Ɛzoanvolɛma Gyima ne 8:2 - BAEBOLO ANZƐƐ BULUKU NWUANZANWUANZA

² Na Nyamenlezonlenlɛma bie mɔ hɔvale Sitivin hɔziele ye na bɛzunle ye kpole kpalɛ.

Ɛzoanvolɛma Gyima ne 8:2 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 23:2

Ɔwule Hibulɔn (Keleate Aaba), wɔ Keena maanle nu, na Ebileham zunle ye.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 50:9

Bɛvale ehwili mɔɔ mgbɔnwɔ twe bɛ nee menli mɔɔ ka mgbɔnwɔ la a hɔle a. Nɔhalɛ, ɛnee bɛ nwo zonle kpalɛ.

2 Sam 3:31

Akee Devidi zele Dwowabe nee menli mɔɔ nee ye lua la kɛ, “Bɛsuosua bɛ adɛladeɛ ne mɔ anu. Bɛheda ɛrele na bɛzu Abenɛɛ.” Belemgbunli ɔdaye mumua ne ɔlile funli ɛlɛka ehwili ne anzi.

2 Edk 32:33

Belemgbunli Hɛzikaya hɔle ayile nu na bɛwulale ye mrɛlatɛlɛ nu wɔ Devidi amra mrenya ne mɔ sɛka ne mɔ anwuma; Dwudama nee Gyɛlusalɛmma amuala yiale nu wulale ye anyunlunyia bɔle ye azu, na ɔ ra Manasɛ lile ebia ne.

2 Edk 35:25

Nyamenle kpɔmanvolɛ Gyɛlɛmaya ɔdaye ɔhyehyɛle ɛzunlɛ edwɛkɛdwɛndolɛ wɔ Belemgbunli Dwosaya anwo. Mraalɛ nee mrenya edwɛndolɛma ɛdo edwɛne ɛhakye Belemgbunli Dwosaya toonwo a yeradwu ɛnɛ a. Ɛhye ɛyɛ amaamuo ɛha Yizilayɛ maanle ne anu. Bɛhɛlɛ edwɛne ne mɔ wɔ Awolɛyelɛ Buluku ne anu.

Gyɛlɛmaya Buluku ne 22:10

Dwudama, bɛmmasu mɔɔ ɛwu la, yɛɛ bɛmmadi ɔ nwo nyane; na bɛzu mɔɔ bɛ nee ye ɛlɛkɔ la kpalɛ, ɔluakɛ ɔnrɛzia ɔnrɛra bieko, ɔnrɛranwu ye maanle ye anu bieko.

Gyɛlɛmaya Buluku ne 22:18

Zɔhane ati Ɛdɛnkɛma ɛha Dwosaya ara Gyɛhɔyakem, Dwuda belemgbunli ne anwo edwɛkɛ kɛ, “Awie biala ɛnrɛzu ye kɛ, ‘ayi me diema nrenya,’ anzɛɛ ‘ayi me diema raalɛ.’ Awie biala ɛnrɛye awolɛ ɛnrɛze kɛ, ‘Me menle o,’ anzɛɛ ‘me belemgbunli o!’

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 20:29

Na mɔɔ menli ne nwunle kɛ Aalɔn ɛwu la, bɛ kɔsɔɔti bɛzunle ye toonwo kenle kɔkɔlɛ abulasa.

Edwɛkpa ne kɛmɔ Maake hɛlɛle la 6:29

Dwɔn ɛdoavolɛma ne mɔ dele, bɛhɔliele ye funli ne na bɛhɔziele ye.

Edwɛkpa ne kɛmɔ Luku hɛlɛle la 2:25

Mekɛ ne anu ɛnee nrenya bie mɔɔ bɛfɛlɛ ye Semɛyɔn la wɔ Gyɛlusalɛm. Nrenya ɛhye le sonlakpalɛ. Nyamenle nwo ɛzulolɛ wɔ ye nu na ɔlɛkendɛ Yizilayɛma ngoanelielɛ ne. Sunsum Nwuanzanwuanza ne wɔ ye nu,

Ɛzoanvolɛma Gyima ne 10:2

Ɔle sonla mɔɔ sulo Nyamenle a, yɛɛ ɔ nee ye sua nu amra amuala bɛsonle Nyamenle. Ɔ sa do Dwuuma ehyianvolɛma anwo zo, yɛɛ ɔnva ye nzɛlɛlɛ wɔ Nyamenle anyunlu ɔndo aze.

Ɛzoanvolɛma Gyima ne 2:5

Dwuuma mɔɔ Nyamenle ɛzonlenlɛ ti bɛvi maanle gyɛne gyɛne nu bɛrale la tɛbɔ Gyɛlusalɛm.

Ɛzoanvolɛma Gyima ne 8:1

Na Sɔɔlo liele ye ɛhunlɛ ne dole nu. Ɔvi kenle ko ne ala bɛbɔle ɔ bo kɛ bɛyɛ diedima mɔɔ wɔ Gyɛlusalɛm la kpɔdekpɔde. Yemɔti diedima ne amuala zandele; bie mɔ hɔle Dwudiya nee Samɛlea maanzinli ne mɔ anu, na ɔhale ɛzoanvolɛma ne ala.

Ɛzoanvolɛma Gyima ne 8:3

Na Sɔɔlo bɔle mɔdenle ala kɛ ɔkɛzɛkye Asɔne ne. Ɔwolowolole azua nu ɔhɔhwenle mraalɛ nee mrenya mɔɔ ɛzɔ diedi ne anu la na ɔvale bɛ ɔvindele ɔmanle bɛguale bɛ efiade.

Mɛla 34:8

Na Yizilayɛma zunle ye wɔ Mowabe fienemgbole ne anu kenle abulasa.

1 Sam 28:3

Akee Samoɛle ɛwu. Yizilayɛma kɔsɔɔti ɛzu ye na bɛzie ye wɔ ye sua zo Releema. Sɔɔlo ɛdu menli mɔɔ bɔ menli munzule nee bɛdabɛ mɔɔ bɛtendɛ nwomenle nloa zo la kɔsɔɔti wɔ Yizilayɛ maanle ne anu.