Ɛzoanvolɛma Gyima ne 9:13 - BAEBOLO ANZƐƐ BULUKU NWUANZANWUANZA

¹³ Ananayase zele kɛ, “Awulae, menli dɔɔnwo ɛha sonla ɛhye anwo edwɛkɛ nee debie mɔɔ yeva yehile wɔ menli ne mɔɔ wɔ Gyɛlusalɛm la ɛhile me.

Ɛzoanvolɛma Gyima ne 9:13 ပူးပေါင်းရင်းမြစ်များ

Yizikeɛle Buluku ne 3:14

Nyamenle Sunsum ne wolole me na ɔmanle me zo ɔhɔle. Ɛnee ɛya ɛhu me kpole. Na ɛnee Ɛdɛnkɛma Sunsum ne tumi ne wɔ me nwo zo kpole.

Edwɛkpa ne kɛmɔ Mateyu hɛlɛle la 10:16

“Bɛdie! Melɛsoa bɛ kɛ mboane la wɔ bedi avinli. Bɛmaa bɛ nye ɛla bɛ nwo zo kɛ nwɔlɛ, noko bɛyɛ bɛlɛvo kɛ abubule.

Ɛzoanvolɛma Gyima ne 22:4

Mengyele menli mɔɔ lua Adenle ɛhye azo la dɔɔnwo, mraalɛ nee mrenya, memanle bɛguale bɛ efiade na bɛhunle bɛ.

Ɛzoanvolɛma Gyima ne 8:3

Na Sɔɔlo bɔle mɔdenle ala kɛ ɔkɛzɛkye Asɔne ne. Ɔwolowolole azua nu ɔhɔhwenle mraalɛ nee mrenya mɔɔ ɛzɔ diedi ne anu la na ɔvale bɛ ɔvindele ɔmanle bɛguale bɛ efiade.

Ɛzoanvolɛma Gyima ne 9:1

Mekɛ ne anu ɛnee Sɔɔlo lɛ ye kɔdiawu adwenle ne tɛgyegye Awulae ɛdoavolɛma ne. Ɔhɔle Sɛlɛvolɛ Kpanyinli ne ɛkɛ

Ɛzoanvolɛma Gyima ne 9:21

Ɔyɛle bɛdabɛ mɔɔ bɛdele ye edwɛkɛ ne la azibɛnwo kpole na bɛbizale kɛ, “Na tɛ sonla ɛhye a ɛlɛkuhu menli mɔɔ bɔ Gyisɛse duma wɔ Gyɛlusalɛm la ɔ? Anzɛɛ yeamba ɛke kɛ ɔbahye bɛdabɛ mɔɔ bɛbɔ Gyisɛse duma la yeahɔmaa sɛlɛvolɛ mgbanyinli ne mɔ ɔ?”

Ɛzoanvolɛma Gyima ne 9:32

Pita hɔle ɛleka dɔɔnwo, na kenle ko ɔhɔkpɔlale Nyamenle menli ne mɔɔ wɔ Leda la.

Ɛzoanvolɛma Gyima ne 9:41

Pita zɔle ye manle ɔdwazole ɔgyinlanle. Akee ɔvɛlɛle diedima ne nee ahunlanvolɛ mraalɛ ne mɔ na ɔvale ye ɔmanle bɛ.

Wulo 1:7

Zɔhane ati melɛkɛlɛ kɛlata ɛhye mearɛlɛ bɛdabɛ mɔɔ Nyamenle kulo bɛ na yevɛlɛ bɛ kɛ bɛrayɛ ye menli na bɛwɔ Wulomu la amuala. Yɛ Ze Nyamenle ne nee Awulae Gyisɛse Kelaese ɛlo bɛ na ɔmaa bɛ anzonudwolɛ.

Wulo 15:31

Bɛzɛlɛ kɛ Nyamenle kɛlie me kɛvi Dwudiyama ne mɔɔ ɛnlɛ diedi la asa anu, na eza me gyima mɔɔ mekali ye wɔ Gyɛlusalɛm la kɛzɔ Nyamenle menli ne mɔɔ wɔ ɛkɛ ne la anye,

Wulo 16:15

Mebiza Felɔlɔgɛse nee Dwulia, Niliyuso nee ɔ diema raalɛ ne, Ɔlempase yɛɛ Nyamenle menli mɔɔ wɔ bɛ nwo ɛkɛ ne la amuala ahye.

Wulo 16:2

Bɛlie ye wɔ Awulae duma nu, kɛ bɛkɛlie Nyamenle menli ne mɔ bie ala la, na bɛmaa ye moalɛ biala mɔɔ ɔkɛhyia nwolɛ la, ɔluakɛ ɔle sonla mɔɔ yeboa menli dɔɔnwo nee medame noko a.

1 Kɔl 1:2

ɛlɛkɛlɛ kɛlata ɛhye a. Yɛlɛ yɛkamaa Nyamenle menli ne mɔɔ wɔ Kɔlente, mɔɔ Kelaese Gyisɛse ati bɛdu bɛ bɛzie ɛkɛ ne, na bɛvɛlɛ bɛ nee bɛdabɛ mɔɔ bɛwɔ ɛleka muala, mɔɔ bɛbɔ yɛ Awulae Gyisɛse Kelaese duma la, kɛ bɛrayɛ Nyamenle menli la.

1 Kɔl 14:33

ɔluakɛ Nyamenle ɛnle basabasa Nyamenle. Ɔle anzonudwolɛ Nyamenle. Kɛmɔ bɛyɛ ye wɔ Nyamenle asɔnema ne mɔ amuala anu la,

1 Kɔl 16:1

Mɔɔ fane ezukoa ne mɔɔ bɛwowɔ bɛahɔboa Nyamenle menli ne mɔ mɔɔ wɔ Dwudiya maanzinli nu la anwo la, bɛyɛ ye kɛ mɔɔ mengyehyɛle memanle asɔne ne mɔ mɔɔ wɔ Galeehyea maanzinli nu la.

1 Kɔl 6:5

Bɛbɔ anyiemgba bɔbɔ! Asoo amgba ala nrɛlɛbɛvolɛ ko bɔbɔ ɛnle bɛ asɔne ne anu, mɔɔ kola siezie mediema avinli,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:1

Pɔɔlo mɔɔ ɔlua Nyamenle ɛhulolɛ zo yeyɛ Kelaese Gyisɛse ɛzoanvolɛ la yɛɛ ɛlɛkɛlɛ kɛlata ɛhye a. Ɔlɛ ɔkamaa Nyamenle menli ne mɔɔ wɔ Ɛfɛsɛse mɔɔ Kelaese Gyisɛse ati bɛdi nɔhalɛ wɔ bɛ ɛbɛlabɔlɛ nu la.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:1

Medame Pɔɔlo nee Temɔte, mɔɔ yɛle Kelaese Gyisɛse ngɛkɛlɛ la, yɛɛ yɛlɛkɛlɛ kɛlata ɛhye yɛahɔmaa bɛdabɛ mɔɔ Kelaese Gyisɛse ati bɛyɛ Nyamenle menli nee asɔne neavolɛma nee asɔne boavolɛma mɔɔ wɔ Felepae suakpole ne azo la amuala a.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:22

Nyamenle menli ne mɔɔ wɔ ɛke la amuala, bɔbɔ Maanle Maanle belemgbunli ne suakunlu amra ne mɔ biza bɛ ahye.

Kɔlɔ 1:2

Yɛfa yɛahɔmaa Nyamenle menli ne mɔɔ wɔ Kɔlɔsae na bɛle yɛ mediema nɔhavoma kpalɛ mɔɔ die Kelaese di nɔhalɛ nu la. Yɛ Ze Nyamenle ɛlo bɛ na ɔmaa bɛ anzonudwolɛ.

Kɛlata mɔɔ bɛhɛlɛle bɛhɔmanle Hibuluma la 13:24

Yɛbiza bɛ mgbanyima ne nee Nyamenle menli ne mɔ amuala ahye. Mediema mɔɔ vi Yetale ɛra ɛke la se bɛbiza bɛ ahye.

Dwuudu Kɛlata ne 1:3

Ayi mɔ, menzuzule kɛ mekɛlɛ bɛ wɔ ngoanelielɛ ne mɔɔ yɛnyia ye la anwo, na menwu kɛ ɔhyia kɛ mekɛlɛ bɛ na mesi bɛ ahonle kɛ bɛho bɛmaa diedi ne mɔɔ Nyamenle ɛva ɛmaa ye menli ne bɔkɔɔ la.

1 Sam 16:2

Samoɛle bizale Ɛdɛnkɛma kɛ, “Kɛ menzi mengɔ ye ɛ? Saa Sɔɔlo te nwolɛ bie a, ɔbahu me.” Ɛdɛnkɛma buale ye kɛ, “Fa ɛnlankɛ ekyi ko kɔ, na ka ye kɛ, ‘Mera mebabɔ azu meamaa Ɛdɛnkɛma.’