Ɛzoanvolɛma Gyima ne 8:39 - BAEBOLO ANZƐƐ BULUKU NWUANZANWUANZA

³⁹ Mɔɔ bɛvi azule ne anu bɛvole file zo la, Sunsum ne vale Felepe minliminlinle. Nrenya ne annwu ye bieko, na ɔvale fɛlɛko ɔhɔle.

Ɛzoanvolɛma Gyima ne 8:39 ပူးပေါင်းရင်းမြစ်များ

1 Arl 18:12

Kɛ metu me bo la ɛnee Nyamenle Sunsum ne ɛye wɔ ɛvi ɛke ɛhɔ ɛleka mɔɔ menze a. Ehabe ba badwu ɛke na ɛnle ɛke a, ɔbahu me. Kakye kɛ ɔvi me ngakula nu, mezonle Ɛdɛnkɛma dedee a yeradwu ɛnɛ a.

2 Arl 2:16

Bɛzele ye kɛ, “Nea, yɛdayɛ mɔɔ yɛwɔ ɛke la yɛle menli kpukputili abulanlu. Maa yɛhɔkpondɛ ɛ menle ne. Ɔkɛyɛ kɛ Nyamenle Sunsum ne vale ye hɔle anwuma la, yehɔgyakyi ye yedo boka bie azo anzɛɛ bɔnza bie anu.” Yilaehya buale bɛ kɛ, “Kyɛkyɛ, bɛmmakɔ.”

Edwɛndolɛ Buluku ne 119:111

Wɔ mɛla ne mɔ le me agyadeɛ dahuu; ɛhɛe, me ahonle la nwo.

Edwɛndolɛ Buluku ne 119:14

Me nye die wɔ ngyehyɛlɛ ne mɔ anwo kɛmɔ me nye die anwonyia nwo la.

Ayezaya Buluku ne 61:10

Ɛdɛnkɛma ati me nye balie kpole, Me ɛkɛla bali fɛlɛko wɔ me Nyamenle ne ati, Ɔluakɛ yeva ngoanelielɛ ɛdanlɛ yeheda me, Yeva pɛlepɛleyɛlɛ tɛladeɛ yewula me, Yeziezie me kɛ atɔfolɛ nrenya fa ndotolo kɔtɔlɔba siezie ɔ nwo, Anzɛɛ kɛ atɔfolɛ raalɛ fa anwoneɛ siezie ɔ nwo la.

Yizikeɛle Buluku ne 11:1

Nyamenle Sunsum ne manle membale Ɛdɛnkɛma Ɛzonlenlɛ Sua ne aduduleɛ anlenkɛ ne anloa. Na menwunle menli abulanwiɔ nee nnu wɔ anuhɔlɛ ne, Ezɛ ara Gyeeyazanaya nee Bɛnaya ara Pɛlataya, mɔɔ le maanle ne anu mgbanyinli la boka nwolɛ.

Yizikeɛle Buluku ne 11:24

Akee Nyamenle Sunsum ne vale me luale ɛnyelɛzodeɛnwunlɛ ne anu ziale rale Babelonia wɔ bɛdabɛ mɔɔ bɛhye bɛ bɛhɔ nlɔnu la avinli. Akee me nye zo tetele me.

Yizikeɛle Buluku ne 37:1

Ɛdɛnkɛma tumi ne rahedale me nwo zo, na ye sunsum ne vale me rale bɔnza ne avinli, na menwunle mbowule dɔɔnwo wɔ bɔnza ne anu.

Yizikeɛle Buluku ne 43:5

Ɛdɛnkɛma Sunsum ne kpogyale me zo, na ɔ nee me hɔle Ɛzonlenlɛ Sua ne akunlu lɔ alie ne anwo, na menwunle kɛ Ɛdɛnkɛma anyunlunyia ne ɛyi Ɛzonlenlɛ Sua ne tɛkɛɛ.

Yizikeɛle Buluku ne 8:3

Ɔdenrɛle debie bie mɔɔ le kɛ ɛsalɛ la ɔzɔle me ti enrinli; na Nyamenle Sunsum ne manle me zo anwomanyunlu na ɔvale me wɔ ɛnyelɛzodeɛnwunlɛ nu ɔrale Gyɛlusalɛm, wɔ Ɛzonlenlɛ Sua ne akunlu anlenkɛ ne mɔɔ di kɔ ɛbɔ nu la anloa, ɛleka mɔɔ bɛzie amonle bie, mɔɔ ka Nyamenle ɛya la.

Edwɛkpa ne kɛmɔ Mateyu hɛlɛle la 13:44

“Anwuma Belemgbunlililɛ ne le kɛ kpɔba bie mɔɔ vea azɛlɛ bie abo la. Saa awie kɔnwu ye a, ɔkeda zolɛ na ɔfa fɛlɛkolilɛ ɔkɔtɔne ɔ nwo ninyɛne kpokpoti na ɔfa ezukoa ne mɔɔ ɔkɛnyia ye la ɔbatɔ azɛlɛ ne.

Edwɛkpa ne kɛmɔ Mateyu hɛlɛle la 3:16

Mɔɔ bɛzɔnenle Gyisɛse bɛwiele la, ɔvi azule ne anu ɔvole file zo ndɛndɛ ne ala. Anwuma bukele na ɔnwunle kɛ Nyamenle Sunsum ne ɛlɛdwu kɛ abubule la na ɔrazinzele ɔ nwo zo.

Edwɛkpa ne kɛmɔ Maake hɛlɛle la 1:10

Mɔɔ Gyisɛse vi azule ne anu vole file zo ala la, ɔnwunle kɛ anwuma ɛbuke na Sunsum ne ɛlɛdwu ɔ nwo zo kɛ abubule la.

Ɛzoanvolɛma Gyima ne 13:52

Na diedima mɔɔ wɔ Anteɔko la lile fɛlɛko kpole na Sunsum Nwuanzanwuanza ne yile bɛ tɛkɛɛ.

Ɛzoanvolɛma Gyima ne 16:34

Akee ɔvale bɛ ɔhɔle sua nu na ɔmanle bɛ debie bɛlile, na ɔ nee ye sua nu amra lile fɛlɛko kɛ bɛnyia diedi wɔ Nyamenle anu a.

Ɛzoanvolɛma Gyima ne 8:29

Sunsum ne zele Felepe kɛ, “Twe bikye ehwili ne.”

Ɛzoanvolɛma Gyima ne 8:38

Nrenya ne manle ehwili ne gyinlanle, ɔ nee Felepe bɛhɔle azule ne anu na ɔmanle Felepe zɔnenle ye.

Ɛzoanvolɛma Gyima ne 8:8

na suakpole ne azo amra lile fɛlɛko kpole.

Wulo 5:2

Gyisɛse lua yɛ diedi zo ɛva yɛ ɛra Nyamenle ɛlolɛ ne mɔɔ ɛnɛ yɛde nu la abo. Yemɔti yɛdi fɛlɛko anyelazo nu kɛ yɛbanyia Nyamenle anyunlunyia ne.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:3

Yɛmɛ a yɛnyia nɔhalɛ mrenyanu nzonlɛyɛlɛ ne a, na tɛ bɛmɛ ɔ, ɔluakɛ yɛdua Nyamenle Sunsum ne azo a yɛsonle a, na yɛdi fɛlɛko kɛ yɛnyia Kelaese Gyisɛse wɔ yɛ ɛbɛla nu. Yɛnva yɛ rɛle yɛnwula ewiade amaamuo nu.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:4

Bɛmaa bɛ nye ɛlie dahuu kɛ bɛle Awulae ɛdeɛ a; mesi zo bieko: bɛmaa bɛ nye ɛlie!

Gyemise Kɛlata ne 4:16

Na bɛmɛ, bɛmemaa bɛ nwo zo, bɛtu bɛ nloa anu; na adubɛnwo ɛhye mɔ amuala le ɛtaneyɛlɛ.