Ɛzoanvolɛma Gyima ne 8:34 - BAEBOLO ANZƐƐ BULUKU NWUANZANWUANZA

³⁴ Na abɔlɔba ne bizale Felepe kɛ, “Kile ɛhye anu kile me. Nwane anwo edwɛkɛ a Nyamenle kpɔmanvolɛ ne ɛlɛka a, ɔdaye ɔ nwo edwɛkɛ yɛɛ ɔlɛka a anzɛɛ awie gyɛne ɔ?”

Ɛzoanvolɛma Gyima ne 8:34 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 13:36

Gyisɛse gyakyile menli dɔɔnwo ne manle bɛhɔle sua nu. Ye ɛdoavolɛma ne rale ɔ nwo ɛkɛ ne razele ye kɛ, “Kile yɛ ɛya ne anu ndile ne ɛrɛlɛ ne abo.”

Edwɛkpa ne kɛmɔ Mateyu hɛlɛle la 15:15

Na Pita hanle kɛ, “Kile yɛ ɛrɛlɛ ne abo.”

Ɛzoanvolɛma Gyima ne 8:27

Na Felepe zile nu hɔle. Ɛnee Yiteyopeanli kpanyinli bie mɔɔ le abɔlɔba kpanyinli mɔɔ nea Yiteyopea Belemgbunli Raalɛ ne gya zo la ɔdaye ɔlua adenle ne azo. Ɔhɔle Nyamenle ɛzonlenlɛ wɔ Gyɛlusalɛm na ɔde ye ehwili nu yezia ɔlɛkɔ ye sua zo. Mɔɔ ɔde ehwili ne anu la ɛnee ɔlɛkenga Nyamenle kpɔmanvolɛ Ayezaya nwoma ne.

Ɛzoanvolɛma Gyima ne 8:33

Bɛgolole ɔ nwo, bɛbuale ye mgbɔvondɛne, awie ɛnrɛhola ɔ bo zo amra kile, ɔluakɛ bɛpɛle ye ɛbɛla ne sinli wɔ ewiade ye anu.”

Ɛzoanvolɛma Gyima ne 8:35

Na Felepe bɔle ɔ bo wɔ Nyamenle Edwɛkɛ ɛhye azo, na ɔhanle Edwɛkpa ne mɔɔ fane Gyisɛse anwo la ɔhilele ye.