Ɛzoanvolɛma Gyima ne 8:10 - BAEBOLO ANZƐƐ BULUKU NWUANZANWUANZA

¹⁰ Awie biala mɔɔ wɔ maanle ne anu, mgbanyinli nee ngakula muala tie ye. Bɛse, “Sonla ɛhye a le Nyamenle tumi ne mɔɔ bɛfɛlɛ ye ‘Tumi Bedevinli’ la.”

Ɛzoanvolɛma Gyima ne 8:10 ပူးပေါင်းရင်းမြစ်များ

Gyɛlɛmaya Buluku ne 31:34

Bɛ nuhua biala ɛnrɛhilehile ɔ gɔnwo anzɛɛ ɛnrɛze adiema kɛ, ‘Maa mengile wɔ Nyamenle,’ ɔluakɛ bɛ kɔsɔɔti, kpanyinli o, kakula o, bɛbanwu me. Mebava bɛ ɛtane meahyɛ bɛ, yɛɛ menrɛhakye bɛ ɛtane ne mɔ mɔɔ bɛyɛ la bieko. Medame Ɛdɛnkɛma a mese a.”

Gyɛlɛmaya Buluku ne 42:1

Akee Dwuda ɛlɔnema mgbanyima ne mɔ amuala, Kalia ara nrenya Dwoheenan, Hɛhyaya ara nrenya Azalaya, yɛɛ menli ne amuala, mɔɔ lɛ bie nee mɔɔ ɛnlɛ bie la

Gyɛlɛmaya Buluku ne 6:13

Ɔluakɛ ngakula nee mgbanyinli kɔsɔɔti ɛva ɛzie bɛ nyunlu kɛ bɛkpondɛ ezukoa awule nu. Nyamenle kpɔmanvolɛma nee sɛlɛvolɛma amuala sisi menli ne.

Gyɛlɛmaya Buluku ne 8:10

Yemɔti mebava bɛ ye mɔ meamaa mrenya fofolɛ, na meava bɛ egyinli ne mɔ meamaa menli mɔɔ bali bɛ nwo zo konim la, ɔluakɛ bɛ mgbanyinli nee bɛ ngakula kɔsɔɔti ɛlɛkpondɛ ezukoa anyebolo nu. Ɔvi Nyamenle kpɔmanvolɛma anwo zo mɔɔ badwu sɛlɛvolɛma anwo zo la, biala ɛnli nɔhalɛ.

Dwona Buluku ne 3:5

Menli mɔɔ wɔ Nenɛvɛ la liele Nyamenle lile. Bɛ muala bɛliele bɛdole nuhua kɛ bɛkeda ɛrele, bɛahye ɛhɔne, mgbolema nee ahoahweabane, bɛ muala bɛhyele ɛhɔne bɛvale bɛhilele kɛ bɛnlu bɛ nwo.

Ɛzoanvolɛma Gyima ne 14:11

Mɔɔ menli ne mɔ nwunle mɔɔ Pɔɔlo ɛyɛ la, bɛdeɛdeanle nu wɔ Laekewonea aneɛ ne anu kɛ, “Awozonle ne mɔ ɛhakyi bɛ nwo menli ɛra yɛ avinli!”

Ɛzoanvolɛma Gyima ne 28:6

Mɔɔ ɔyɛle zɔhane la ɛnee menli ne mɔ anye la kɛ Pɔɔlo asa banwu anzɛɛ ɔbapɛ yeafi yeawu. Na bɛnleanle dedee mɔɔ ɛhwee anyɛ ye la, bɛhakyile bɛ adwenle na bɛhanle kɛ, “Ɔle bozonle!”

1 Kɔl 1:24

na bɛdabɛ mɔɔ Nyamenle ɛvɛlɛ bɛ la, Dwuuma o, bɛdabɛ mɔɔ bɛnle Dwuuma la o, Kelaese a le Nyamenle tumi ne yɛɛ ɔdaye ko ne ala a ɔle Nyamenle nrɛlɛbɛ ne a.

2 Kɔl 11:19

Bɛmɛ bɛdabɛ, bɛ nrɛlɛbɛ somasoma ti, bɛ nye die kɔnwɔnema anwo.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:14

Ɛnee akee yɛnle ngakula bieko mɔɔ adalɛma fa bɛ ngilehilelɛ nee agyiba ne mɔ mɔɔ bɛfa bɛtwe menli bɛkɔ ɛtane nu la bɔ yɛ kɔ ba kɛ selɛkye nee anwoma la.

2 Pit 2:2

Menli dɔɔnwo badoa bɛ alua bɛ ɛbɛla mgbane mgbane adenle ɛhye anu, na ɔlua bɛ nyɛleɛ ti menli adendɛ ɛtane atia nɔhalɛ Adenle ne.

Yekile 13:3

Nane ne ati ne mɔ ko zɔho debie mɔɔ bɛbɔle ye hanlɛ kpole bie na hanlɛ ne ɛhɔ la. Ɔ nwo yɛle ewiade amra amuala ɛzulolɛ na bɛdule bɛdoale ye.