Ɛzoanvolɛma Gyima ne 8:22 - BAEBOLO ANZƐƐ BULUKU NWUANZANWUANZA

²² Zɔhane ati, nu ɛ nwo wɔ wɔ amumuyɛ adwenle ɛhye anwo, na sɛlɛ Awulae kɛ saa ɔyɛ na ɔkɛyɛ boɛ a, ɔva wɔ ɛtane ɔhyɛ wɔ kɛ wɔdwenle zɔhane a.

Ɛzoanvolɛma Gyima ne 8:22 ပူးပေါင်းရင်းမြစ်များ

Mrɛlɛbulɛ Buluku ne 24:9

Ngoaseade nwo adwenle ɛbɔlɛ le ɛtane, yɛɛ sonla mɔɔ le agolobɛnwo la le menli kyibadeɛ.

Daneɛle Buluku ne 4:27

Zɔhane ati, Nana, die me folɛ mɔɔ melɛtu wɔ la to nu. Gyakyi ɛtanelilɛ nee ninyɛndane ɛyɛlɛ, na bɔ ɛbɛla tenlene, nwu bɛdabɛ mɔɔ bɛlɛsisi bɛ la anwunvɔne, amaa wɔahɔ zolɛ wɔakpazi.”

Emɔzo Buluku ne 5:15

Kyi mɔɔ le ɛtane la, na kulo mɔɔ le kpalɛ la, na nea maa nɔhalɛlilɛ ɛrɛla edwɛkɛlilɛ ɛleka ne mɔ; wɔannea a Ɛdɛnkɛma, Tumivolɛ Nyamenle ne kɛnwu Dwosefi abo zo amra ne mɔɔ ɛha la anwunvɔne.

Emɔzo Buluku ne 5:6

Bɛkpondɛ Ɛdɛnkɛma abo zo, na bɛnyia ngoane. Saa bɛamkpondɛ ɔ bo zo a, ɔbayɛ senle yeazɔ Dwosefi sua nu, yeayela Bɛtɛle, na awie ɛnrɛhola ye nua ɛlɛ.

Dwona Buluku ne 1:6

Yemɔti kpanyinli ne mɔɔ nea meli ne azo la hɔdunwuele ye na ɔzele ye kɛ, “Duzu ati a wɔmɔ wɔlafe a? Dwazo na fɛlɛ wɔ nyamenle ne mɔɔ ɛsonle ye la. Wɔannea a ɔkɛyɛ kɛ wɔmɔ wɔ nyamenle ɛdeɛ ne se anwunvɔne. Fɛlɛ ye maa ɔlie yɛ na yɛwie wu!”

Dwona Buluku ne 3:9

Awie ɛnze; bie a ɛnee Nyamenle ɛnwu yɛ anwunvɔne, yehakyi ye adwenle na yegyakyi ye ɛya kpole ne, amaa yɛanwu.”

Ɛzoanvolɛma Gyima ne 17:30

Nyamenle bule ɔ nye guale zo wɔ mekɛ mɔɔ ɛnee menli ɛnze la. Kɛkala, ɔlɛka yeahile menli kɔsɔɔti mɔɔ wɔ ɛleka biala la kɛ bɛnlu bɛ nwo wɔ bɛ ninyɛndane nwo.

Ɛzoanvolɛma Gyima ne 2:38

Pita zele bɛ kɛ, “Bɛnlu bɛ nwo na bɛgyakyi ɛtane ɛyɛlɛ, na bɛmaa bɛzɔne bɛ wɔ Gyisɛse Kelaese duma nu, amaa bɛava bɛ ɛtane bɛahyɛ bɛ na bɛanyia Nyamenle ahyɛlɛdeɛ ne, mɔɔ le Sunsum Nwuanzanwuanza ne.

Ɛzoanvolɛma Gyima ne 3:19

Zɔhane ati bɛnlu bɛ nwo na bɛzia bɛrɛla Nyamenle ɛkɛ, amaa yeava bɛ ɛtane ne mɔ amuala yeahyɛ bɛ,

Ɛzoanvolɛma Gyima ne 8:20

Na Pita buale ye kɛ, “Abule ɛbu wɔ nee wɔ ezukoa ne amuala, kɛ ɛkɛdwenle kɛ bɛfa ezukoa a bɛtɔ Nyamenle ahyɛlɛdeɛ a!

Ɛzoanvolɛma Gyima ne 9:11

Na Awulae zele ye kɛ, “Kɔ kpalɛ ne mɔɔ bɛfɛlɛ ye ‘Fɔɔnwo’ la azo, na kɔ Dwudase sua nu, na biza awie bie mɔɔ vi Taasɛse na bɛfɛlɛ ye Sɔɔlo la. Ɔgua zolɛ ɔlɛyɛ nzɛlɛlɛ,

Wulo 2:4

Anzɛɛ ɛmbu ye kpalɛyɛlɛ totohyia ne nee ye abotane ne bie ɔ? Ɛnze kɛ Nyamenle atiakunlukɛnlɛmayɛlɛ ne wɔ ɛkɛ ne, ɔlɛkile wɔ yeamaa wɔanlu ɛ nwo ɔ?

Kɛlata mɔɔ bɛhɛlɛle bɛhɔmanle Hibuluma la 4:12

Nyamenle Edwɛkɛ ne gyi zo na ɔyɛ se, ɔyɛ nla ɔtɛla dadeɛ anye nwiɔ biala. Ɔpɛ to, ɔdua ɛkɛla nee sunsum ayia zo, ɔgya mbowule agbɔkɛ nee mbowule ɛnlome ɛweɛne na ɔfede adwenle nee ahonle nu ɔnwu bɛ nzuzulɛ muala.

Yekile 2:21

Memanle ye mekɛ kɛ ɔva ɔnlu ɔ nwo, noko ɔngulo kɛ ɔkɛgyakyi ye adwɔmane ɛbɛla ne.