Ɛzoanvolɛma Gyima ne 7:60 - BAEBOLO ANZƐƐ BULUKU NWUANZANWUANZA

⁶⁰ Akee ɔhotole na ɔdeanle nu kpole kɛ, “Awulae, fa ɛtane ɛhye kyɛ bɛ!” Ɔhanle ɛhye la, ɔwule.

Ɛzoanvolɛma Gyima ne 7:60 ပူးပေါင်းရင်းမြစ်များ

Ɛzela Buluku ne 9:5

Ɔdwule nɔsolɛ azubɔlɛ mekɛ ne la, menvile ɛleka mɔɔ ɛnee mede melɛkye ɛhɔne ne la mendwazole, menvale me tɛladeɛ suosuanlera ne ala mengotole, mendɛlɛle me sa nu na menzɛlɛle Ɛdɛnkɛma me Nyamenle ne kɛ,

Daneɛle Buluku ne 12:2

Menli mɔɔ ɛwu la anu dɔɔnwo badwazo ara ngoane nu; bie mɔ banyia ngoane mɔɔ ɛnlɛ awieleɛ, bie mɔ dɔɔnwo noko babɔ anyiemgba mɔɔ ɛnlɛ awieleɛ.

Daneɛle Buluku ne 6:10

Daneɛle nwunle kɛ bɛlie mɛla ne bɛdo nu na belemgbunli ɛva ɔ sa ɛwula ɔ bo la, ɔhɔle sua nu, ɔbukebukele ye nvɛnzɛlɛ ne mɔ mɔɔ kɔne Gyɛlusalɛm afoa nu la ɔguale nwolɛ, na kenle ko biala ɔhotole ɔzɛlɛle na ɔyɛle ye Nyamenle ne mo fane nsa, kɛmɔ ɛnee ɔyɛ ye dɛba ne la.

Edwɛkpa ne kɛmɔ Mateyu hɛlɛle la 27:52

sɛka zo bukebukele, na bɛdwazole Nyamenle menli ne mɔɔ ɛwu la anu dɔɔnwo bɛrale ngoane nu.

Edwɛkpa ne kɛmɔ Mateyu hɛlɛle la 5:44

Noko mame, mese: Bɛhulo bɛ kpɔvolɛma na bɛzɛlɛ bɛmaa bɛdabɛ mɔɔ bɛyɛ bɛ kpɔdekpɔde la,

Edwɛkpa ne kɛmɔ Luku hɛlɛle la 22:41

Akee ɔvile bɛ nwo ɛkɛ ne ɔhɔle ɔ nyunlu ekyii na ɔhotole ɔzɛlɛle kɛ,

Edwɛkpa ne kɛmɔ Luku hɛlɛle la 23:34

Na Gyisɛse zele kɛ, “Egya, fa bɛ ɛtane kyɛ bɛ! Bɛnze mɔɔ bɛlɛyɛ la.” Bɛguale ye adɛladeɛ ne mɔ anwo nzeleba na bɛhyɛle.

Edwɛkpa ne kɛmɔ Luku hɛlɛle la 6:28

Bɛyileyila menli mɔɔ wa bɛ amonle la, na bɛzɛlɛ bɛmaa menli mɔɔ yɛ bɛ kpɔdekpɔde la.

Dw 11:11

Gyisɛse hanle ɛhye na ɔvale ɔzɔle zolɛ kɛ, “Yɛ gɔnwo Lazalɛse ɛlafe, na mekɔ meahɔdunwue ye.”

Ɛzoanvolɛma Gyima ne 13:36

Devidi zonlenle ye Nyamenle wɔ ye mekɛ zo na ɔwule, bɛziele ye wɔ ɔ nlenya mɔ avinli, na ɔkpɔlɔle.

Ɛzoanvolɛma Gyima ne 20:36

Mɔɔ Pɔɔlo wiele la, ɔ nee bɛ bɛ muala bɛhotole na bɛyɛle nzɛlɛlɛ.

Ɛzoanvolɛma Gyima ne 21:5

Noko yɛ mekɛ mɔɔ yɛdi ye bɛ nwo ɛkɛ ne la wiele la, yɛvile ɛkɛ ne na yɛzɔle yɛ adendulɛ ne azo. Bɛ muala bɛ nee bɛ ye mɔ nee bɛ mra bɛhɔzɔhonle yɛ wɔ suakpole ne kandiba, na yɛ muala yɛhotole ɛnwea ne azo yɛyɛle nzɛlɛlɛ.

Ɛzoanvolɛma Gyima ne 9:40

Pita vindele bɛ, na ɔhotole ɔzɛlɛle; ɔhakyile ɔ nye funli ne anwo na ɔzele kɛ, “Tabeta, dwazo!” Raalɛ ne bukele ɔ nye na ɔnwunle Pita la, ɔmanle ɔ nwo zo ɔdɛnlanle aze.

1 Kɔl 11:30

Ɛhye ati yɛɛ bɛ nuhua dɔɔnwo anwo ɛyɛ bɛ bɛtɛɛ, bɛ nwo ɛtoto bɛ, na bie mɔ ɛwu la.

1 Kɔl 15:18

yɛɛ bɛdabɛ mɔɔ bɛdie Kelaese bɛdi na bɛwu la ɛminli.

1 Kɔl 15:20

Na nɔhalɛ ne a le kɛ Nyamenle ɛdwazo Kelaese ɛvi ewule nu, na ɛhye maa yɛsi pi kɛ Nyamenle badwazo bɛdabɛ mɔɔ bɛwu la amuala.

1 Kɔl 15:51

Bɛdie fealeranu edwɛkɛ ɛhye: yɛ muala yɛnrɛwu. Saa bɛbɔ aweɛne tendenle ne mɔɔ li amozi la anu a, yɛ nye zo katete yɛ la ɛnee Nyamenle ɛhakyi yɛ ɛwie. Ɔluakɛ bɛbɔ aweɛne tendenle ne anu a, Nyamenle badwazo mɔwuamra, mɔɔ bɛnwu bieko ɛlɛ a, na bɛahakyi yɛ muala mɔɔ yɛha la.

1 Kɔl 15:6

Eza kenle ko bie ɔyele ɔ nwo ɔhilele ye ɛdoavolɛma mɔɔ bo ɛya nnu mɔɔ bɛ nuhua dɔɔnwo ne ala tɛte aze la, bie mɔ ɛwu bɔbɔ ɛdeɛ.

1 Tɛs 5:10

Gyisɛse wule manle yɛ amaa ɔba a, saa yɛwu o, yɛde ngoane nu o, yɛ nee ye adɛnla.

2 Tem 4:16

Awie biala angyinla me nzi wɔ alumua ne mɔɔ mekaza me ne wɔ edwɛkɛlilɛ ne anu la. Bɛ muala bɛkpole me. Mesɛlɛ kɛ Nyamenle ɛva ɛhyɛ bɛ.

2 Pit 3:4

na bɛabiza kɛ, “Se ɔbɔle ɛwɔkɛ kɛ ɔbara, na ɔwɔ nienwu? Sumunli mɔmoane mɔɔ yɛ nlenya mɔ wule la, kɛ debie biala de, ɔvi aloamɔleɛ la yɛɛ ɔde a.”