Ɛzoanvolɛma Gyima ne 9:10 - BAEBOLO ANZƐƐ BULUKU NWUANZANWUANZA

¹⁰ Kelaese ɛdoavolɛ bie wɔ Dɛmasekɛse, bɛfɛlɛ ye Ananayase. Wɔ ɛnyelɛzodeɛnwunlɛ nu, ɔdele kɛ Awulae se, “Ananayase!” Ɔliele zolɛ kɛ, “Awulae, medame ɛ.”

Ɛzoanvolɛma Gyima ne 9:10 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 14:15

Ɔhyɛle ye ɛlɔnema ne anu na ɔvale bɛ ɔhɔle ye kpɔvolɛma ne anwo zo nɔɔzo, ɔtetale bɛ na ɔvoanle bɛ toonwo ɔhɔdwule Hobaa, wɔ Dɛmasekɛse sɔlɔ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 22:1

Ɛhye mɔ anzi Nyamenle zɔle Ebileham nleanle na ɔzele ye kɛ, “Ebileham!” Na Ebileham liele zolɛ, “Mewɔ ɛke.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 31:11

Na Nyamenle soanvolɛ ne vɛlɛle me, ‘Gyekɔbo!’ Membuale kɛ, ‘Mewɔ ɛke!’

2 Sam 15:26

na saa ɔse kɛ ɔ nye ɛnlie me nwo a, debie biala mɔɔ ɔkulo la ɔva ɔyɛ me.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:4

Mɔɔ Ɛdɛnkɛma nwunle kɛ yehwe ahane kɛ ɔnea la, Nyamenle vɛlɛle ye wɔ kpɔkɛ ne anu, “Mosisi! Mosisi!” Na Mosisi zulole zolɛ kɛ, “Mewɔ ɛke.”

Ayezaya Buluku ne 6:8

Na mendele kɛ Awulae ɛlɛbiza kɛ, “Nwane a menzoa ye a, nwane a kɛhɔ kɛmaa yɛ a?” Na membuale kɛ, “Mewɔ ɛke! Soa me.”

Daneɛle Buluku ne 2:19

Kenle ko ne nɔe ne Nyamenle luale ɛnyelɛzodeɛnwunlɛ zo yele ɛlalɛ ne hilele Daneɛle na ɔhilele ye ɔ bo. Na Daneɛle yele Nyamenle ayɛlɛ zele kɛ,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 12:6

Na Ɛdɛnkɛma zele bɛ kɛ, “Bɛdie mɔɔ meka la! Saa Nyamenle kpɔmanvolɛ ba bɛ avinli a, medame Ɛdɛnkɛma a meye me nwo mekile ye wɔ ɛnyelɛzodeɛnwunlɛ nu, na metendɛ mekile ye wɔ ɛlalɛ nu a.

Ɛzoanvolɛma Gyima ne 10:3

Kenle ko ewiazo kɛyɛ dɔne nsa ɔhɔle nzɛlɛlɛ ɛyɛlɛ la ɔnwunle ɛnyelɛzodeɛnwunlɛ. Nyamenle soanvolɛ ragyinlanle ɔ nyunlu ɛkɛ na ɔvɛlɛle ye kɛ, “Kɔnileɛse!”

Ɛzoanvolɛma Gyima ne 11:5

Ɔse, “Ɛnee mewɔ suakpole ne mɔɔ bɛfɛlɛ ye Dwɔpa la azo melɛyɛ nzɛlɛlɛ, na me nye hɔle dɔɔnwo, na menwunle debie bie mɔɔ le kɛ ɛdanlɛ mɔɔ bɛdedɛ ɔ nloa nna ne amuala anu la kɛ ɔvi anwuma na bɛlɛdwula ye aze, na ɔradwule me nyunlu ɛkɛ ne la, ɔgyinlanle.

Ɛzoanvolɛma Gyima ne 12:9

Pita lile ɔ nzi na bɛvi efiade ne bɛvindele. Noko akee ɛnee ɔnnwu ye kpalɛ saa mɔɔ Nyamenle soanvolɛ ne ɛlɛyɛ la le amgba o; ɔdwenlenle kɛ ɛlalɛ ɔ.

Ɛzoanvolɛma Gyima ne 16:10

Mɔɔ Pɔɔlo nwunle zɛhae debie la, yɛbɔle kpɔkɛ kɛ Nyamenle yɛɛ ɛvɛlɛ yɛ kɛ yɛhɔbɔ Edwɛkpa ne nolo yɛhile menli mɔɔ wɔ ɛkɛ ne la a, ɛhye ati yɛhuohuanle yɛ nwo na yɛhɔle Masidonea maanzinli nu.

Ɛzoanvolɛma Gyima ne 16:9

Nɔe ne Pɔɔlo nwunle ɛnyelɛzodeɛnwunlɛ kɛ nrenya bie vi Masidonea ɛragyinla ɔ nyunlu ɛkɛ ne na ɔlɛkpa ye kyɛlɛ kɛ, “Bɛla Masidonea maanzinli nu na baboa yɛ!”

Ɛzoanvolɛma Gyima ne 18:9

Kenle ko nɔɔzo Pɔɔlo nwunle Awulae wɔ ɛlalɛ nu kɛ ɔlɛka yeahile ye kɛ, “Pɔɔlo, mmasulo; kɔ zolɛ ka Edwɛkpa ne, mmagyakyi

Ɛzoanvolɛma Gyima ne 2:17

‘Nyamenle se, mɔɔ mebayɛ wɔ mekɛ mɔɔ li awieleɛ la ɛne. Mebamaa me Sunsum ne ara menli muala anwo zo. Na bɛ mra mrenya nee mraalɛ baha Nyamenle nrɛlaleɛ. Bɛ mgbavolɛ banwu ɛnyelɛzodeɛnwunlɛ, na bɛ mrenya mgbanyinli aha ɛlalɛ.

Ɛzoanvolɛma Gyima ne 22:12

“Nrenya bie wɔ Dɛmasekɛse ɛkɛ, bɛfɛlɛ ye Ananayase, ɔdi mɛla ne azo kpalɛ, yɛɛ Dwuuma mɔɔ wɔ Dɛmasekɛse la amuala bu ye.

Ɛzoanvolɛma Gyima ne 9:12

na wɔ ɛnyelɛzodeɛnwunlɛ nu yenwu nrenya bie mɔɔ bɛfɛlɛ ye Ananayase la kɛ yera ɔ nwo ɛkɛ yerava ɔ sa yegua ɔ ti zo yemaa yenwu debie bieko.”

Ɛzoanvolɛma Gyima ne 9:9

Kenle nsa, ɛnee ɔnnwu debie, yɛɛ ɔnli debie na yeanlo nzule.

2 Kɔl 11:32

Mekɛ mɔɔ mewɔ Dɛmasekɛse la, Belemgbunli Alɛtase amɛnlado ne vale sinzavolɛma gyinlegyinlanle suakpole ne nlenkɛ mgbole ne mɔ anloa kɛ bɛhye me.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:17

yɛɛ meangɔ Gyɛlusalɛm bɔbɔ kɛ mekanwu bɛdabɛ mɔɔ bɛle Kelaese ɛzoanvolɛma mɔɔ bɛli me nyunlu la. Ɛleka mɔɔ mengɔle la a le Areleebea, yɛɛ nzinlii menziale membale Dɛmasekɛse a.

1 Sam 3:4

Na Ɛdɛnkɛma vɛlɛle Samoɛle kɛ, “Samoɛle, Samoɛle!” Samoɛle liele zolɛ, “Yɛmenle! Mewɔ ɛke!”