Ɛzoanvolɛma Gyima ne 8:36 - BAEBOLO ANZƐƐ BULUKU NWUANZANWUANZA

³⁶ Mɔɔ bɛlua adenle zo bɛlɛkɔ la, bɛrale azule bie anloa, na nrenya ne zele Felepe kɛ, “Nea, nzule ɛ! Duzu a si wɔ adenle mɔɔ ɔmaa ɛsɔne me a ɔnyɛ boɛ a?” [

Ɛzoanvolɛma Gyima ne 8:36 ပူးပေါင်းရင်းမြစ်များ

Yizikeɛle Buluku ne 36:25

Mebakponde nzule mɔɔ anye te la bɛ nwo, na bɛ nwo bade avi bɛ ɛtane biala nee bɛ mmonle mɔɔ bɛzonlenle la anwo.

Edwɛkpa ne kɛmɔ Mateyu hɛlɛle la 3:11

Mame mefa nzule a mesɔne bɛ a, amaa bɛanwu kɛ bɛnlu bɛ nwo, na awie bie vi me nzi ɛlɛba mɔɔ yemɔ ɔle kpole ɔtɛla me a. Menfɛta kɛ menwɔzoa ye mgbɔlaboa bɔbɔ. Na yemɔ, ɔbava Sunsum Nwuanzanwuanza ne nee ndɛnebualɛ senle ne a yeazɔne a.

Edwɛkpa ne kɛmɔ Mateyu hɛlɛle la 3:6

bɛrahanle bɛ ɛtane na ɔzɔnenle bɛ wɔ Azule Dwɔdan ne anu.

Dw 3:23

Mekɛ ne anu ɛnee Dwɔn noko ɛlɛsɔne menli wɔ Enɔn mɔɔ bikye Salem la, ɔboalekɛ nzule dɔɔnwo wɔ ɛkɛ, na menli dɔɔnwo hɔle ɔ nwo ɛkɛ manle ɔzɔnenle bɛ.

Dw 3:5

Gyisɛse buale kɛ, “Meka nɔhalɛ ne meahile wɔ: kyesɛ bɛfa nzule nee Sunsum Nwuanzanwuanza ne bɛsɔne sonla anrɛɛ ɔnrɛnwu Nyamenle Belemgbunlililɛ ne ɛlɛ.

Ɛzoanvolɛma Gyima ne 10:47

“Menli ɛhye mɔ ɛnyia Sunsum Nwuanzanwuanza ne, kɛmɔ yɛnyianle ye ala la. Anzɛɛ awie kɛhola kɛze kɛ ɔnle kɛ yɛfa nzule yɛsɔne bɛ ɔ?”

Ɛzoanvolɛma Gyima ne 8:37

Felepe zele ye kɛ, “Saa ɛdie ɛdi bɔkɔɔ wɔ wɔ ahonle nu a, bɛsɔne wɔ a ɔyɛ boɛ.” Ɔbuale ye kɛ, “Ɛhɛe, medie medi kɛ Gyisɛse Kelaese a le Nyamenle Ara ne a.”]

1 Dw 5:6

Gyisɛse Kelaese a le mɔɔ luale ye ɛzɔnenlɛ nzule nee ye ewule mogya zo rale la. Tɛ nzule ngome a ɔluale zo a, ɔluale nzule nee mogya zo. Nyamenle Sunsum ne di daselɛ kɛ ɔle zɔhane, ɔboalekɛ Sunsum ne a le nɔhalɛ ne.