Ɛzoanvolɛma Gyima ne 8:24 - BAEBOLO ANZƐƐ BULUKU NWUANZANWUANZA

²⁴ Saemɔn zele Pita nee Dwɔn kɛ, “Mekpa bɛ kyɛlɛ, bɛzɛlɛ Awulae bɛmaa me, amaa mɔɔ bɛha la biala anzi me nwo zo.”

Ɛzoanvolɛma Gyima ne 8:24 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 20:17

Ɔlua mɔɔ Abemɛlɛke yɛle la ati, Ɛdɛnkɛma manle Abemɛlɛke aye nee ye sonvolɛ mraalɛ mɔɔ wɔ sua nu ɛkɛ ne la amuala pɛle awolɛ. Na Ebileham zɛlɛle Nyamenle manle Abemɛlɛke. Na Nyamenle yɛle Abemɛlɛke nee ɔ ye ayile na eza ɔyɛle sonvolɛ mraalɛ mɔɔ wɔ sua nu ɛkɛ ne la ayile, ɔmanle bɛ awolɛ dukuele.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 20:7

Yemɔti fa nrenya ne aye ne kɔmaa ye. Ɔle Nyamenle kpɔmanvolɛ, ɔbazɛlɛ yeamaa wɔ, na wɔanyia ngoane. Na saa wɔanva raalɛ ne wɔangɔ a, ɛnee nwu ye kɛ ɛdawɔ nee wɔ menli ne kɔsɔɔti bawu.”

1 Arl 13:6

Akee Belemgbunli Gyɛlɔbowam hanle hilele Nyamenle kpɔmanvolɛ ne kɛ, “Mebodo wɔ, sɛlɛ Ɛdɛnkɛma wɔ Nyamenle ne maa ɔmaa me sa ye ɛzia ɛyɛ kɛ ye dɛba ne ala la.” Nyamenle kpɔmanvolɛ ne zɛlɛle, na Ɛdɛnkɛma manle belemgbunli ne asa ne ziale yɛle kpalɛ kɛ ye dɛba ne la.

Ɛzela Buluku ne 6:10

amaa bɛabɔ azu mɔɔ sɔ Nyamenle ne mɔɔ wɔ anwuma la anye na bɛazɛlɛ bɛamaa belemgbunli nee ɔ mra mrenya kpalɛyɛlɛ.

Ɛzela Buluku ne 8:23

Ɛhye ati yɛhyele ɛhɔne yɛvale yɛ nzɛlɛlɛ yɛdole Nyamenle anyunlu, na ɔdiele yɛ nzɛlɛlɛ.

Dwobu Buluku ne 42:8

Yemɔti bɛva nlankɛ nyinli nsuu nee mboane nyinli nsuu bɛhɔ me sonvolɛ Dwobu anwo ɛkɛ ne bɛhɔbɔ ɛyelalɛ azu wɔ bɛdabɛ bɛ ti, na me sonvolɛ Dwobu bazɛlɛ amaa bɛ, ɔluakɛ mebadie ye nzɛlɛlɛ ne, na me nee bɛ ɛnrɛli ye kɛ mɔɔ bɛ ɛtane ne mɔ de la, ɔboalekɛ bɛanga me nwo edwɛkɛ kpalɛ kɛ mɔɔ me sonvolɛ Dwobu hanle la.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 10:17

Yemɔti mesɛlɛ bɛ, bɛva me ɛtane ko ye bɛhyɛ me na bɛzɛlɛ Ɛdɛnkɛma bɛ Nyamenle ne kɛ ɔye ewule ɛhye ɔvi me nwo zo.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:32

Bɛva bɛ nlankɛ nee bɛ nyɛmoa kɔsɔɔti bɛhɔ. Anrɛɛ bɛzɛlɛ bɛmaa medame noko.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 8:8

Akee belemgbunli ne vɛlɛle Mosisi nee Aalɔn na ɔzele bɛ kɛ, “Bɛzɛlɛ Ɛdɛnkɛma bɛmaa ɔye ahɛlɛne ne mɔ ɔvi me nee me menli ne anwo ɛke, na mebamaa menli ne ahɔbɔ azu amaa Ɛdɛnkɛma.”

Gyɛlɛmaya Buluku ne 37:3

Belemgbunli Zɛdikaya zoanle Hyɛlimaya ara nrenya Gyɛhukale nee Meeyasaya ara Sɛlɛvolɛ Zɛfanaya wɔ Gyɛlɛmaya anwo ɛkɛ manle bɛhɔzele ye kɛ, “Sɛlɛ Ɛdɛnkɛma yɛ Nyamenle ne maa yɛ.”

Gyɛlɛmaya Buluku ne 42:2

rahanle hilele Gyɛlɛmaya kɛ, “Gyɛlɛmaya, yɛbodo wɔ, yɛ mɔɔ yɛlɛbiza la maa yɛ. Sɛlɛ Ɛdɛnkɛma wɔ Nyamenle ne maa yɛdayɛ mɔɔ yɛha la, ɔluakɛ kɛmɔ ɛdawɔ ɛkola ɛnwu ye la, yɛdayɛ menli ɛwolaa ne, akee yɛwie, yɛha ekyi bie.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 21:7

Na menli ne rale Mosisi anwo ɛkɛ, na bɛhanle kɛ, “Yɛyɛ ɛtane, ɔluakɛ yɛdendɛ yɛtia Ɛdɛnkɛma nee ɛdawɔ. Sɛlɛ Ɛdɛnkɛma maa ɔmaa nwɔlɛ ɛhye mɔ ɛhɔ.” Yemɔti Mosisi zɛlɛle manle menli ne.

Gyemise Kɛlata ne 5:16

Yemɔti, bɛha bɛ ɛtane ne mɔ bɛhile bɛ nwo ngoko ngoko, na bɛzɛlɛ bɛmaa bɛ nwo ngoko ngoko, na bɛkɛde kpɔkɛ. Sonla tenlene biala nzɛlɛlɛ yɛ nla eza tumi wɔ nu.

1 Sam 12:19

Na bɛzele Samoɛle kɛ, “Yɛmenle, bodo Ɛdɛnkɛma wɔ Nyamenle ne maa yɛ, amaa yeangu yɛ. Ɔluakɛ yɛnwu ye wienyi kɛ, ɛye ɛtane gyɛne gyɛne mɔɔ yɛyɛ la ɛsie ahane a, mɔɔ yɛyɛ la akee bo zolɛ kɛ yɛdayɛ yɛbizale kɛ ɔmaa yɛ belemgbunli a.”

1 Sam 12:23

Na mame, Ɛdɛnkɛma ɛkpa ɛgua kɛ menwɔyɛ ɛtane kɛ menrɛzɛlɛ menrɛmaa bɛ a. Mebahilehile bɛ nɔhalɛ adenle ne nee mɔɔ le kpalɛ kɛ ɔwɔ kɛ bɛyɛ la.