Ɛzoanvolɛma Gyima ne 8:18 - BAEBOLO ANZƐƐ BULUKU NWUANZANWUANZA

^18-19 Mɔɔ Saemɔn nwunle kɛ ɛzoanvolɛma ne fa bɛ sa gua menli ti zo a bɛnyia Nyamenle Sunsum ne la, ɔhanle kɛ, “Bɛlie ezukoa na bɛmaa medame noko tumi ɛhye bie, amaa awie biala mɔɔ menwɔva me sa menwɔgua ɔ ti zo la anyia Sunsum Nwuanzanwuanza ne bie.”

Ɛzoanvolɛma Gyima ne 8:18 ပူးပေါင်းရင်းမြစ်များ

2 Arl 8:9

Yemɔti Hazeeyɛle vale Dɛmasekɛse ninyɛne dɔɔnwo wulowulale bɛ ahodoku nu zoale afunlumu abulanla na ɔvale ɔhɔyiale Yilaehya kɛ, “Wɔ dehelɛ, Belemgbunli Bɛneheedade ɛnde kpɔkɛ, na yezoa me kɛ membambiza saa ɔkɛde kpɔkɛ a.”

Yizikeɛle Buluku ne 13:19

Bɛbɔ adalɛ bɛhile me menli ne mɔ mɔɔ kulo adalɛ la, bɛgua me nyunlu aze wɔ me menli ne anyunlu, bɛlie baale nee kpanwo, bɛhu menli mɔɔ ɔnle kɛ wu la, na bɛlie menli mɔɔ fɛta ewule la ngoane.

Edwɛkpa ne kɛmɔ Mateyu hɛlɛle la 10:8

Bɛyɛ wuleravolɛma ayile, bɛdunwue mɔɔ ɛwu la, bɛmaa kokobɛvolɛma ɛde kpɔkɛ, na bɛdu sunsum ɛtane ne mɔ. Bɛnyia tumi ɛhye mgbane mɔɔ bɛandua nwolɛ ɛhwee a, yemɔti bɛva bɛmaa mgbane mɔɔ bɛnlie ɛhwee a.

Ɛzoanvolɛma Gyima ne 8:17

Pita nee Dwɔn vale bɛ sa guale menli ne mɔ ati zo zɛlɛle, na bɛnyianle Sunsum Nwuanzanwuanza ne.

1 Tem 6:5

Eza bɛ nee menli mɔɔ bɛ adwenle ɛzɛkye na nɔhalɛ ne ɛvi bɛ sa la su kpolera dahuu. Bɛ adwenle a le kɛ bɛdua nyamenlezonlenlɛ zo bɛanyia bɛ nwo.