Ɛzoanvolɛma Gyima ne 8:12 - BAEBOLO ANZƐƐ BULUKU NWUANZANWUANZA

¹² Na mɔɔ bɛdele Edwɛkpa ne mɔɔ fane Nyamenle Belemgbunlililɛ ne anwo nee Gyisɛse Kelaese duma ne mɔɔ Felepe hanle nwolɛ edwɛkɛ la, mraalɛ nee mrenya kɔsɔɔti liele lile na bɛmanle bɛzɔnenle bɛ.

Ɛzoanvolɛma Gyima ne 8:12 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 28:19

Yemɔti bɛhɔ maanle ti nee maanle bo, bɛmaa menli ɛrayɛ me ɛdoavolɛma; bɛzɔne bɛ wɔ Selɛ ne, Ralɛ ne nee Sunsum Nwuanzanwuanza ne duma nu,

Edwɛkpa ne kɛmɔ Luku hɛlɛle la 9:2

Akee ɔzoanle bɛ kɛ bɛhɔbɔ Nyamenle Belemgbunlililɛ ne nolo na bɛyɛ wuleravolɛma ayile;

Edwɛkpa ne kɛmɔ Luku hɛlɛle la 9:60

Gyisɛse buale ye kɛ, “Gyakyi menli mɔɔ ɛnde Nyamenle Edwɛkɛ ne abo la ati, bɛle kɛ avunli la maa bɛzie bɛ avunli. Wɔmɔ kɔ na kɔbɔ Nyamenle Belemgbunlililɛ ne nolo.”

Ɛzoanvolɛma Gyima ne 1:3

Bɛdwazole ye bɛvile ewule nu la, ɔyele ɔ nwo ɔhilele bɛ wɔ ndenle dɔɔnwo anu kenle abulanla ɔmanle bɛnwunle ye wienyi kɛ ɔde aze, na ɔhanle Nyamenle Belemgbunlililɛ ne anwo edwɛkɛ ɔhilele bɛ.

Ɛzoanvolɛma Gyima ne 11:20

Diedima ne bie mɔ mɔɔ vi Saepelɛse nee Saelin la noko hɔhanle Edwɛkpa ne wɔ Anteɔko hilele bɛdabɛ mɔɔ bɛnle Dwuuma la.

Ɛzoanvolɛma Gyima ne 18:8

Kelesepɛse mɔɔ nea nyianu sua ne azo la nee ye sua nu amra liele Awulae lile, yɛɛ Kɔlentema dɔɔnwo mɔɔ dele Edwɛkpa ne la liele lile na bɛmanle bɛzɔnenle bɛ.

Ɛzoanvolɛma Gyima ne 19:5

Bɛdele ɛhye la, bɛmanle bɛzɔnenle bɛ wɔ Awulae Gyisɛse duma nu.

Ɛzoanvolɛma Gyima ne 2:38

Pita zele bɛ kɛ, “Bɛnlu bɛ nwo na bɛgyakyi ɛtane ɛyɛlɛ, na bɛmaa bɛzɔne bɛ wɔ Gyisɛse Kelaese duma nu, amaa bɛava bɛ ɛtane bɛahyɛ bɛ na bɛanyia Nyamenle ahyɛlɛdeɛ ne, mɔɔ le Sunsum Nwuanzanwuanza ne.

Ɛzoanvolɛma Gyima ne 2:41

Bie mɔ dɔɔnwo liele lile na bɛmanle bɛzɔnenle bɛ. Na kenle ko ne menli kɛyɛ apenle nsa rabokale ekpunli ne anwo.

Ɛzoanvolɛma Gyima ne 20:21

Mengakyele Dwuuma nee bɛdabɛ mɔɔ bɛnle Dwuuma la amuala kɛ bɛnlu bɛ nwo wɔ bɛ ɛtane ne mɔ mɔɔ bɛyɛ bɛtia Nyamenle la anwo na bɛlie yɛ Awulae Gyisɛse bɛli.

Ɛzoanvolɛma Gyima ne 20:25

“Mekpɔsa bɛ nwo zo meha Nyamenle Belemgbunlililɛ ne anwo edwɛkɛ mehile bɛ. Kɛkala, bɛ biala ɛnrɛnwu me nyunlu bieko.

Ɛzoanvolɛma Gyima ne 28:31

Ɔhanle Nyamenle Belemgbunlililɛ ne anwo edwɛkɛ na ɔhilehilele menli ninyɛne mɔɔ fane Awulae Gyisɛse Kelaese anwo la, na awie biala andenda ɔ gyakɛ anu.

Ɛzoanvolɛma Gyima ne 5:14

Menli dɔɔnwo kpalɛ, mraalɛ nee mrenya mɔɔ liele Awulae lile la rabokale bɛ nwo.

Ɛzoanvolɛma Gyima ne 8:4

Diedima ne bɔle asande la bɛnriandile bɛhɔle azua azua zo na bɛhɔhanle Edwɛkpa ne.

Wulo 10:10

Ɔluakɛ saa sonla fa ye ahonle die di a yɛɛ ɔka ye diedi ne ɔ nloa na ɔnyia ngoane a.

1 Kɔl 11:11

Noko akee, Awulae ati nrenya ɛngɔ ɛngyakyi raalɛ, yɛɛ raalɛ ɛngɔ ɛngyakyi nrenya.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:28

Zɔhane ati ngakyile biala ɛnle Dwuuma nee sonla mɔɔ ɛnle Dwuunli la avinli, akɛlɛ nee dehelɛ, anzɛɛ nrenya nee raalɛ avinli. Ɔluakɛ Kelaese ati bɛ muala bɛle menli ko.

1 Pit 3:21

Ɛzɔnenlɛ le sɛkɛlɛneɛ mɔɔ gyi ɛkɛ maa nzule ne a. Ɔnle sonlabaka nwo evinli ɛnrinzinlɛ, ɔle Nyamenle nyunlu modolɛ kɛ ɔmaa bɛ adwenle mɔɔ anu la ɛkɛ ne wienyi la, amaa ɔlua Awulae Gyisɛse Kelaese ewudwazo ne azo bɛalie bɛ ngoane.