Ɛzoanvolɛma Gyima ne 7:56 - BAEBOLO ANZƐƐ BULUKU NWUANZANWUANZA

⁵⁶ Na ɔzele bɛ kɛ, “Bɛnlea, menwu kɛ anwuma ɛbuke, na menwu kɛ Sonla Ra ne gyi Nyamenle asa fema zo.”

Ɛzoanvolɛma Gyima ne 7:56 ပူးပေါင်းရင်းမြစ်များ

Yizikeɛle Buluku ne 1:1

Wɔ ɛvolɛ abulasa ne anu, siane nna ne, ye kenle nnu ne azo, ɛnee medame, sɛlɛvolɛ Yizikeɛle, mɔɔ me ze a le Buzi la mewɔ Dwuuma mɔɔ bɛhye bɛ, bɛ nee bɛ ɛhɔ nlɔnu la avinli wɔ Azule Kibaa ne anloa. Na menwunle kɛ anwuma ɛbuke, na Nyamenle yele ɔ nwo hilele me.

Edwɛkpa ne kɛmɔ Mateyu hɛlɛle la 25:31

“Mekɛ mɔɔ medame Sonla Ra, menwɔra kɛ Belemgbunli, mɔɔ ɛnee me soanvolɛma ne amuala wɔ me nwo ɛkɛ ne la, mebadɛnla me anyunlunyia belemgbunli ebia ne anu,

Edwɛkpa ne kɛmɔ Mateyu hɛlɛle la 3:16

Mɔɔ bɛzɔnenle Gyisɛse bɛwiele la, ɔvi azule ne anu ɔvole file zo ndɛndɛ ne ala. Anwuma bukele na ɔnwunle kɛ Nyamenle Sunsum ne ɛlɛdwu kɛ abubule la na ɔrazinzele ɔ nwo zo.

Edwɛkpa ne kɛmɔ Mateyu hɛlɛle la 8:20

Gyisɛse zele ye kɛ, “Ɛzonlɛ lɛ bɛ mbɔne, yɛɛ nloma lɛ bɛ sane, na mame, Sonla Ra, menlɛ ɛleka mɔɔ meto me ti a.”

Edwɛkpa ne kɛmɔ Maake hɛlɛle la 1:10

Mɔɔ Gyisɛse vi azule ne anu vole file zo ala la, ɔnwunle kɛ anwuma ɛbuke na Sunsum ne ɛlɛdwu ɔ nwo zo kɛ abubule la.

Edwɛkpa ne kɛmɔ Luku hɛlɛle la 3:21

Mɔɔ bɛzɔnenle menli ne amuala bɛwiele la, nzinlii bɛzɔnenle Gyisɛse ɔdaye noko, na mɔɔ ɔyɛ nzɛlɛlɛ la, anwuma bukele,

Dw 1:51

Na ɔhanle ɔhilele bɛ muala kɛ, “Meka nɔhalɛ ne meahile bɛ: bɛbanwu kɛ anwuma ɛbuke na Sonla Ra ne ati, Nyamenle soanvolɛma ɛlɛfo dwu.”

Ɛzoanvolɛma Gyima ne 10:11

kɛ anwuma ɛbuke, na bɛlɛdwula debie bie mɔɔ le kɛ ɛdanlɛ mɔɔ bɛsosɔ ɔ nloa nna ne amuala anu la aze.

Ɛzoanvolɛma Gyima ne 10:16

Ɛhye zile fane nsa, na bɛhwenle deɛ ne bɛhɔle anwuma.

Ɛzoanvolɛma Gyima ne 7:57

Ɛkɛ ne ala bɛduoduale bɛ nzo, na bɛdeanle nu kokye la ɛnee bɛwɔ Sitivin anwo zo, nwee!

Yekile 11:19

Na bɛbukele Nyamenle Ɛzonlenlɛ Sua ne mɔɔ wɔ anwuma lɔ la, na Ngyekyeleɛ Ɛlɛka ne anwo lale ɛkɛ ne wienyi. Na ɛsɛlɛmanye kpakyekpakyele, maanle nu hulule, azɛlɛ kpusule, na ezuawolɛ dɔle kpole bie.

Yekile 19:11

Akee menwunle kɛ anwuma ɛbuke, na nrenya bie de ɛkpɔnwɔ fufule zo gyi ɛkɛ. Nrenya ne mɔɔ de ɛkpɔnwɔ fufule ne azo la bɛfɛlɛ ye Diedinli nee Nɔhavo; ɔfa pɛlepɛle a ɔbua ndɛne, ɔko konle a.

Yekile 4:1

Ɛhye anzi, mendole me nye, na menwunle kɛ bɛbuke anlenkɛ bie wɔ anwuma lɔ. Na ɛnelɛ ne mɔɔ dielie kɛ aweɛne tendenle, mɔɔ lumuale dendɛle hilele me la zele me kɛ, “Fo bɛla anwuma ɛke maa mengile wɔ mɔɔ bazi ɛhye anzi la.”