, Mizemiza ɛngola Yizilayɛ; Na menli baha ye wɔ Yizilayɛma anwo kɛ, ‘Nea mɔɔ Nyamenle ɛyɛ a!’

Ɛzoanvolɛma Gyima ne 2:12

Na azibɛnwo nu ala, bɛbizale kɛ, “Ɛnee ɛhye abo a le duzu?”

Ɛzoanvolɛma Gyima ne 2:6

Mɔɔ bɛdele ɛnelɛ ɛhye la, bɛ nuhua dɔɔnwo kpalɛ rale ɛkɛ, na ɔyɛle bɛ ɛzulolɛ kpole; ɔluakɛ bɛ nuhua ko biala dele kɛ diedima ne ɛlɛka ye sua zo aneɛ ne bie.

Ɛzoanvolɛma Gyima ne 3:10

na nzinlii mɔɔ akee bɛnwunle kɛ sonla ne mɔɔ anrɛɛ tɛnla sɛlɛzɛlɛ ninyɛne wɔ Ɛzonlenlɛ Sua ne anuhɔlɛ ne mɔɔ bɛfɛlɛ ye “Anlenkɛ Kɛnlɛma” la anloa la, ɔyɛle bɛ azibɛnwo, na mobolɛ kpole bole bɛ wɔ mɔɔ ɛzi la anwo.

Ɛzoanvolɛma Gyima ne 4:13

Ɔyɛle ayiama ne azibɛnwo kɛ Pita nee Dwɔn ɛnyia akɛnrasesebɛ mɔɔ le zɛhae a, ɔluakɛ bɛze kɛ bɛle menli mɔɔ ɛnze nwoma a, na bɛliele bɛdole nu kɛ bɛ nee Gyisɛse a anrɛɛ lua a.

Ɛzoanvolɛma Gyima ne 7:59

Mɔɔ bɛlɛsi Sitivin awolɛ la ɛnee ɔ ne la nu ɔlɛtea ɔfɛlɛ Awulae kɛ, “Awulae Gyisɛse, die me ɛkɛla!”

Ɛzoanvolɛma Gyima ne 8:3

Na Sɔɔlo bɔle mɔdenle ala kɛ ɔkɛzɛkye Asɔne ne. Ɔwolowolole azua nu ɔhɔhwenle mraalɛ nee mrenya mɔɔ ɛzɔ diedi ne anu la na ɔvale bɛ ɔvindele ɔmanle bɛguale bɛ efiade.

Ɛzoanvolɛma Gyima ne 9:22

Na Sɔɔlo nyianle anwosesebɛ kpalɛ wɔ ye edwɛkɛhanlɛ nu na ɔholale ɔhilehilele nu kɛ Gyisɛse a le Mɛzaya ne, ɔmanle ɔrale kɛ Dwuuma bɔbɔ mɔɔ wɔ Dɛmasekɛse la dɔle mumule wɔ nwolɛ.

2 Tɛs 1:10

Ɛhye bazi mekɛ mɔɔ Kenle ne kɛdwu na Kelaese kɛra kɛ ɔbalie ye anyunlunyia nee enililɛ yeavi ye menli ne nee bɛdabɛ mɔɔ bɛdie ye bɛdi la ɛkɛ ne la. Bɛdabɛ noko bɛbaboka Nyamenle menli ne anwo, ɔboalekɛ bɛlie ye edwɛkɛ ne mɔɔ yɛhanle yɛhilele bɛ la bɛli.

1 Dw 3:1

Bɛnlea kɛ Selɛ ne ɛzi ɛhulo yɛ a! Ye ɛhulolɛ kpole ne ati, bɛfɛlɛ yɛ Nyamenle amra, yɛɛ nɔhalɛ nu, yɛle ɔ mra. Debie mɔɔ yemɔti ɛtane ewiade ye ɛnze yɛ la a le kɛ yeannwu Nyamenle.