Ɛzoanvolɛma Gyima ne 8:9 - BAEBOLO ANZƐƐ BULUKU NWUANZANWUANZA

⁹ Nrenya bie wɔ suakpole ne azo; bɛfɛlɛ ye Saemɔn. Nrenya ɛhye ɛva ngonyiayelɛ ɛha Samɛlea maanlema ne ɛzulolɛ, na ɔka kɛ ɔdaye ɔle sonlakpole.

Ɛzoanvolɛma Gyima ne 8:9 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 7:11

Akee belemgbunli ne vɛlɛle ye nrɛlɛbɛvolɛma nee ngonyiama mɔɔ wɔ Yigyibiti la, na bɛdabɛ noko bɛyele ngonyia ko ne ala bie.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 7:22

Yigyibiti ngonyiama yele ngonyia ko ne ala bie, yemɔti belemgbunli ahonle akee solole na ye dapele ne yɛle kpole, na kɛmɔ Ɛdɛnkɛma hanle la, yeandie bɛ fee.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 9:11

Na nyila ne mɔ ati ngonyiama ne angola Mosisi anyunlu gyinla, ɔluakɛ ɛnee nyila ɛnwunwu bɛ nee Yigyibitima kɔsɔɔti.

Sɛlɛ 20:6

“Saa awie kɔbiza ɔ nwo wɔ sonla mɔɔ tendɛ nwomenle nloa azo la ɛkɛ, anzɛɛ ɔkɔ bayivolɛ bie ɛkɛ ɔkɔbiza ɔ nwo anzɛɛ ɔ nee bɛ kɔbɔ tuutuu ɛbɛla a, mebava me nye meazie ɔ nyunlu na meaye ye meavi ye menli ne avinli.

Dw 7:18

Awie mɔɔ di ɔ ti anwo kilehile la kpondɛ ɔdaye ɔ ngome ɔ nyunlu. Mɔɔ kpondɛ anyunlunyia maa mɔɔ zoanle ye la ka nɔhalɛ ne, yɛɛ nvonleɛ biala ɛnle ye nu.

Ɛzoanvolɛma Gyima ne 13:6

Bɛkpɔsale bɔra ne azo na bɛrale Peefɔso bɛradole Dwuunli bie mɔɔ ye ngonyia la. Bɛfɛlɛ ye Baa-Gyisɛse, yɛɛ ɔdaye mumua ne ɔfɛlɛ ɔ nwo Nyamenle kpɔmanvolɛ.

Ɛzoanvolɛma Gyima ne 13:8

Na Ɛlemase (Ngonyianli ne duma wɔ Giliki nu ɛne) ammaa bɛ adenle, na ɔyɛle kɛ ɔkakyi Amɛnlado ne adwenle, amaa yeanlie ɛzonlenlɛ fofolɛ ɛhye yeanli.

Ɛzoanvolɛma Gyima ne 5:36

Mekɛ bie mɔɔ ɛraze ɛhɔ la, Tiyudase dwazole na ɔyɛle ɔ nwo kɛ ɔle sonlakpole bie, na ɔhwenle menli ala kɛyɛ ɛya nna ɔlile ɔ nzi. Na nzinlii bɛhunle ye, na ye ɛdoavolɛma ne bɔle asande manle ye fane ne gule.

Ɛzoanvolɛma Gyima ne 8:11

Ɔvale ngonyia ɔdanle bɛ nye zo na ɔmanle bɛzulole ye kpalɛ na bɛliele ye bɛlile.

2 Tɛs 2:4

Saa ɔba a ɔbatia debie biala nee nyamenle biala mɔɔ menli sonle la. Ɔbavo yeagyinlegyinla bɛ bati, yeahɔdɛnla aze wɔ Nyamenle Ɛzonlenlɛ Sua ne anu na yeavɛlɛ ɔ nwo kɛ ɔdaye a ɔle Nyamenle a.

2 Tem 3:2

Menli bayɛ angomedi nee ezukoa nwo anyebolo, bɛbamemaa bɛ nwo zo na bɛazua anyetele; bɛbabɔ aholoba, bɛnrɛdie bɛ awovolɛma, bɛbakpo amunli, bɛnrɛzonle Nyamenle;

2 Tem 3:5

bɛbazɔ nyamenlezonlenlɛ nu, na bɛnrɛlie ye tumi kpalɛ ne bɛnrɛdo nu. Twe ɛ nwo fi menli zɛhae mɔ anwo.

2 Pit 2:18

Bɛtu bɛ nloa anu, bɛka edwɛkɛ mɔɔ nrɛlɛbɛ ɛnle nu la na bɛfa adwɔmanebɔlɛ atiakunluwɔzo bɛsɛkye bɛdabɛ mɔɔ bɔ zo mɔɔ bɛlɛbɔ mɔdenle bɛanriandi bɛavi menli mɔɔ de ɛtane nu la avinli la.

Yekile 22:15

Wɔ suakpole ne kandiba lɔ, amumuyɛma, ahɔdiawu, ngonyiayelɛma, adwɔmanema, awozonle ɛzonlenlɛma, yɛɛ adalɛma wɔ nyɛleɛ nee ɛdendɛlɛ nu la a wɔ ɛkɛ ne a.