Ɛzoanvolɛma Gyima ne 8:29 - BAEBOLO ANZƐƐ BULUKU NWUANZANWUANZA

²⁹ Sunsum ne zele Felepe kɛ, “Twe bikye ehwili ne.”

Ɛzoanvolɛma Gyima ne 8:29 ပူးပေါင်းရင်းမြစ်များ

Ayezaya Buluku ne 65:24

Bɛnrɛvɛlɛ bɔbɔ na mealie bɛ zo; mebade bɛ edwɛkɛ wɔ mekɛ mɔɔ bɛ nloa wɔ zo bɛlɛsɛlɛ la.

Hozia Buluku ne 6:3

Bɛmaa yɛbɔ mɔdenle yɛnwu Ɛdɛnkɛma. Nɔhalɛ, ye ɛralɛ ɛnli mgbanwo, kɛmɔ alehyenlɛ ɛnli mgbanwo la. Ɔbara kɛ nyenyensuo nyenye doɔloa azɛlɛ ye la.”

Ɛzoanvolɛma Gyima ne 10:19

Mɔɔ Pita gua zolɛ tɛdwenle mɔɔ yenwu ye la anwo na ɔkulo kɛ ɔte ɔ bo la, Nyamenle Sunsum ne zele ye kɛ, “Nea, menli nsa ɛra ɛke bakpondɛ wɔ.

Ɛzoanvolɛma Gyima ne 11:12

Na Sunsum Nwuanzanwuanza ne zele me kɛ me nee bɛ ɛhɔ, memmasi aze. Mediema nsia ɛhye mɔ mɔɔ vi Dwɔpa la bokale me nwo manle yɛ muala yɛhɔle Sizalia wɔ Kɔnileɛse sua nu.

Ɛzoanvolɛma Gyima ne 21:11

Ɔrale yɛ nwo ɛkɛ ne na ɔvale Pɔɔlo akyeso ne ɔkyekyele ɔdaye ɔ ngome ɔ sa nee ɔ gyakɛ na ɔhanle kɛ, “Kɛ Sunsum Nwuanzanwuanza ne se la ɛne: Sonla ne mɔɔ lɛ akyeso ɛhye la, Dwuuma bakyekye ye zɛhae wɔ Gyɛlusalɛm, na bɛava ye bɛawula bɛdabɛ mɔɔ bɛnle Dwuuma la asa anu.”

Ɛzoanvolɛma Gyima ne 28:25

Na bɛ adwenle anzɛ yɛɛ bɛzandele a. Na mɔɔ bɛbahɔ la Pɔɔlo hanle edwɛkɛ ko ɛhye kɛ, “Mɔɔ Sunsum Nwuanzanwuanza ne luale Nyamenle kpɔmanvolɛ Ayezaya anwo zo hanle hilele yɛ nlenya mɔ la le nɔhalɛ somaa!

Ɛzoanvolɛma Gyima ne 8:26

Awulae soanvolɛ dendɛle zele Felepe kɛ, “Kɔ nyiakɛ nehane, wɔ Gyɛlusalɛm nee Gaza adenle ne azo.” (Adenle ɛhye la ɛsɛlɛ zo; ɛnɛ bɛnva zolɛ.)

Ɛzoanvolɛma Gyima ne 8:30

Yemɔti Felepe nriandile hɔle ehwili ne anwo, na ɔdele kɛ ɔlɛkenga Nyamenle kpɔmanvolɛ Ayezaya nwoma ne, na ɔbizale ye kɛ, “Asoo ɛte mɔɔ ɛlɛkenga la abo?”

Ɛzoanvolɛma Gyima ne 8:39

Mɔɔ bɛvi azule ne anu bɛvole file zo la, Sunsum ne vale Felepe minliminlinle. Nrenya ne annwu ye bieko, na ɔvale fɛlɛko ɔhɔle.

1 Kɔl 12:11

Nyamenle Sunsum ko ne ala a yɛ ɛhye mɔ amuala a; Sunsum ko ne ala a maa awie biala ahyɛlɛdeɛ, kɛmɔ ɔdaye (Sunsum ne) ɔkulo la a.

1 Tem 4:1

Nyamenle Sunsum ne ka ye wienyi kɛ menli ne bie mɔ bakpo bɛ diedi ne kenle bie; bɛbadie sunsum adalɛma edwɛkɛ na bɛali mbɔnsam ngilehilelɛ ne mɔ azo.

Kɛlata mɔɔ bɛhɛlɛle bɛhɔmanle Hibuluma la 3:7

Yemɔti, kɛ Sunsum Nwuanzanwuanza ne se la ɛne, “Saa ɛnɛ bɛte Nyamenle ane a,