Ɛzoanvolɛma Gyima ne 9:20 - BAEBOLO ANZƐƐ BULUKU NWUANZANWUANZA

²⁰ na ɔhɔle nyianu azua ne mɔ anu ɔhɔbɔle nolo kɛ Gyisɛse, “Yemɔ a ɔle Nyamenle Ara ne a.”

Ɛzoanvolɛma Gyima ne 9:20 ပူးပေါင်းရင်းမြစ်များ

Edwɛndolɛ Buluku ne 2:12

anrɛɛ saa ɔfa ɛya a bɛkɛdɔ nzonle, ɔluakɛ ɔngyɛ na yeava ɛya. Nyilalɛ ɛha bɛdabɛ mɔɔ bɛnriandi bɛkɔfea ye nu la.

Edwɛndolɛ Buluku ne 2:7

Mebabɔ Ɛdɛnkɛma mɛla ne nolo; ɔzele me kɛ, “Ɛle me ra nrenya, ɛnɛ yɛɛ mewo wɔ a.

Edwɛkpa ne kɛmɔ Mateyu hɛlɛle la 27:43

Ɔfa ɔ rɛle ɔwula Nyamenle nu na ɔka kɛ ɔle Nyamenle Ara. Akee bɛmaa yɛnlea saa Nyamenle kɛlie ye ngoane kɛkala a!”

Edwɛkpa ne kɛmɔ Mateyu hɛlɛle la 27:54

Mɔɔ sogyama ne nee bɛ kpanyinli ne mɔɔ ɛnee ɛlɛsinza Gyisɛse la nwunle azɛlɛ ɛkpusulɛ ne nee ninyɛne mɔɔ sisile la, bɛzulole kpole na bɛzele kɛ, “Amgba, nrenya ne le Nyamenle Ara!”

Edwɛkpa ne kɛmɔ Mateyu hɛlɛle la 4:3

Abɔnsam bikyele ye na ɔzele ye kɛ, “Saa wɔmɔ a ɛle Nyamenle Ara ne a, ɛnee maa awolɛ ɛhye mɔ ɛhakyi kpanwo.”

Dw 1:49

Natanayɛle hanle kɛ, “Kilehilevolɛ, wɔmɔ a ɛle Nyamenle Ara ne. Wɔmɔ a ɛle Yizilayɛ Belemgbunli ne a!”

Dw 19:7

Dwuuma ne buale ye kɛ, “Yɛlɛ mɛla, na mɛla ne kile kɛ ɔwɔ kɛ ɔwu, ɔboalekɛ ɔyɛ ɔ nwo kɛ ɔle Nyamenle Ara.”

Dw 20:28

Tɔmase buale kɛ, “Me Awulae nee me Nyamenle!”

Dw 20:31

Mɔɔ bɛhɛlɛ ye wɔ ɛke la, bɛhɛlɛ amaa bɛalie bɛali kɛ Gyisɛse a le Mɛzaya ne mɔɔ le Nyamenle Ara ne la, na ɔlua bɛ diedi mɔɔ bɛlɛ ye wɔ ye nu la azo bɛanyia ngoane.

Ɛzoanvolɛma Gyima ne 13:14

Bɛvi Pɛga la bɛbɔle hwii bɛhɔle Anteɔko mɔɔ wɔ Paesedea la. Ɛnwomenlelielɛ Kenle ne dwule la, bɛhɔle nyianu sua ne anu na bɛhɔdɛnlanle aze.

Ɛzoanvolɛma Gyima ne 13:46

Noko Pɔɔlo nee Baanabase dendɛle akɛnrasesebɛ zo zele bɛ kɛ, “Anrɛɛ ɔhyia kɛ bɛkɛlumua bɛkɛha Nyamenle edwɛkɛ ne bɛkɛhile bɛmɛ Dwuuma. Na saa bɛnyia bɛkpo kɛ bɛnrɛdie na bɛhile kɛ bɛ nwo ɛnfɛta ngoane mɔɔ ɛnlɛ awieleɛ la a, ɛnee ɔwɔ kɛ yɛgyakyi bɛ na yɛkɔka edwɛkɛ ne yɛkile bɛdabɛ mɔɔ bɛnle Dwuuma la.

Ɛzoanvolɛma Gyima ne 13:5

Mɔɔ bɛdwule Salamese la, bɛhanle Nyamenle edwɛkɛ ne wɔ Dwuuma nyianu sua ne anu. Bɛ nee Dwɔn Maake a hɔle a na ɔboale bɛ wɔ gyima ne ɛyɛlɛ nu.

Ɛzoanvolɛma Gyima ne 14:1

Wɔ Ayekoneɛm noko, edwɛkɛ ko ne ala bie zile. Pɔɔlo nee Baanabase hɔle Dwuuma nyianu sua ne anu hɔdendɛle manle Dwuuma nee Gilikima dɔɔnwo liele lile.

Ɛzoanvolɛma Gyima ne 16:13

Ɛnwomenlelielɛ Kenle ne dwule la, yɛhɔle bɛ azule ne anloa wɔ suakpole ne kandiba. Yɛ adwenle a le kɛ kabezɛ ɛkɛ ne a Dwuuma ɔyɛ a yia yɛ nzɛlɛlɛ a.

Ɛzoanvolɛma Gyima ne 17:10

Mɔɔ maanle nu muanle la, mediema ne mɔ manle Pɔɔlo nee Saelase hɔle Bɛlia. Bɛhɔdwule la, bɛhɔle Dwuuma nyianu sua ne anu.

Ɛzoanvolɛma Gyima ne 17:17

Zɔhane ati ɔhɔle nyianu sua ne anu ɔ nee Dwuuma nee bɛdabɛ mɔɔ bɛnle Dwuuma na bɛsulo Nyamenle la hɔdendɛle. Dahuu ɔkɔgyinla mgbata ne mɔ azo na ɔ nee menli mɔɔ se la tendɛ nwolɛ.

Ɛzoanvolɛma Gyima ne 17:2

Kɛmɔ Pɔɔlo yɛ ye ala la, ɔhɔle nyianu sua ne anu na ɔ nee bɛ lile Nyamenle Edwɛkɛ ne anwo adwelie Ɛnwomenlelielɛ Kenle fane nsa.

Ɛzoanvolɛma Gyima ne 18:19

Bɛdwule Ɛfɛsɛse la, Pɔɔlo gyakyile Pelesela nee Akoyela. Ɔhɔle Dwuuma nyianu sua ne anu ɔ nee bɛ hɔdendɛle.

Ɛzoanvolɛma Gyima ne 18:4

Ɛnwomenlelielɛ Kenle biala ɔkɔ nyianu sua ne anu ɔ nee bɛ kɔtendɛ, kɛ ɔbɔ mɔdenle yeali Dwuuma nee Gilikima ne mɔ adwenle.

Ɛzoanvolɛma Gyima ne 19:8

Pɔɔlo hɔle nyianu sua ne anu na ɔdendɛle akɛnrasesebɛ zo ɔhilele Dwuuma ne mɔ toonwo siane nsa kɛ ɔmaa bɛanwu Nyamenle Belemgbunlililɛ ne.

Ɛzoanvolɛma Gyima ne 8:36

Mɔɔ bɛlua adenle zo bɛlɛkɔ la, bɛrale azule bie anloa, na nrenya ne zele Felepe kɛ, “Nea, nzule ɛ! Duzu a si wɔ adenle mɔɔ ɔmaa ɛsɔne me a ɔnyɛ boɛ a?” [

Ɛzoanvolɛma Gyima ne 8:37

Felepe zele ye kɛ, “Saa ɛdie ɛdi bɔkɔɔ wɔ wɔ ahonle nu a, bɛsɔne wɔ a ɔyɛ boɛ.” Ɔbuale ye kɛ, “Ɛhɛe, medie medi kɛ Gyisɛse Kelaese a le Nyamenle Ara ne a.”]

Ɛzoanvolɛma Gyima ne 9:22

Na Sɔɔlo nyianle anwosesebɛ kpalɛ wɔ ye edwɛkɛhanlɛ nu na ɔholale ɔhilehilele nu kɛ Gyisɛse a le Mɛzaya ne, ɔmanle ɔrale kɛ Dwuuma bɔbɔ mɔɔ wɔ Dɛmasekɛse la dɔle mumule wɔ nwolɛ.

Wulo 1:4

noko wɔ Nyamenle nu nwuanzanwuanzayɛlɛ nu a, bɛva tumi kpole bɛdwazo ye bɛvi ewule nu bɛhile kɛ ɔle Nyamenle Ara la anwo.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:16

ɔyele ɔ ra ne ɔhilele me kɛ akee menga Edwɛkpa ne mɔɔ fane Kelaese anwo mengile bɛdabɛ mɔɔ bɛnle Dwuuma la amuala mɔɔ ɛtɛtele la, meangɔmbiza sonla biala adwenle,

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:20

Me nee Kelaese a bɛhunle yɛ wɔ meanubaka ne azo a, yemɔti saa mede ngoane nu a ɛnee tɛ medame ɔ, na Kelaese mɔɔ de me nu la ɔ. Ngoane ɛhye mɔɔ mede nu la, mede ye kɛ medie Nyamenle Ara ne mɔɔ hulole me na ɔdole ye ngoane aze ɔmanle me la medi la ati ɔ.

Yekile 2:18

“Kɛlɛ ɛhye kɔmaa Tayataela asɔne ne Nyamenle soanvolɛ ne. “Nrɛlaleɛ ɛhye vi Nyamenle Ara ne mɔɔ lɛ ɛnyelɛ mɔɔ sɔ kɛ senle, na ɔ gyakɛ anwo ta kɛ ayera mɔɔ bɛhwi nwolɛ la ɛkɛ ne.