Ɛzoanvolɛma Gyima ne 7:52 - BAEBOLO ANZƐƐ BULUKU NWUANZANWUANZA

⁵² Nyamenle kpɔmanvolɛ ko bɔbɔ ɛnle ɛkɛ mɔɔ bɛ mgbanyima andwazo ɔ nwo zo a. Bɛhunle menli mɔɔ Nyamenle zoanle bɛ kɛ bɛrabɔ ye Sonvolɛ Nwuanzanwuanza ne anwo nolo la amuala, na eza bɛye ɔdaye mumua ne bɛmaa bɛhu ye.

Ɛzoanvolɛma Gyima ne 7:52 ပူးပေါင်းရင်းမြစ်များ

1 Arl 19:10

Ɔbuale kɛ, “Melɛtwe ɛdawɔ Tumivolɛ Ɛdɛnkɛma Nyamenle ɛ ti nungule, ɔluakɛ Yizilayɛma ɛgyakyi wɔ edwɛkɛ ne anzi ɛlilɛ, bɛbubu wɔ azukponle ne mɔ, na bɛhu wɔ kpɔmanvolɛma ne mɔ amuala; me ngomekye ala yɛɛ meha a, yɛɛ eza bɛlɛkpondɛ medame noko bɛahu me.”

1 Arl 19:14

Yilaegya buale kɛ, “Melɛtwe ɛdawɔ Tumivolɛ Ɛdɛnkɛma Nyamenle ɛ ti nungule, ɔluakɛ Yizilayɛma ɛkpo wɔ ngyekyeleɛ ne, bɛbubu wɔ azukponle ne mɔ na bɛhu wɔ kpɔmanvolɛma ne mɔ amuala; me ngomekye ala a meha a, yɛɛ eza bɛkpondɛ medame noko bɛahu me.”

2 Edk 36:15

Ɛdɛnkɛma, bɛ ze mɔ Nyamenle ne, zoanle menli manle bɛrabɔle bɛ kɔkɔ, ɔboalekɛ ɛnee ɔse ye menli ne nee Ɛzonlenlɛ Sua ne anwunvɔne.

2 Edk 36:16

Noko bɛhɔle zo bɛzile menli mɔɔ Nyamenle zoanle bɛ la amgbu, bɛkpole kɛ bɛnrɛdie bɛ edwɛkɛ ne, na bɛgolole Nyamenle kpɔmanvolɛma ne anwo toonwo bɛmanle Ɛdɛnkɛma vale ɛya kpole mɔɔ bɛyɛ ye ɛhwee a ɔnyɛ boɛ a.

Nihɛmaya Buluku ne 9:26

“Wɔ menli ne dele ɛ nwo atua na bɛandie wɔ aneɛ, bɛhakyile bɛ nzi bɛzile wɔ mɛla ne. Bɛhunle Nyamenle kpɔmanvolɛma mɔɔ bɔle bɛ kɔkɔ, na bɛzele bɛ kɛ bɛzia bɛdoa wɔ la; bɛbɔle munzule kpole!

Gyɛlɛmaya Buluku ne 2:30

Bɛ mra ne mɔ ɛmaa mevɛ mgbane; medea bɛ, noko bɛande folɛ. Bɛdabɛ a bɛhu bɛ Nyamenle kpɔmanvolɛma ne mɔ kɛ awenade mɔɔ asa ɛha nane la.

Gyɛlɛmaya Buluku ne 20:2

Na Pahyɛ manle bɛbole Nyamenle Kpɔmanvolɛ Gyɛlɛmaya na bɛbɔle ye kpanwu wɔ Ɛdɛnkɛma Ɛzonlenlɛ Sua ne Sɔlɔ Bɛngyaman Anlenkɛ Kpole ne anwo.

Gyɛlɛmaya Buluku ne 26:15

Na bɛhakye kɛ, saa bɛku me a, ɛnee bɛ nee bɛ menli ne amuala ɛva munzule bɛmaa bie ɛha suakpole ɛhye nee zolɛ menli ne amuala, kɛ bɛha sonla mɔɔ ɛnze nwolɛ bie la mogya bɛgua a. Ɔluakɛ mame, ɔle nɔhalɛ kɛ Ɛdɛnkɛma a zoanle me kɛ membanga edwɛkɛ ɛhye kɔsɔɔti mengile bɛ a.”

Gyɛlɛmaya Buluku ne 26:23

bɛhɔhyele Yulaya bɛrɛlɛle ye. Belemgbunli Gyɛhɔyakem manle bɛhunle ye na bɛvuandinle ye funli ne bɛdole maanle azie ne azo.)

Zɛkalaya Buluku ne 9:9

O Zayɔnoma, bɛmaa bɛ nye ɛlie! O Gyɛlusalɛmma, bɛdea nu kpole kpalɛ! Bɛnlea, bɛ belemgbunli ne ɛlɛba bɛ ɛkɛ; ɔlɛba ye konimlilɛ nu. Ɔle bɛlɛvo yɛɛ ɔde asoaso zo, asoaso ralɛ zo.

Edwɛkpa ne kɛmɔ Mateyu hɛlɛle la 5:12

Bɛmaa bɛ nye ɛlie na bɛli fɛlɛko, ɔluakɛ bɛlɛ nwolɛ ahatualɛ kpole wɔ anwuma. Zɔhane ala yɛɛ bɛyɛle Nyamenle kpɔmanvolɛma ne mɔ mɔɔ lumua la a.

Edwɛkpa ne kɛmɔ Luku hɛlɛle la 6:23

Saa ɔba ye zɔhane a, bɛli fɛlɛko, bɛzi agole, na bɛmaa bɛ nye ɛlie, ɔboalekɛ Nyamenle ɛva nwolɛ ahatualɛ kpole bie ɛzie bɛ wɔ anwuma. Ɔluakɛ kɛ bɛ nlenya mɔ yɛle Nyamenle kpɔmanvolɛma mɔɔ lumua la ɛne.

Dw 16:10

bɛvo wɔ pɛlepɛlelilɛ nwo, ɔboalekɛ melɛkɔ Selɛ ne anwo lɔ, na bɛnrɛnwu me bieko;

Ɛzoanvolɛma Gyima ne 2:23

Nyamenle ɔdaye ye ɛhulolɛ zo, ɔliele ɔdole nu kɛ bɛkɛye Gyisɛse bɛkɛmaa bɛ; yɛɛ bɛdabɛ noko bɛmanle menli mɔɔ ɛnze Nyamenle la bɔle ye meanubaka nu hunle ye a.

Ɛzoanvolɛma Gyima ne 22:14

Na ɔhanle kɛ, ‘Yɛ nlenya mɔ Nyamenle ne ɛye wɔ ɛzie ɛkɛ kɛ ɛnwu ye ɛhulolɛdeɛ na ɛnwu ye Fɔɔnwonli sonvolɛ ko ne, na ɛde ɔ ne.

Ɛzoanvolɛma Gyima ne 3:18

Nyamenle luale ye kpɔmanvolɛma anwo zo hanle dole ɛkɛ ne dɛba, kɛ ɔwɔ kɛ Mɛzaya ne nwu amaneɛ, yemɔti a ɔmanle ɔrale ye zɔhane a.

Ɛzoanvolɛma Gyima ne 3:24

Eza Nyamenle kpɔmanvolɛma, Samoɛle nee bɛdabɛ mɔɔ bɛli ɔ nzi la amuala, biala hanle mekɛ ɛhye anwo edwɛkɛ.

Ɛzoanvolɛma Gyima ne 4:10

ɛnee bɛdie bɛmaa ɔdo Yizilayɛma kɔsɔɔti kɛ, ɔlua Gyisɛse Kelaese mɔɔ vi Nazalɛte, mɔɔ bɛmɛ bɛbɔle ye meanubaka nu bɛhunle ye, na Nyamenle dwazole ye vile ewule nu la duma nu a ɛnɛ nrenya ɛhye gyi bɛ nyunlu ɛke kɛ yede kpɔkɛ bɔkɔɔ a.

1 Tɛs 2:15

Dwuuma hunle Awulae Gyisɛse nee kpɔmanvolɛma ne mɔ, bɛyɛle yɛ kpɔdekpɔde bɛmanle yɛnriandile. Bɛha Nyamenle ɛya kpole! Bɛkyi awie biala.

2 Tem 3:4

bɛbaye bɛ gɔnwo mɔ bɛamaa, bɛbayɛ mgbaha na bɛ ti anu ayɛ bɛ fɛ; bɛbahulo anyelielɛ bɛadɛla Nyamenle,

1 Pit 1:11

Bɛbɔle mɔdenle kɛ bɛkɛnwu sonla holɛ ko ne mɔɔ bara nee mekɛ holɛ ko ne mɔɔ ɔbava yeara la. Ɛhye a le mɔɔ ɛnee Kelaese Sunsum ne mɔɔ wɔ bɛ nu la ɛlɛkilehile bɛ na ɔka nyane mɔɔ ɔwɔ kɛ Kelaese nwu ye nee anyunlunyia mɔɔ li ɔ nzi la anwo bie ɔkile bɛ a.

1 Dw 2:1

Me mra ngakula, melɛkɛlɛ bɛ kɛlata ɛhye, amaa bɛanyɛ ɛtane, na saa bɛ nuhua bie yɛ ɛtane a, yɛlɛ kamaavolɛ wɔ Selɛ ne anwo lɔ mɔɔ kpa yɛ ti kyɛlɛ a, yemɔ a le Gyisɛse Kelaese, mɔɔ le fɔɔnwonli ko ne.

Yekile 19:10

Ɛhye ati mendule mendɔle ɔ gyakɛ anu kɛ mesonle ye, na ɔzele me kɛ, “Mmayɛ! Medame mele sonvolɛ kɛ ɛdawɔ nee ɛ mediema mɔɔ zɔle nɔhalɛ ne mɔɔ Gyisɛse yele hilele bɛ la anu la. Sonle Nyamenle, mmasonle me!” Ɔluakɛ nɔhalɛ ne mɔɔ Gyisɛse yele hilele la a le Nyamenle kpɔmanvolɛma anwosesebɛ ne a.

Yekile 3:7

“Kɛlɛ ɛhye kɔmaa Feladɛlefea asɔne ne Nyamenle soanvolɛ ne. “Nrɛlaleɛ ɛhye vi Nwuanzanwuanzanli ne mɔɔ le nɔhalɛnli ne ɛkɛ. Yemɔ yɛɛ ɔlɛ Belemgbunli Devidi sanvɛ ne a. Ɔto nu a, awie ɛmbuke, yɛɛ ɔbuke a, awie ɛndo nu.