Ɛzoanvolɛma Gyima ne 9:18 - BAEBOLO ANZƐƐ BULUKU NWUANZANWUANZA

¹⁸ Ɛkɛ ne ala debie bie mɔɔ le kɛ fɛlɛ nwo abonle la vi Sɔɔlo anye zo guale aze, na ɔnwunle debie bieko; na ɔdwazole ɔmanle bɛzɔnenle ye.

Ɛzoanvolɛma Gyima ne 9:18 ပူးပေါင်းရင်းမြစ်များ

Ɛzoanvolɛma Gyima ne 2:38

Pita zele bɛ kɛ, “Bɛnlu bɛ nwo na bɛgyakyi ɛtane ɛyɛlɛ, na bɛmaa bɛzɔne bɛ wɔ Gyisɛse Kelaese duma nu, amaa bɛava bɛ ɛtane bɛahyɛ bɛ na bɛanyia Nyamenle ahyɛlɛdeɛ ne, mɔɔ le Sunsum Nwuanzanwuanza ne.

Ɛzoanvolɛma Gyima ne 2:41

Bie mɔ dɔɔnwo liele lile na bɛmanle bɛzɔnenle bɛ. Na kenle ko ne menli kɛyɛ apenle nsa rabokale ekpunli ne anwo.

Ɛzoanvolɛma Gyima ne 22:13

Ɔrale ɛleka mɔɔ mewɔ la, ɔragyinlanle me nwo ɛkɛ na ɔzele me kɛ, ‘Adiema Sɔɔlo, nwu debie bieko.’ Na ɛkɛ ne ala me nye zo dele na menwunle debie bieko na meneanle ɔ nyunlu.

Ɛzoanvolɛma Gyima ne 22:16

Na duzu ati a akee ɛlɛkendɛ bieko ɛ? Dwazo na sɛlɛ maa bɛzɔne wɔ bɛnrinzi wɔ ɛtane ne mɔ bɛgua.’

Ɛzoanvolɛma Gyima ne 9:17

Yemɔti Ananayase hɔle sua nu ɛkɛ, ɔvale ɔ sa ɔguale Sɔɔlo ati zo na ɔzele ye kɛ, “Adiema Sɔɔlo, Awulae Gyisɛse, mɔɔ ɛlua adenle zo ɛlɛba ɛke mɔɔ ɔyele ɔ nwo ɔhilele wɔ la ɛzoa me ɛ nwo ɛke, amaa wɔanwu debie bieko na Sunsum Nwuanzanwuanza ne ara ɛ nwo zo.”

Ɛzoanvolɛma Gyima ne 9:19

Akee ɔlile debie na ɔ nwo gyinlanle ye. Sɔɔlo nee ɛdoavolɛma ne dɛnlanle mekɛ ekyi wɔ Dɛmasekɛse,

Ɛzoanvolɛma Gyima ne 9:8

Sɔɔlo vi azɛlɛ ne anwo dwazole la ɛnee ɔ nye ɛzi. Yemɔti bɛsosɔle ɔ sa bɛ nee ye hɔle Dɛmasekɛse.

2 Kɔl 3:14

Bɛhedale bɛ adwenle zo amgba; ɔluakɛ ɛnɛ nee ɛnɛ ala, saa bɛlɛkenga Ngyekyeleɛ Dɛba ne a, ɔle kɛ asɛɛ ɛdanlɛ ko ne ala tɛkeda zolɛ, ɔboalekɛ ɔlua Kelaese angome anwo zo ala yɛɛ bɛkola bɛye ɛdanlɛ ne a.

2 Kɔl 4:6

Nyamenle ne mɔɔ zele kɛ, “Wienyi vi awozinli nu ɛda” la a le Nyamenle ko ne ala mɔɔ manle ye wienyi ne dale yɛ ahonle nu la, amaa yɛanwu Nyamenle anyunlunyia ne mɔɔ ɛlɛta Kelaese anyunlu la.